aahlaadajanakasyaadya saannidhyaattava sha~gkara |
candrashcandratvamaapede jaane candralasajjaTa ||1||
kaalakooTaM nigRuhyaadaavarakShaH sakalaM jagat |
ko vaa&tra vismayaH shaMbho kaalasyaikasya nigrahe ||2||
abhavastvaM soochayituM lokaanaamardhanaarIshaH |
ardho vetyaamnaayaH svaarthaparo naarthavaada iti ||3||
jaDataavidalanadIkShita jaDataapahRRutiM karoShi no chenme |
dIkShaabha~ggo na bhaveddaakShaayaNyaashritaa~gga kimu tena ||4||
pashupatimava maaM shaMbho pashupatirasi girisha yasmaatvam |
shrutirapyevaM brute kartavyaa hyaatmarakSheti ||5||
shIrShopari chandraste loke shaastre cha viKyaataH |
kaNThoparyakaLa~gkaH poorNaH ko&yaM nishaakaro bruhi ||6||
kavitvavaarashisharannisheshaM jaDatvanaagendravibhedasiMham |
mRugatvagaabaddhakaTipradeshaM mahattvadaM naumi nataaya shaMbhum ||7||
yada~gghripaathoruhasevanena prayaati sarvottamataaM jaDo&pi |
tamambikaamaanasapadmahaMsamupaashraye satvaracitashuddhaye ||8||
bahoonaaM janaanaaM mano&bhIShTajaataM susookShmaM vitIryaashu garvaayase tvam |
maheshaana yadyasti shaktistavaaho mahanmanmano&bhIShTamaashu prayacCa ||9||
apaaM puShpaardhasya pratidinamaho dhaaraNavashaatprabho
kiM nirvedaaddharaNigatapuShpaalimadhunaa |
rasaaddhatse shIrShe shashadharakirITaagatanayaasahaaya
prabroohi praNatajanakaaruNyabharita ||10||
bahoH kaalaatkiM vaa shirasi kRutavaasaM tava vidhuM
viyogaM kiM patyurbhRushamasahamaanaaH svayamaho |
samaali~ggantyetaaH patimatirasaatpuShpamiShataH
prabho taaraastasmaadasi sumakirITastvamadhunaa ||11||
bhaktaanaaM hRudrathaanaaM nijanijapadavIpraaptaye paarvatIshaH
kaaruNyaapaaravaaraaMnidhiragapatijaasaMyutaH saMbhrameNa |
aaruhyaikaM hi baahyaM rathamiha niKilaaMshcaalayankiM puroktaangarvaM
pakShIshavaayvorharati karuNayaa shIghranamreShTRadaayI ||12||
matpaapaanaaM bahoonaaM parimitiradhunaa&dhIsha naastyeva noonaM
tvadvatpaapopashaantipradamiha bhuvane naasti daivaM cha sadyaH |
tasmaanmatpaaparaashiM daha daha tarasaa dehi shuddhaaM cha buddhiM
srotaH shreShThaavataMsa praNatabhayahara praaNanaathaagajaayaaH ||13||
kaamaM santu suraaH svapaadanamanastotraarchanaabhishciraM
dehaM karshayate janaaya phaladaastaannaashraye jaatvapi |
yo jaatvapyavashaatsvanaama vadate lokaaya shIghreShTadaH
so&vyaaddhetuvihInapoorNakaruNaH kaantaayitaardhaH shivaH ||14||
nityaanityavivekabhogaviratI shaantyaadiShaTkaM tathaa
mokShecCaamanapaayinIM vitara bho shaMbho kRRupaavaaridhe |
vedaantashravaNaM tadarthamananaM dhyaanaM ciraM brahmaNaH
saccidroopatanoraKaNDaparamaanandaatmanaH sha~gkara ||15||
mannIkaashatanuM pragRUhya karuNaavaaraaMnidhe satvaraM
shrRu~ggaadrau vasa modataH karuNayaa vyaaKyaanasiMhaasane |
kurvallokatatiM svadharmanirataaM sauKyairasheShairvRutaama-
dvaitaatmavibodhapoorNahRudayaaM caatanvaparNaapate ||16||
yatpadaambujasamarchanasaktaH saktimaashu viShayeShu vihaaya |
saccidaatmani vilInamanaskaaH saMbhavanti tamahaM shivamIDe ||17||
rajanIvallabhachooDo rajanIcharasevyapadapadmaH |
raakaashashaa~gkadhavaLo raajati ramaNIgRuhItavaamaa~ggaH ||18||
karavaaNItanubhiste karavaaNIshaa~gghrisannatiM modaat |
karavaaNItanushuddhyai karavaaNIshrIbahutvaaya ||19||
iti shrIshivastavakadambaM saMpoorNam ||