shambhustotram

nAnAyonisahasrakoTiShu muhuH sa.nbhUya sa.nbhUya tad\-
garbhAvAsanirantaduHkhanivaha.n vaktu.n na shakya.n cha tat .
bhUyo bhUya ihAnubhUya sutarA.n kaShTAni naShTo.asmyaha.n
trAhi tva.n karuNAtaraN^gitadR^ishA sha.nbho dayAmbhonidhe .. 1 ..

bAlye tADanapIDanairbahuvidhaiH pitrAdibhirbodhitaH
tatkAlochitarogajAlajanitairduHkhairala.n bAdhitaH .
lIlAlaulyaguNIkR^itaishcha vividhairdushchoShTitaiH kleshitaH
so.aha.n tvA.n sharaNa.n vrajAmyava vibho sha.nbho dayAmbhonidhe .. 2 ..

tAruNye madanena pIDitatanuH kAmAturaH kAminI\-
saktastadvashagaH svadharmavimukhaH sadbhiH sadA dUShitaH .
karmAkArShamapAranArakaphala.n saukhyAshayA durmatiH
trAhi tva.n karuNAtaraN^gitadR^ishA sha.nbho dayAmbhonidhe .. 3 ..

vR^iddhatve galitAkhilendriyabalo vibhraShTadantAvaliH
shvetIbhUtashirAH sujarjaratanuH kampAshrayo.anAshrayaH .
lAlochchhiShTapurIShamUtrasalilaklinno.asmi dIno.asmyaha.n
trAhi tva.n karuNAtaraN^gitadR^ishA sha.nbho dayAmbhonidhe .. 4 ..

dhyAta.n te padAmbuja.n sakR^idapi dhyAta.n dhana.n sarvadA
pUjA te na kR^itA kR^itA svavapuShaH straggandhalepArchanaiH .
nAnnAdyaiH paritarpitA dvijavarA jihvaiva sa.ntarpitA
pApiShThena mayA sadAshiva vibho sha.nbho dayAmbhonidhe .. 5 ..

sa.ndhyAsnAnajapAdi karma na kR^ita.n bhaktyA kR^ita.n duShkR^ita.n
tvannAmesha na kIrtita.n tvatimudA durbhAShita.n bhAShitam .
tvanmUrtirna vilokitA punarapi strImUrtirAlokitA
bhogAsaktimatA mayA shiva vibho sha.nbho dayAmbhonidhe .. 6 ..

sa.ndhyAdhyAnajapAdikarmakaraNe shakto.asmi naiva prabho
dAtu.n hanta mati.n pratIpakaraNe dArAdibandhAspade .
nAmaika.n tava tAraka.n mama vibho hyanyanna chAsti kvachit
trAhi tva.n karuNAtaraN^gitadR^ishA sha.nbho dayAmbhonidhe .. 7 ..

kumbhIpAkadhura.ndharAdiShu mahAbIjAdiShu proddhata.n
ghora.n nArakaduHkhamIShadapi vA soDhu.n na shakto.asmyaham .
tasmAt tvA.n sharaNa.n vrajAmi satata.n jAnAmi na tvA.n vinA
trAhi tva.n karuNAtaraN^gitadR^ishA sha.nbho dayAmbhonidhe .. 8 ..

mAtA vApi pitA suto.api na hito bhrAtrAdayo bAndhavAH
sarve svArthaparA bhavanti khalu mA.n trAtu.n na ke.api kShamAH .
dUtebhyo yamachoditebhya iha tu tvAmantarA sha.nkara
trAhi tva.n karuNAtaraN^gitadR^ishA sha.nbho dayAmbhonidhe .. 9 ..

.. sha.nbhustotra.n sa.npUrNam ..