Santhathi Pradama Abhilaha Ashtaka Stotram

 

একং ব্রহ্মৈৱাদ্ৱিতীযং সমস্তং সত্যং সত্যং নেহ নানাস্তি কিঞ্চিত | 
একো রুদ্রো ন দ্ৱিতীযোঽৱতস্থে তস্মাদেকং ত্ৱাং প্রপদ্যে মহেশম ||১|| 

একঃ কর্তা ত্ৱং হি সর্ৱস্য শংভো নানারূপেষৱেকরূপোঽপ্যরূপঃ | 
যদ্ৱত্প্রত্যক্পূর্ণ একোঽপ্যনেকস্তস্মান্নান্যং ত্ৱাং ৱিনেশং প্রপদ্যে ||২|| 

রজ্জৌ সর্পঃ শুক্তিকাযাং চ রৌপ্যং পযঃ পূরস্তন্মৃগাখ্যে মরীচৌ | 
যদ্ৱত্তদ্ৱদ্ৱিষৱগেৱ প্রপঞ্চো যস্মিন জ্ঞাতে তং প্রপদ্যে মহেশম ||৩|| 

তোযে শৈত্যং দাহকত্ৱং চ ৱহ্নৌ তাপো ভানৌ শীতভানৌ প্রসাদঃ | 
পুষ্পে গন্ধো দুগ্ধমধ্যে চ সর্পির্যত্তচ্ছংভো ত্ৱং ততস্ত্ৱাং প্রপদ্যে ||৪|| 

শব্দং গৃহ্ণাস্যশ্রৱাস্ত্ৱং হি জিঘ্রেরঘ্রাণস্ত্ৱং ৱ্যঙ্ঘ্রিরাযাসি দূরাত | 
ৱ্যক্ষঃ পশ্যেস্ত্ৱং রসজ্ঞোঽন্যজিহ্ৱঃ কস্ত্ৱাং সম্যগ্ৱেত্ত্যতস্ত্ৱাং প্রপদ্যে ||৫|| 

নো ৱেদস্ত্ৱামীশ সাক্ষাদ্ৱিৱেদ নো ৱা ৱিষ্ণুর্নো ৱিধাতাঽখিলস্য || 
নো যোগীন্দ্রা নেন্দ্রমুখ্যাশ্চ দেৱা ভক্তো ৱেদ ত্ৱামতস্ত্ৱাং প্রপদ্যে ||৬|| 

নো তে গোত্রং নেশ জন্মাপি নাখ্যা নো ত্ৱা রূপং নৈৱ শীলং ন দেশঃ | 
ইত্থংভূতোঽপীশ্ৱরস্ত্ৱং ত্রিলোক্যা সর্ৱান্কামান পূরযেস্তদ্ভজে ত্ৱাম ||৭|| 

ত্ৱত্তঃ সর্ৱং ত্ৱং হি সর্ৱং স্মরারে ত্ৱং গৌরীশস্ত্ৱং চ নগ্নোঽতিশান্তঃ| 
ত্ৱং ৱৈ শুদ্ধস্ত্ৱং যুৱা ত্ৱং চ বালস্তত্ৱং যত্কিং নাস্ত্যতস্ত্ৱাং নতোঽস্মি |৮||

স্তুত্ৱেতি ৱিপ্রো নিপপাত ভূমৌ স দণ্ডৱদ্যাৱদতীৱ হৃষ্টঃ | 
তাৱত্স তালোঽখিলৱৃদ্ধৱৃদ্ধঃ প্রোৱাচ ভূদেৱ ৱরং ৱৃণীহি ||৯|| 

তত উত্থায হৃষ্টাত্মা মুনির্ৱিশ্ৱানরঃ কৃতী | 
প্রত্যব্রৱীত্কিমজ্ঞাতং সর্ৱজ্ঞস্য তৱ প্রভো ||১০|| 

সর্ৱান্তরাত্মা ভগৱান সর্ৱঃ সর্ৱপ্রদো ভগৱান | 
যাচ্ঞাং প্রতি নিযুঙ্ক্তে মাং কিমীশো দৈন্যকারিণীম ||১১|| 

ইতি শ্রুত্ৱা ৱচস্তস্য দেৱো ৱিশ্ৱানরস্য হ | 
শুচেঃ শুচিৱ্রতস্যাথ শুচি স্মিত্ৱাঽব্রৱীচ্ছিশুঃ ||১২|| 

বাল উৱাচ|| 

ত্ৱযা শুচে শুচিষ্মত্যাং যোঽভিলাষঃ কৃতো হৃদি | 
অচিরেণৈৱ কালেন স ভৱিষ্যত্যসংশযম ||১৩|| 

তৱ পুত্রত্ৱমেষ্যামি শুচিষ্মত্যাং মহামতে | 
খ্যাতো গৃহপতির্নাম্না শুচিঃ সর্ৱামরপ্রিযঃ ||১৪|| 

অভিলাষাষ্টকং পুণ্যং স্তোত্রমেতন্মযেরিতম | 
অব্দং ত্রিকালপঠনাত্কামদং শিৱসন্নিধৌ ||১৫|| 

এতত্স্তোত্রস্য পঠনং পুত্রপৌত্রধনপ্রদম | 
সর্ৱশান্তিকরং ৱাপি সর্ৱাপত্ত্যরিনাশনম ||১৬|| 

স্ৱর্গাপৱর্গসংপত্তিকারকং নাত্র সংশযঃ | 
প্রাতরুত্থায সুস্নাতো লিঙ্গমভ্যর্চ্য শাংভৱম ||১৭|| 

ৱর্ষং জপন্নিদং স্তোত্রমপুত্রঃ পুত্রৱান ভৱেত | 
ৱৈশাখে কার্তিকে মাঘে ৱিশেষনিযমৈর্যুতঃ ||১৮|| 

যঃ পঠেত স্নানসমযে স লভেত্সকলং ফলম | 
কার্তিকস্য তু মাসস্য প্রসাদাদহমৱ্যযঃ ||১৯|| 

তৱ পুত্রত্ৱমেশঃযামি যাস্ত্ৱন্যস্তত্পঠিষ্যতি | 
অভিলাষাষ্টকমিদং ন দেযং যস্য কস্যচিত ||২০|| 

গোপনীযং প্রযত্নেন মহাৱন্ধ্যাপ্রসূতিকৃত | 
স্ত্রিযা ৱা পুরুষেণাপি নিযমাল্লিঙ্গসন্নিধৌ ||২১|| 

অব্দং জপ্তমিদং স্তোত্রং পুত্রদং নাত্র সংশযঃ | 
ইত্যুক্ত্ৱান্তর্দধে বালঃ সোঽপি ৱিপ্রো গৃহং যযৌ ||২২|| 

ইতি শ্রীস্কন্দপুরাণে কাশীখণ্ডে সন্ততিপ্রদমভিলাষাষ্টকস্তোত্রং সংপূর্ণম ||