Shrikalantaka Ashtakam

---

শ্রীকালান্তক অষ্টকম

কমলাপতিমুখসুরৱরপূজিত কাকোলভাসিতগ্রীৱ | 
কাকোদরপতিভূষণ কালান্তক পাহি পার্ৱতীনাথ ||১|| 

কমলাভিমানৱারণদক্ষাঙ্ঘ্রে ৱিমলশেমুষীদাযিন | 
নতকামিতফলদাযক কালান্তক পাহি পার্ৱতীনাথ ||২|| 

করুণাসাগর শংভো শরণাগতলোকরক্ষণধুরীণ | 
কারণ সমস্তজগতাং কালান্তক পাহি পার্ৱতীনাথ ||৩|| 

প্রণতার্তিহরণদক্ষ প্রণৱপ্রতিপাদ্য পর্ৱতাৱাস | 
প্রণমামি তৱ পদাব্জে কালান্তক পাহি পার্ৱতীনাথ  ||৪|| 

মন্দারনতজনানাং ৱৃন্দারকৱৃন্দগেযসুচরিত্র | 
মুনিপুত্রমৃত্যুহারিন কালান্তক পাহি পার্ৱতীনাথ ||৫|| 

মারারণ্যদৱানল মাযাৱারীন্দ্রকুংভসঞ্জাত | 
মাতঙ্গচর্মৱাসঃ কালান্তক পাহি পার্ৱতীনাথ ||৬|| 

মোহান্ধকারভানো মোদিতগিরিজামনঃসরোজাত | 
মোক্ষপ্রদ প্রণমতাং কালান্তক পাহি পার্ৱতীনাথ ||৭|| 

ৱিদ্যানাযক মহ্যং ৱিদ্যাং দত্ত্ৱা নিৱার্য চাৱিদ্যাম |
ৱিদ্যাধরাদিসেৱিত কালান্তক পাহি পার্ৱতীনাথ ||৮||

কালান্তকাষ্টকমিদং পঠতি জনো যঃ কৃতাদরো লোকে
কালান্তকপ্রসাদাত্কালকৃতা ভীর্ন সংভৱেত্তস্য ||৯|| 

ইতি কালান্তকাষ্টকং সংপূর্ণম ||