logo

|

Home >

Scripture >

scripture >

English-Script

Margasahayalingastuti of Appayya Deekshitar


.. śrī mārgasahāyaliṅga stutiḥ ..

  .. śrīmada appayyadīśitendraiḥ viracitā ..

payo nadītīra nivāsaliṅgaṃ bālārka koṭi pratimaṃ trinetram .
padmāsanenārcita divyaliṅgaṃ vandāmahe mārgasahāyaliṅgam .. 1..

gaṅgātaraṅgollasaduttamāṅgaṃ gajendra carmāṃbara bhūṣitāṅgam .
gaurī mukhāṃbhoja vilola bhṛṅgaṃ vandāmahe mārgasahāyaliṅgam .. 2..

sukaṅkaṇībhūta mahābhujaṅgaṃ saṃñāna saṃpūrṇa nijāntaraṅgam .
sūryendu biṃbānala bhūṣitāṅgaṃ vandāmahe mārgasahāyaliṅgam .. 3..

bhaktapriyaṃ bhāvavilolabhṛṅgaṃ bhaktānukūlāmala bhūṣitāṅgam .
bhāvaika lokyāntaramādiliṅgaṃ vandāmahe mārgasahāyaliṅgam .. 4..

sāmapriyaṃ saumya maheśaliṅgaṃ sāmapradaṃ saumya kaṭākṣaliṅgam .
vāmāṅga saundarya vilolitāṅgaṃ vandāmahe mārgasahāyaliṅgam .. 5..

pañcākṣarī bhūta sahasraliṅgaṃ pañcāmṛtasnāna parāyaṇāṅgam .
pañcāmṛtāṃbhoja vilola bhṛṅgaṃ vandāmahe mārgasahāyaliṅgam .. 6..

vande surārādhita pādapadmaṃ śrīśyāmavallī ramaṇaṃ maheśam .
vande mahāmeru śarāsanaṃ śivaṃ vande sadā mārgasahāyaliṅgam .. 7..

  .. iti  śrī mārgasahāyaliṅga stutiḥ saṃpūrṇā ..

Related Content