பன்னிரு திருமுறையிலுள்ள வினை தீர்க்கும் பாடல்கள்

(தொகுப்பு தீபமலை சிவ பூ முருகன்,  திருச்சி சிவ சுப்பிரமணியன் )
 

முதலாம் திருமுறை

நட்டபாடை

திருப்பிரமபுரம்                         

அருநெறியமறை வல்லமுனியகன் 

            பொய்கையலர் மேய

பெருநெறியபிர மாபுரம்மேவிய 

            பெம்மானிவன் றன்னை

ஒருநெறியமனம் வைத்துணர்ஞானசம் 

            பந்தன்உரை செய்த

திருநெறியதமிழ் வல்லவர்தொல்வினை 

            தீர்தல்எளி தாமே.  1.1.11

திருப்புகலூர்

செய்யமேனிவெளி யபொடிப்பூசுவர் 

            சேரும் மடியார்மேல்

பையநின்றவினை பாற்றுவர்போற்றிசைத் 

            தென்றும் பணிவாரை

மெய்யநின்றபெரு மானுறையும்மிட 

            மென்ப ரருள்பேணிப்

பொய்யிலாதமனத் தார்பிரியாது 

            பொருந்தும் புகலூரே.  1.02.5

திருவலிதாயம்

படையிலங்குகரம் எட்டுடை 

     யான்படி றாகக்கனலேந்திக்

கடையிலங்குமனை யிற்பலிகொண்டுணுங் 

     கள்வன்னுறை கோயில்

மடையிலங்குபொழி லின்நிழல்வாய்மது 

     வீசும் வலிதாயம்

அடையநின்றஅடி யார்க்கடையாவினை 

     அல்லல் துயர்தானே.  2

ஐயனொய்யன்அணி யன்பிணியில்லவ 

     ரென்றுந் தொழுதேத்தச்

செய்யன்வெய்யபடை யேந்தவல்லான்திரு 

     மாதோ டுறைகோயில்

வையம்வந்துபணி யப்பிணிதீர்த் 

     துயர்கின்ற வலிதாயம்

உய்யும்வண்ணம்நினை மின்நினைந்தால் 

            வினைதீருந் நலமாமே.  3

புந்தியொன்றிநினை வார்வினை 

     யாயினதீரப் பொருளாய

அந்தியன்னதொரு பேரொளியான் 

     அமர்கோயில் அயலெங்கும்

மந்திவந்துகடு வன்னொடுங்கூடி 

     வணங்கும் வலிதாயஞ்

சிந்தியாதஅவர் தம்மடும்வெந் 

     துயர்தீர்த லெளிதன்றே.  1.03.5

திருக்காட்டுப்பள்ளி

முடிகையி னாற்றொடு மோட்டுழவர்

     முன்கைத் தருக்கைக் கரும்பின்கட்டிக்

கடிகையி னாலெறி காட்டுப்பள்ளி

     காதல்செய் தான்கரி2 தாயகண்டன்

பொடியணி மேனியி னானையுள்கிப் 

     போதொடு நீர்சுமந் தேத்திமுன்னின்

றடிகையி னால்தொழ வல்ல தொண்டர்

            அருவினை யைத்துரந் தாட்செய்வாரே  1.05.7

திருமருகல் & திருச்செங்காட்டாங்குடி

நாலுங்குலைக்கமு கோங்குகாழி   

     ஞானசம் பந்தன் நலந்திகழும்   

மாலின் மதிதவழ் மாடமோங்கும்   

      மருகலின் மற்றதன் மேல்மொழிந்த   

சேலுங் கயலுந் திளைத்தகண்ணார்   

      சீர்கொள்செங் காட்டங் குடியதனுள்   

சூலம்வல் லான்கழ லேத்துபாடல்   

             சொல்லவல் லார்வினை யில்லையாமே. 1.06.11           

திருஅண்ணாமலை

உண்ணாமுலை உமையாளொடும் 

            உடனாகிய வொருவன்

பெண்ணாகிய பெருமான்மலை 

            திருமாமணி திகழ

மண்ணார்ந்தன அருவித்திரள் 

            மழலைம்முழ வதிரும்

அண்ணாமலை தொழுவார்வினை 

            வழுவாவண்ணம் அறுமே.  1

தேமாங்கனி கடுவன்கொள 

            விடுகொம்பொடு தீண்டித்

தூமாமழை துறுகன்மிசை 

            சிறுநுண்துளி சிதற

ஆமாம்பிணை யணையும்பொழில் 

            அண்ணாமலை அண்ணல்

பூமாங்கழல் புனைசேவடி 

            2நினைவார்வினை யிலரே. 

