Shivapanchakshara Nakshatramala Stotram

---

শ্রীমদাত্মনে গুণৈকসিন্ধৱে নমঃ শিৱায 
ধামলেশধূতকোকবন্ধৱে নমঃ শিৱায | 
নামশেষিতানমদ্ভৱান্ধৱে নমঃ শিৱায
পামরেতরপ্রধানৱন্ধৱে নমঃ শিৱায ||১|| 

 

কালভীতৱিপ্রবালপাল তে নমঃ শিৱায 
শূলভিন্নদুষ্টঅদক্ষফাল তে নমঃ শিৱায | 
মূলকারণায কালকাল তে নমঃ শিৱায 
পালযাধুনা দযালৱাল তে নমঃ শিৱায || ২|| 

 

ইষ্টৱস্তুমুখ্যদানহেতৱে নমঃ শিৱায 
দুষ্টদৈত্যৱংশধূমকেতৱে নমঃ শিৱায | 
সৃষ্টিরক্ষণায ধর্মসেতৱে নমঃ শিৱায 
অষ্টমূর্তযে ৱৃষেন্দ্রকেতৱে নমঃ শিৱায ||৩||  

 

আপদদ্রিভেদটঙ্কহস্ত তে নমঃ শিৱায 
পাপহারি দিৱ্যসিন্ধুমস্ত তে নমঃ শিৱায | 
পাপহারিণে লসন্নমস্ততে নমঃ শিৱায 
শাপদোষখণ্ডনপ্রশস্ত তে নমঃ শিৱায||৪|| 

 

ৱ্যোমকেশ দিৱ্যভৱ্যরূপ তে নমঃ শিৱায 
হেমমেদিনীধরেন্দ্রচাপ তে নমঃ শিৱায | 
নামমাত্রদগ্ধসর্ৱপাপ তে নমঃ শিৱায 
কামনৈকতানহৃদ্দুরাপ তে নমঃ শিৱায ||৫|| 

 

ব্রহ্মমস্তকাৱলীনিবদ্ধ তে নমঃ শিৱায 
জিহ্মগেন্দ্রকুণ্ডলপ্রসিদ্ধ তে নমঃ শিৱায |
ব্রহ্মণে প্রণীতৱেদপদ্ধতে নমঃ শিৱায 
জিহ্মকালদেহদত্তপদ্ধতে নমঃ শিৱায ||৬|| 

 

কামনাশনায শুদ্ধকর্মণে নমঃ শিৱায 
সামগানজাযমানশর্মণে নমঃ শিৱায | 
হেমকান্তিচাকচক্যৱর্মণে নমঃ শিৱায 
সামজাসুরাঙ্গলব্ধচর্মণে নমঃ শিৱায ||৭|| 

 

জন্মমৃত্যুঘোরদুঃখহারিণে নমঃ শিৱায  
চিন্মযৈকরূপদেহধারিণে নমঃ শিৱায | 
মন্মনোরথাৱপূর্তিকারিণে নমঃ শিৱায 
সন্মনোগতায কামৱৈরিণে নমঃ শিৱায ||৮|| 

 

যক্ষরাজবন্ধৱে দযালৱে নমঃ শিৱায 
দক্ষপাণিশোভিকাঞ্চনালৱে নমঃ শিৱায| 
পক্ষিরাজৱাহহৃচ্ছযালৱে নমঃ শিৱায 
অক্ষিফালৱেদপূততালৱে নমঃ শিৱায ||৯|| 

 

দক্ষহস্তনিষ্ঠজাতৱেদসে নমঃ শিৱায 
হ্যক্ষরাত্মনে নমদ্ৱিডৌজসে নমঃ শিৱায | 
দীক্ষিতপ্রকাশিতাত্মতেজসে নমঃ শিৱায 
উক্ষরাজৱাহ তে সতাং গতে নমঃ শিৱায ||১০|| 

 

রাজতাচলেন্দ্রসানুৱাসিনে নমঃ শিৱায 
রাজমাননিত্যমন্দহাসিনে নমঃ শিৱায | 
রাজকোরকাৱতংসভাসিনে নমঃ শিৱায 
রাজরাজমিত্রতা প্রকাশিনে নমঃ শিৱায ||১১|| 

 

দীনমানবালিকামধেনৱে নমঃ শিৱায 
সূনৱাণদাহকৃত্কৃশানৱে নমঃ শিৱায | 
স্ৱানুরাগভক্তরত্ন সানৱে নমঃ শিৱায 
দানৱান্ধকারচণ্ডভানৱে নমঃ শিৱায ||১২|| 

 

সর্ৱমঙ্গলাকুচাগ্রশাযিনে নমঃ শিৱায 
সর্ৱদেৱতাগণাতিশাযিনে নমঃ শিৱায | 
পূর্ৱদেৱনাশসংৱিধাযিনে নমঃ শিৱায 
সর্ৱমন্মনোজভঙ্গদাযিনে নমঃ শিৱায ||১৩|| 

 

স্তোকভক্তিতোঽপি ভক্তপোষিণে নমঃ শিৱায 
মাকরন্দসারৱর্ষিভাষিণে নমঃ শিৱায | 
একবিল্ৱদানতোঽপি তোষিণে নমঃ শিৱায 
নৈকজন্মপাপজালশোষিণে নমঃ শিৱায ||১৪|| 

 

সর্ৱজীৱরক্ষণৈকশীলিনে নমঃ শিৱায 
পার্ৱতীপ্রিযায ভক্তপালিনে নমঃ শিৱায | 
দুর্ৱিদগ্ধদৈত্যসৈন্যদারিণে নমঃ শিৱায 
শর্ৱরীশধারিণে কপালিনে নমঃ শিৱায ||১৫|| 

