shrIrAmasaumitrijaTAyuveda ShaDAnanAditya kujArchitAya | shrInIlakaNThAya dayAmayAya shrIvaidyanAthAya namaHshivAya || shaMbho mahAdeva shaMbho mahAdeva shaMbho mahAdeva shaMbho mahAdeva | shaMbho mahAdeva shaMbho mahAdeva shaMbho mahAdeva shaMbho mahAdeva || ga~NgApravAhendu jaTAdharAya trilochanAya smara kAlahantre | samasta devairabhipUjitAya shrIvaidyanAthAya namaH shivAya || shaMbho mahAdeva .... bhaktaHpriyAya tripurAntakAya pinAkine duShTaharAya nityam | pratyaxalIlAya manuShyaloke shrIvaidyanAthAya namaH shivAya || shaMbho mahAdeva .... prabhUtavAtAdi samastaroga pranAshakartre munivanditAya | prabhAkarendvagni vilochanAya shrIvaidyanAthAya namaH shivAya || shaMbho mahAdeva .... vAk shrotra netrA~Nghri vihInajantoH vAkshrotranetrA~NghrisukhapradAya | kuShThAdisarvonnatarogahantre shrIvaidyanAthAya namaH shivAya || shaMbho mahAdeva .... vedAntavedyAya jaganmayAya yogIshvaradyeya padAmbujAya | trimUrtirUpAya sahasranAmne shrIvaidyanAthAya namaH shivAya || shaMbho mahAdeva .... svatIrthamR^idbhasmabhR^itA~NgabhAjAM pishAchaduHkhArtibhayApahAya | AtmasvarUpAya sharIrabhAjAM shrIvaidyanAathAya namaH shivAya || shaMbho mahAdeva .... shrInIlakaNThAya vR^iShadhvajAya srakgandha bhasmAdyabhishobhitAya | suputradArAdi subhAgyadAya shrIvaidyanAthAya namaH shivAya || shaMbho mahAdeva .... vAlAmbikesha vaidyesha bhavarogahareti cha | japennAmatrayaM nityaM mahAroganivAraNam || shaMbho mahAdeva .... || iti shrI vaidyanAthAShTakam ||