திருவீழிமிழலை

வீழிம்மிழ லைம்மேவிய 

     விகிர்தன்றனை விரைசேர்

காழிந்நகர்க் கலைஞானசம் 

     பந்தன்தமிழ் பத்தும்

யாழின்இசை வல்லார்சொலக் 

     கேட்டாரவ ரெல்லாம்

ஊழின்மலி வினைபோயிட 

     வுயர்வானடை வாரே. 1.11.11

திருப்புள்ளமங்கை – ஆலந்துறை

பாலுந்துறு திரளாயின 

            பரமன்பிர மன்தான்

போலுந்திற லவர்வாழ்தரு 

            பொழில்சூழ்புள மங்கைக்

காலன்திற லறச்சாடிய 

            கடவுள்ளிடங் கருதில்

ஆலந்துறை தொழுவார்தமை 

            யடையாவினை தானே. 

மெய்த்தன்னுறும் வினைதீர்வகை 
            தொழுமின்செழு மலரின்
கொத்தின்னொடு சந்தாரகில் 
            கொணர்காவிரிக் கரைமேல்
பொத்தின்னிடை ஆந்தைபல 
            பாடும்புள மங்கை
அத்தன்நமை யாள்வானிடம் 
            ஆலந்துறை யதுவே.  1.16.5

திருக்கழுமலம்

வரியுறு புலியத ளுடையினன் 

            வளர்பிறை யொளிகிளர் கதிர்பொதி

விரியுறு சடைவிரை புரைபொழில் 

            விழவொலி மலிகழு மலம்அமர்

எரியுறு நிறஇறை வனதடி 

            யிரவொடு பகல்பர வுவர்தம

தெரியுறு வினைசெறி கதிர்முனை 

            யிருள்கெட நனிநினை வெய்துமதே.  3

வினைகெட மனநினை வதுமுடி 

            கெனில்நனி தொழுதெழு குலமதி

புனைகொடி யிடைபொருள் தருபடு 

            களிறின துரிபுதை யுடலினன்

மனைகுட வயிறுடை யனசில 

            வருகுறள் படையுடை யவன்மலி

கனைகட லடைகழு மலம்அமர் 

            கதிர்மதி யினன்அதிர் கழல்களே.  4

வரைபொரு திழியரு விகள்பல 

            பருகொரு கடல்வரி மணலிடை

கரைபொரு திரையொலி கெழுமிய 

            கழுமலம் அமர்கன லுருவினன்

அரைபொரு புலியதள் உடையினன் 

            அடியிணை தொழவருவினையெனும்

உரைபொடி படவுறு துயர்கெட 

            வுயருல கெய்தலொரு தலைமையே.  6

கொழுமல ருறைபதி யுடையவன் 

            நெடியவ னெனவிவர் களுமவன்

விழுமையை யளவறி கிலரிறை 

            விரைபுணர் பொழிலணி விழவமர்

கழுமலம் அமர்கன லுருவினன் 

            அடியிணை தொழுமவ ரருவினை

எழுமையு மிலநில வகைதனி 

            லெளிதிமை யவர்விய னுலகமே.  9

அமைவன துவரிழு கியதுகி 

            லணியுடை யினர்அமண் உருவர்கள்

சமையமும் ஒருபொரு ளெனுமவை 

            சலநெறி யனஅற வுரைகளும்

இமையவர் தொழுகழு மலமம 

            ரிறைவன தடிபர வுவர் தமை

நமையல வினைநல னடைதலி 

            லுயர்நெறி நனிநணு குவர்களே.  1.19.10

தக்கராகம்

திருக்கோலக்கா         

வெடிகொள் வினையை வீட்ட வேண்டுவீர்

கடிகொள் கொன்றை கலந்த சென்னியான் 

கொடிகொள் விழவார் கோலக் காவுளெம் 

அடிகள் பாதம் அடைந்து வாழ்மினே.  6

எறியார் கடல்சூழ் இலங்கைக் கோன்றனை   

முறியார் தடக்கை யடர்த்த மூர்த்திதன் 

குறியார் பண்செய் கோலக் காவையே   

8நெறியால் தொழுவார் வினைகள் நீங்குமே. 

