Ishaanastavah

---

যঃ ষড্ৱক্ত্রগজাননাদ্ভুতসুতাৱিষ্কারণৱ্যজিতা- 
চিন্ত্যোত্পাদনৱৈভৱাং গিরিসুতাং মাযাং নিজাঙ্গে দধত | 
সেৱ্যাং সংসৃতিহানযে ত্রিপথগাং ৱিদ্যাং চ মূর্ধ্না ৱহন 
স্ৱং ব্রহ্মত্ৱমভিৱ্যনক্তি ভজতঃ পাযাত স গঙ্গাধরঃ ||১|| 

 

যস্যালোচ্য কপর্দদুর্গৱিলুঠদ্গঙ্গাংবুশৌক্ল্যাচ্ছতা-
মাধুর্যাণি পরাজযোদিতশুচা ক্ষীণঃ কলামাত্রতাম | 
বিভ্রত পিত্সতি নূনমুত্কটজটাজূটোচ্চকূটাচ্ছশী 
লালাটাক্ষিশিখাসু সোঽস্তু ভজতাং ভৱ্যায গঙ্গাধরঃ ||২||

 

যল্লালাটকৃপীটযোনিসততাসঙ্গাদ্ৱিলীনঃ শশী 
গঙ্গারূপমুপেত্য তত্প্রশমনাশক্তঃ কৃশাঙ্গঃ শুচা | 
উদ্বধ্নাতি তনুং ত্রপাপরৱশো মন্যে জটাদামভিঃ 
পাযাত স্তৱ্যৱিভাৱ্যনৱ্যচরিতো ভক্তান স গঙ্গাধরঃ ||৩||

 

অঙ্কারূঢধরাধরাধিপসুতাসৌন্দর্যসন্তর্জিতা 
গঙ্গা যস্য কপর্দদুর্গমৱনে লীনা ৱিলীনা হ্রিযা | 
চিন্তাপাণ্ডুতনুঃ স্খলন্ত্যৱিরতং পার্ৱত্যসূযাস্মিতৈ-
রন্তর্ধি বহু মন্যতেঽস্তু ভজতাং ভূত্যৈ স গঙ্গাধরঃ ||৪||

 

মুগ্ধাং স্ন্রিগ্ধ ইৱ প্রতার্য গিরিজামর্ধাঙ্গদানচ্ছলা-
ন্নিত্যোদ্যদ্ৱহুলভ্রমাং ত্রিপথগামাত্মোত্তমাঙ্গে ৱহন | 
স্থানে যো ৱিষমেক্ষণত্ৱপদৱীমারোপ্যতে কোৱিদৈঃ 
প্রচ্ছন্নপ্রণযক্রমোঽস্তু ভজতাং প্রীত্যৈ স গঙ্গাধরঃ ||৫|| 

 

সেৱাসজ্জসুরার্ষিপরিষদ্ৱ্যাকীর্ণপুষ্পাঞ্জলিপ্রশ্চ-
যোতন্মকরন্দবিন্দুসততাসারঃ পতন্মস্তকে | 
যস্যাৱিশ্রমসংভৃতস্ত্রিপথগানাম্না জনৈঃ খ্যাপ্যতে 
স ত্রৈলোক্যনিষেৱিতাঙ্ঘ্রিযুগলঃ পুষ্ণাতু গঙ্গাধরঃ ||৬|| 

 

যস্মিন্নুদ্ধততাণ্ডৱৈকরসতাসাটোপনাঠ্যক্রমে 
ৱিস্রস্তাসু জটাসু ভাসুর তনুর্ধারাশতৈঃ পাতুকা | 
গঙ্গাজঙ্গমৱারিপর্ৱতধিযং চিত্তে ৱিধত্তে সতা- 
মেতং চিত্রৱিভূতিরস্তু ভজতাং ভৱ্যায গঙ্গাধরঃ ||৭|| 

 

যো গঙ্গাপযসি প্রভো তৱ মহানত্যাদরঃ কল্পতে 
সংমূর্চ্ছদ্ৱিষযাপনায ৱিধযে ক্রুধ্যস্যসত্যোক্তযে | 
ঈশানস্তৱসাগরান্তগমনে ৱাণ্যঃ পুরাণ্যোঽক্ষমাঃ 
সঙ্ক্ষিপ্যেত্থমভিষ্টুতঃ সসিতগুঃ প্রীতোঽস্তু গঙ্গাধরঃ ||৮|| 

 

ইতীশানস্তৱঃ সংপূর্ণঃ ||