Kalkikrutam Shiva Stotram

---

গৌরীনাথং ৱিশ্ৱনাথং শরণ্যং ভূতাৱাসং ৱাসুকীকণ্ঠভূষম || 
ত্র্যক্ষং পঞ্চাস্যাদিদেৱং পুরাণং ৱন্দে সান্দ্রানন্দসন্দোহদক্ষম ||১|| 

 

যোগাধীশং কামনাশং করালং গঙ্গাসঙ্গক্লিন্নমূর্ধানমীশম || 
জটাজূটাটোপরিক্ষিপ্তভাৱং মহাকালং চন্দ্রভালং নমামি ||২|| 

 

শ্মশানস্থং ভূতৱেতালসঙ্গং নানাশস্ত্রৈঃ খড্গশূলাদিভিশ্চ || 
ৱ্যগ্রাত্যুগ্রা বাহৱো লোকনাশে যস্য ক্রোধোদ্ভূতলোকোঽস্তমেতি ||৩||

 

যো ভূতাদিঃ পঞ্চ ভূতৈঃ সিসৃক্ষুস্তন্মাত্রাত্মা কালকর্মস্ৱভাৱৈঃ || 
প্রহৃত্যেদং প্রাপ্য জীৱত্ৱমীশো ব্রহ্মানন্দে ক্রীডতে তং নমামি ||৪|| 

 

স্থিতৌ ৱিষ্ণুঃ সর্ৱজিষ্ণুঃ সুরাত্মা লোকান্সাধূন ধর্মসেতূন্বিভর্তি || 
ব্রহ্মাদ্যংশে যোঽভিমানী গুণাত্মা শব্দাদ্যঙ্গৈস্তং পরেশং নমামি ||৫|| 

 

যস্যাজ্ঞযা ৱাযৱো ৱান্তি লোকে জ্ৱলত্যগ্নিঃ সৱিতা যাতি তপ্যন || 
শীতাংশুঃ খে তারকাসঙ্গ্রহশ্চ প্রৱর্তন্তে তং পরেশং প্রপদ্যে ||৬|| 

 

যস্য শ্ৱাসাত্সর্ৱধাত্রী ধরিত্রী দেৱো ৱর্ষত্যম্বুকালঃ প্রমাতা || 
মেরুর্মধ্যে ভুৱনানাং চ ভর্তা তমীশানং ৱিশ্ৱরূপং নমামি ||৭|| 

 

ইতি শ্রীকল্কিপুরাণে কল্কিকৃতং শিৱস্তোত্রং সম্পূর্ণম ||