நலங்கொள் காழி ஞான சம்பந்தன் 

குலங்கொள் கோலக் காவு ளானையே 

வலங்கொள் பாடல் வல்ல வாய்மையார் 

உலங்கொள் வினைபோய் ஓங்கி வாழ்வரே.  1.23.11

திருச்செம்பொன்பள்ளி 

வாரார் கொங்கை மாதோர் பாகமாய்ச்

சீரார் செம்பொன் பள்ளி மேவிய

ஏரார் புரிபுன் சடையெம் ஈசனைச்

சேரா தவர்மேற் சேரும் வினைகளே. 

மலையான் மகளோ டுடனாய் மதிளெய்த

சிலையார் செம்பொன் பள்ளி யானையே

இலையார் மலர்கொண் டெல்லி நண்பகல்

நிலையா வணங்க நில்லா வினைகளே. 

அறையார் புனலோ டகிலும் வருபொன்னிச்

சிறையார் செம்பொன் பள்ளி மேவிய

கறையார் கண்டத் தீசன் கழல்களை

6நிறையால் வணங்க நில்லா வினைகளே. 

பையார் அரவே ரல்கு லாளொடும்

செய்யார் செம்பொன் பள்ளி மேவிய

கையார் சூல மேந்து கடவுளை

மெய்யால் வணங்க மேவா வினைகளே.  1.25.7

திருப்புன்கூர்

முந்தி நின்ற வினைக ளவைபோகச்

சிந்தி நெஞ்சே சிவனார் திருப்புன்கூர்

அந்தம் இல்லா அடிகள் அவர்போலும்

கந்த மல்கு கமழ்புன் சடையாரே.  1.27.1

திருக்குரங்கணில்முட்டம்

மையார்நிறம் மேனி யரக்கர்தங் கோனை

உய்யாவகை யாலடர்த் தின்னருள் செய்த

கொய்யாமலர் சூடி குரங்கணில் முட்டம்

கையால்தொழு வார்வினை காண்ட லரிதே.  8

வெறியார்மலர்த் தாமரை யானொடு மாலும்

அறியாதசைந் தேத்தவோர் ஆரழ லாகும்

குறியால் நிமிர்ந் தான்றன் குரங்கணில் முட்டம்

நெறியால்தொழு வார்வினை நிற்ககிலாவே  1.31.9

சீர்காழி

இருவர்க் கெரியா கிநிமிர்ந்தான்

உருவிற் பெரியா ளொடுசேருங்

கருநற் பரவை கமழ்காழி

மருவப் பிரியும் வினைமாய்ந்தே.  1.34.9

திருவீழிமிழலை

புனைதல் புரிபுன் சடைதன்மேல்

கனைதல் லொருகங் கைகரந்தான்

வினையில் லவர்வீ ழிம்மிழலை

நினைவில் லவர்நெஞ் சமும்நெஞ்சே.  2

மருள்செய் திருவர் மயலாக

அருள்செய் தவனார் அழலாகி

வெருள்செய் தவன்வீ ழிம்மிழலை

தெருள்செய் தவர்தீ வினைதேய்வே.  9

துளங்குந் நெறியா ரவர்தொன்மை

வளங்கொள் ளன்மின்புல் லமண்தேரை

விளங்கும் பொழில்வீ ழிம்மிழலை

உளங்கொள் பவர்தம் வினையோய்வே.  1.35.10

திருப்பாம்புரம்

கடிபடு கமலத் தயனொடு மாலுங் 

  காதலோ டடிமுடி தேடச்

செடிபடு வினைகள் தீர்த்தருள் செய்யுந் 

  தீவண ரெம்முடைச் செல்வர்

முடியுடை யமரர் முனிகணத் தவர்கள் 

  முறைமுறை யடிபணிந் தேத்தப்

படியது வாகப் பாவையுந் தாமும் 

  பாம்புர நன்னக ராரே.  1.41.9

திருப்பெருந்துறை

மூவரு மாகி இருவரு மாகி

  முதல் வனுமாய்நின்ற மூர்த்தி

பாவங்கள் தீர்தர நல்வினை நல்கிப்

  பல்கணம் நின்று பணியச்

சாவம தாகிய மால்வரை கொண்டு

  தண்மதிள் மூன்றும் எரித்த

தேவர்கள் தேவர் எம்பெருமானார்

  தீதில் பெருந்துறை யாரே.  2

