Please send your corrections

vedasaara shivastava stotram |
(chaMkaraachaarya virachito)

pashoonaaM patiM paapanaashaM pareshaM gajendrasya kRuttiM vasaanaM vareNyam | 
jaTaajooTamadhye sphuradgaa~ggavaariM mahaadevamekaM smaraami smaraarim ||1|| 

maheshaM sureshaM suraaraatinaashaM vibhuM vishvanaathaM vibhootya~ggabhooSham | 
viroopaakShamindvarkavahniM trinetraM sadaanandamIDe prabhuM pa~jchavaktram ||2|| 

girIshaM gaNeshaM gale nIlavarNaM gavendraadhirooDhaM guNaatItaroopam | 
bhavaM bhaasvaraM bhasmanaa bhooShitaa~ggaM bhavaanIkaLatraM bhaje pa~jchavaktram ||3||

shivaakaanta shaMbho shashaa~gkaardhamaule maheshaana shoolin jaTaajooTadhaarin | 
tvameko jagadvyaapako vishvaroopa prasIda prasIda prabho poorNaroopa ||4|| 
        
paraatmaanamekaM jagadbIjamaadyaM nirIhaM niraakaaramo~gkaaravedyam | 
yato jaayate paalyate yena vishvaM tamIshaM bhaje lIyate yatra vishvam ||5|| 

na bhoomirna chaapo na vahnirna vaayurna chaakaashamaaste na tandraa na nidraa | 
na grIShmo na shItaM na desho na veSho na yasyaasti moortistrimoortiM tamIDe ||6|| 

ajaM shaashvataM kaaraNaM kaaraNaanaaM shivaM kevalaM bhaasakaM bhaasakaanaam | 
turIyaM tamaH paaramaadyantahInaM prapadye paraM paavanaM dvaitahInam ||7|| 

namaste namaste vibho vishvamoorte namaste namaste cidaanandamoorte !  
namaste namaste tapoyogagamya namaste namaste shrutij~jaanagamya ||8|| 

prabho shoolapaaNe vibho vishvanaatha mahaadeva shaMbho mahesha trinetra | 
shivaakaanta shaanta smaraare puraare tvadanyo vareNyo na maanyo na gaNyaH ||9|| 

shaMbho mahesha karuNaamaya shoolapaaNe gaurIpate pashupate pashupaashanaashin | 
kaashIpate karuNayaa jagadetadekastvaM haMsi paasi vidadhaasi maheshvaro&si ||10|| 

tvatto jagadbhavati deva bhava smaraare tvayyeva tiShThati jaganRmRuDa vishvanaatha | 
tvayyeva gacChati layaM jagadetadIsha li~ggaatmakaM hara charaacharavishvaroopin ||11|| 

iti shrImacChaMkaraachaaryavirachito vedasaarashivastavaH saMpoorNaH ||