govinda maadhava mukunda hare muraare shaMbho shivesha shashisheKara shoolapaaNe ||
daamodaraacyuta janaardana vaasudeva tyaajyaa bhaTaa ya iti santatamaamananti ||1||
ga~ggaadharaandhakaripo hara nIlakaNTha vaikuNTha kaiTabharipo kamaThaabjapaaNe||
bhutesha KaNDaparasho mRuDa chaNDikesha tyaajyaa bhaTaa ya iti santatamaamananti ||2 ||
viShNo nRusiMha madhusoodana chakrapaaNe gaurIpate girisha sha~gkara chandracooDa ||
naaraayaNaasuranibarhaNa shaar~ggapaaNe tyaajyaa bhaTaa ya iti santatamaamananti ||3||
mRutyu~jjayogra viShamekShaNa kaamashatro shrIkaanta pItavasanaaMbuda nIla shaure ||
Ishaana kRuttivasana tridashaikanaatha tyaajyaa bhaTaa ya iti santatamaamananti ||4||
lakShmIpate madhuripo puruShottamaadya shrIkaNTha digvasana shaanta pinaakapaaNe ||
aanandakanda dharaNIdhara padmanaabha tyaajyaa bhaTaa ya iti santatamaamananti ||5||
sarveshvara tripurasoodana devadeva brahmaNyadeva garuDadhvaja sha~gKapaaNe ||
tryakShoragaabharaNa baalamRugaa~gkamaule tyaajyaa bhaTaa ya iti santatamaamananti ||6||
shrIraama raaghava rameshvara raavaNaare bhootesha manmatharipo pramathaadhinaatha ||
chaaNooramardana hRuShIkapate muraare tyaajyaa bhaTaa ya iti santatamaamananti ||7||
shoolin girIsha rajanIsha kalaavataMsa kaMsapraNaashana sanaatana keshinaasha ||
bharga trinetra bhava bhootapate puraare tyaajyaa bhaTaa ya iti santatamaamananti ||8||
gopIpate yadupate vasudevasoono karpooragaura vRuShabhadhvaja bhaalanetra ||
govardhanoddharaNa dharmadhurINa gopa tyaajyaa bhaTaa ya iti santatamaamananti ||9||
sthaaNo trilochana pinaakadhara smaraare kRuShNaaniruddha kamalaakara kalmaShaare ||
vishveshvara tripathagaardrajaTaakalaapa tyaajyaa bhaTaa ya iti santatamaamananti ||10||
aShTottaraadhikashatena sucaarunaamnaaM sandarbhitaaM laLitaratnakadaMbakena ||
sannaayakaaM dRuDhaguNaaM nijakaNThagataaM yaH kuryaadimaaM srajamaho sa yamaM na pashyet ||11||
gaNaavoochatuH ||
itthaM dvijendra nijabhRutyagaNaansadaiva saMshikShayedavanigaansa hi dharmaraajaH ||
anye&pi ye hariharaa~gkadharaa dharaayaaM te doorataH punaraho parivarjanIyaaH ||12||
agastya uvaacha ||
yo dharmaraajaracitaaM laLitaprabandhaaM naamaavaLiM sakalakalmaShabIjahantrIm ||
dhIro&tra kaustubhabhRUtaH shashibhooShaNasya nityaM japetstanarasaM na pibetsa maatuH ||13||
iti shrRuNvankathaaM ramyaaM shivasharmaa priye&naghaam ||
praharShavaktraH purato dadarsha sarasIM purIm ||14||
iti hariharaaShTottarashatanaamastotraM sampoorNam ||