gaṅgātaraṁga ramaṇiya jaṭakalāpaṁ
gaurī nirantara vibhūṣita vāmabhāgam |
nārāyaṇa priya manaṁga madāpahāraṁ
vārāṇasīpurapatiṁ bhaja viśvanātham ||

vācāmagocara manegaguṇasvarūpaṁ
vāgīśaviṣṇu surasevita pādapīṭham |
vāmena vigrahavareṇa kalatravantaṁ
vārāṇasīpurapatiṁ bhaja viśvanāṭham ||

bhūtādhipaṁ bhujaga bhūṣaṇa bhūṣitāṁgaṁ 
vyāghrājināṁbaradharaṁ jaṭilaṁ trinetram |
pāśāṁkuśābhaya varaprada śūlapāṇiṁ 
vārāṇasīpurapatiṁ bhaja viśvanāṭham |

śītāṁśu śobhita kirīṭa virājamānaṁ
bhālekṣaṇānala viśoṣita paṁcabāṇam |
nāgādhipāracita bhāsurakarṇapūraṁ
vārāṇasīpurapatiṁ bhaja viśvanātham ||

paṁcānanaṁ durita matta madaṁgajānāṁ
nāgāntakaṁ danujapuṁgava pannagānām |
dāvānalaṁ maraṇaśoka jarāṭavīnāṁ
vārāṇasīpurapatiṁ bhaja viśvanātham ||

tejomayaṁ saguṇa nirguṇa madvitīyaṁ
ānandakanda maparājita maprameyam |
nāgātmakaṁ sakalaniṣkala mātmarūpaṁ
vārāṇasīpurapatiṁ bhaja viśvanātham ||

rāgādidoṣa rahitaṁ svajanānurāgaṁ
vairāgya śānti nilayaṁ girijā sahāyam |
mādhurya dhairya subhagaṁ garalābhirāmaṁ
vārāṇasīpurapatim bhaja viśvanātham ||

āśāṁ vihāya parihṛtya parasya nindāṁ
pāpe ratiṁ ca sunivārya manaḥ samādhau |
ādhāya hṛtkamala madhyagataṁ pareśaṁ
vārāṇasīpurapatiṁ bhaja viśvanātham ||

vārāṇasī purapateḥ stavanaṁ śivasya
vyākhyāta maṣṭakamidaṁ paṭhate manuṣyaḥ |
vidyāṁ śriyaṁ vipulasaukhyamanantakīrtiṁ
samprāpya deha vilaye labhate ca mokṣam ||

viśvanāthāṣṭakamidaṁ yaḥ paṭhecchiva sannidhau |
śivalokamavāpnoti śivena saha modade ||

   || iti vyāsapraṇītaṁ śrī viśvanāthāṣṭakam saṁpūrṇam ||