 

পাহি মামুমামনোজ্ঞদেহ তে নমঃ শিৱায 
দেহি মে ৱরং সিতাদ্রিগেহ তে নমঃ শিৱায | 
মোহিতর্ষিকামিনীসমূহ তে নমঃ শিৱায 
স্ৱেহিতপ্রসন্ন কামদোহ তে নমঃ শিৱায ||১৬|| 

 

মঙ্গলপ্রদায গোতুরঙ্গ তে নমঃ শিৱায 
গঙ্গযা তরঙ্গিতোত্তমাঙ্গ তে নমঃ শিৱায | 
সঙ্গরপ্রৱৃত্তৱৈরিভঙ্গ তে নমঃ  শিৱায 
অঙ্গজারযে করেকুরঙ্গ তে নমঃ শিৱায ||১৭|| 

 

ঈতিতক্ষণপ্রদানহেতৱে নমঃ শিৱায 
আহিতাগ্নিপালকোক্ষকেতৱে নমঃ শিৱায | 
দেহকান্তিধূতরৌপ্যধাতৱে নমঃ শিৱায 
গেহদুঃখপুঞ্জধূমকেতৱে নমঃ শিৱায ||১৮|| 

 

ত্র্যক্ষ দীনসত্কৃপাকটাক্ষ তে নমঃ শিৱায 
দক্ষসপ্ততন্তুনাশদক্ষ তে নমঃ শিৱায | 
ঋক্ষরাজভানুপাৱকাক্ষ তে নমঃ শিৱায 
রক্ষ মাং প্রপন্নমাত্ররক্ষ তে নমঃ শিৱায ||১৯|| 

 

ন্যঙ্কুপাণযে শিৱঙ্করায তে নমঃ শিৱায 
সঙ্কটাব্ধিতীর্ণকিঙ্করায তে নমঃ শিৱায | 
পঙ্কভীষিতাভযঙ্করায তে নমঃ শিৱায 
পঙ্কজাননায শঙ্করায তে নমঃ শিৱায ||২০||

 

কর্মপাশনাশ নীলকণ্ঠ তে নমঃ শিৱায 
শর্মদায নর্যভস্মকণ্ঠ তে নমঃ শিৱায | 
নির্মমর্ষিসেৱিতোপকণ্ঠ তে নমঃ শিৱায 
কুর্মহে নতীর্নমদ্ৱিকুণ্ঠ তে নমঃ শিৱায ||২১|| 

 

ৱিষ্টপাধিপায নম্রৱিষ্ণৱে নমঃ শিৱায 
শিষ্টৱিপ্রহৃদ্গুহাচরিষ্ণৱে নমঃ শিৱায | 
ইষ্টৱস্তুনিত্যতুষ্টজিষ্ণৱে নমঃ শিৱায 
কষ্টনাশনায লোকজিষ্ণৱে নমঃ শিৱায ||২২|| 

 

অপ্রমেযদিৱ্যসুপ্রভাৱ তে নমঃ শিৱায 
সত্প্রপন্নরক্ষণস্ৱভাৱ তে নমঃ শিৱায | 
স্ৱপ্রকাশ নিস্তুলানুভাৱ তে নমঃ শিৱায 
ৱিপ্রডিম্ভদর্শিতার্দ্রভাৱ তে নমঃ শিৱায ||২৩|| 

 

সেৱকায মে মৃড প্রসীদ তে নমঃ শিৱায 
ভাৱলভ্য তাৱকপ্রসাদ তে নমঃ শিৱায | 
পাৱকাক্ষ দেৱপূজ্যপাদ তে নমঃ শিৱায 
তাৱকাঙ্ঘ্রিভক্তদত্তমোদ তে নমঃ শিৱায ||২৪|| 

 

ভুক্তিমুক্তিদিৱ্যভোগদাযিনে নমঃ শিৱায 
শক্তিকল্পিতপ্রপঞ্চভাগিনে নমঃ শিৱায | 
ভক্তসঙ্কটাপহারযোগিনে নমঃ শিৱায 
যুক্তসন্মনঃ সরোজযোগিনে নমঃ শিৱায ||২৫|| 

 

অন্তকান্তকায পাপহারিণে নমঃ শিৱায 
শন্তমায দন্তিচর্মধারিণে নমঃ শিৱায | 
সন্ততাশ্রিতৱ্যথাৱিদারিণে নমঃ শিৱায 
জন্তুজাতনিত্যসৌখ্যকারিণে নমঃ শিৱায ||২৬|| 

 

শূলিনে নমো নমঃ কপালিনে নমঃ শিৱায 
পালিনে ৱিরিঞ্চিতুণ্ডমালিনে নমঃ শিৱায | 
লীলিনে ৱিশেষরুণ্ডমালিনে নমঃ শিৱায 
শীলিনে নমঃ প্রপুণ্যশালিনে নমঃ শিৱায ||২৭|| 

 

শিৱপঞ্চাক্ষরমুদ্রাং চতুষ্পদোল্লাসপদ্যমণিঘটিতাম | 
নক্ষত্রমালিকামিহ দধদুপকণ্ঠং নরো ভযেত্সোমঃ ||২৮|| 

 

ইতি শ্রীমত্পরমহংসপরিব্রাজকাচার্যস্য শ্রীগোৱিন্দভগৱত্পূজ্যপাদশিষ্যস্য শ্রীমচ্ছঙ্করভগৱতঃ কৃতৌ শিৱপঞ্চাক্ষরনক্ষত্রমালাস্তোত্রং সংপূর্ণম ||