Ishvara Prarthana Stotram

---

ঈশ্ৱরপ্রার্থনাস্তোত্রম

ঈশ্ৱরং শরণং যামি ক্রোধমোহাদিপীডিতঃ | 
অনাথং পতিতং দীনং পাহি মাং পরমেশ্ৱর || ১|| 

প্রভুস্ত্ৱং জগতাং স্ৱামিন ৱশ্যং সর্ৱং তৱাস্তি চ | 
অহমজ্ঞো ৱিমূঢোঽস্মি ত্ৱাং ন জানামি হে প্রভো ||২|| 

ব্রহ্মা ত্ৱং চ তথা ৱিষ্ণুস্ত্ৱমেৱ চ মহেশ্ৱরঃ | 
তৱ তত্ত্ৱং ন জানামি পাহি মাং পরমেশ্ৱর ||৩|| 

ত্ৱং পিতা ত্ৱং চ মে মাতা ত্ৱং বন্ধুঃ করুণানিধে | 
ত্ৱাং ৱিনা নহি চান্যোঽস্তি মম দুঃখৱিনাশকঃ ||৪|| 

অন্তকালে ত্ৱমেৱাসি মম দুঃখ ৱিনাশকঃ | 
তস্মাদ্ৱৈ শরণোঽহং তে রক্ষ মাং হে জগত্পতে ||৫|| 

পিতাপুত্রাদযঃ সর্ৱে সংসারে সুখভাগিনঃ | 
ৱিপত্তৌ পরিজাতাযাং কোঽপি ৱার্তাম ন পৃচ্ছতি ||৬|| 

কামক্রোধাদিভির্যুক্তো লোভমোহাদিকৈরপি | 
তান্ৱিনশ্যাত্মনো ৱৈরীন পাহি মাং পরমেশ্ৱর ||৭|| 

অনেকে রক্ষিতাঃ পূর্ৱং ভৱতা দুঃখপীডিতাঃ | 
ক্ৱ গতা তে দযা চাদ্য  পাহি মাং হে জগত্পতে ||৮|| 

ন ত্ৱাং ৱিনা কশ্চিদস্তি সংসারে মম রক্ষকঃ | 
শরণং  ত্ৱাং প্রপন্নোঽহং ত্রাহি মাং পরমেশ্ৱর ||৯||

ঈশ্ৱর প্রার্থনাস্তোত্রং যোগানন্দেন নির্মিতম | 
যঃ পঠেদ্ভক্তিসংযুক্তস্তস্যেশঃ সংপ্রসীদতি ||১০|| 

ইতি শ্রীযোগানন্দতীর্থৱিরচিতং ঈশ্ৱরপ্রার্থনাস্তোত্রং সংপূর্ণম ||