விழையா ருள்ளம் நன்கெழு நாவில்

  வினைகெட வேதமா றங்கம்

பிழையா வண்ணம் பண்ணிய வாற்றல்

  பெரியோ ரேத்தும் பெருமான்

தழையார் மாவின் தாழ்கனி யுந்தித்

  தண்ணரிசில் புடைசூழ்ந்து

குழையார் சோலை மென்னடை யன்னங்

  கூடு பெருந்துறை யாரே.  1.42. 7

திருப்பாச்சிலாச்சிராமம்

அகமலி அன்பொடு தொண்டர் வணங்க

  ஆச்சிரா மத்துறை கின்ற

புகைமலி மாலை புனைந்தழ காய

  புனிதர்கொ லாமிவ ரென்ன

நகைமலி தண்பொழில் சூழ்தரு காழி

  நற்றமிழ் ஞானசம் பந்தன்

தகைமலி தண்டமிழ் கொண்டிவை யேத்தச்

    சாரகி லாவினை தானே.  1.44.11 

திருஆலங்காடு

போழம் பலபேசிப் போதுசாற்றித் திரிவாரும்

வேழம் வருமளவும் வெயிலே துற்றித் திரிவாரும்

கேழல் வினைபோகக் கேட்பிப் பாருங் கேடிலா

ஆழ்வர் பழையனூர் ஆலங் காட்டெம் அடிகளே. 1.45.11

திருஅதிகை வீரட்டானம்

ஞாழல் கமழ்காழி யுள்ஞான சம்பந்தன்

வேழம் பொருதெண்ணீர் அதிகைவீரட் டானத்துச்

சூழுங் கழலானைச் சொன்ன தமிழ்மாலை

வாழுந் துணையாக நினைவார் வினையிலரே.  1.46.11

பழந்தக்கராகம்

திருநள்ளாறு

உண்ணலாகா நஞ்சுகண்டத் 

  துண்டுட னேயொடுக்கி

அண்ணலாகா வண்ணல்நீழல் 

  ஆரழல் போலுருவம்

எண்ணலாகா வுள்வினையென் 

  றெள்க வலித்திருவர்

நண்ணலாகா நம்பெருமான் 

  மேயது நள்ளாறே.   1.49.9

வலிவலம்

ஆதியாய நான்முகனும் 

  மாலுமறி வரிய

சோதியானே நீதியில்லேன் 

  சொல்லுவன்நின் திறமே

ஓதிநாளும் உன்னையேத்தும் 

  என்னைவினை அவலம்

வாதியாமே வந்துநல்காய் 

  வலிவலமே யவனே.  1.50.9

திருஓத்தூர்

தோட்டீ ரேதுத்தி யைந்தலை நாகத்தை

ஆட்டீ ரேயடி யார்வினை

ஓட்டீ ரேயும்மை யேத்துதும் ஓத்தூர்

நாட்டீ ரேயருள் நல்குமே.  4

என்றா னிம்மலை யென்ற அரக்கனை

வென்றார் போலும் விரலினால்

ஒன்றார் மும்மதி லெய்தவ னோத்தூர்

என்றார் மேல்வினை யேகுமே.  8

குரும்பை யாண்பனை யீன்குலை யோத்தூர்

அரும்பு கொன்றை யடிகளைப்

பெரும்பு கலியுள் ஞானசம் பந்தன்சொல்

விரும்பு வார்வினை வீடே.  1.54.11

திருமாற்பேறு

இருவர் தேவருந் தேடித் திரிந்தினி1

ஒருவராலறி வொண்ணிலன்

மருவு நீள்கழல் மாற்பேற் றடிகளைப்

9பரவு வார்வினை பாறுமே.

மன்னி மாலொடு சோமன் பணிசெயும்

மன்னும் மாற்பேற் றடிகளை

மன்னு காழியுள் ஞானசம் பந்தன்சொல்

பன்ன வேவினை பாறுமே.  1.55.11

திருவேற்காடு

காட்டி னாலும் அயர்த்திடக் காலனை

வீட்டி னானுறை வேற்காடு

பாட்டி னாற்பணிந் தேத்திட வல்லவர்

ஓட்டி னார்வினை ஒல்லையே.  5

தோலி னாலுடை மேவவல் லான்சுடர்

வேலி னானுறை வேற்காடு

நூலி னாற்பணிந் தேத்திட வல்லவர்

மாலி னார்வினை மாயுமே.  1.57.6

திருக்கரவீரம்

அரியும் நம்வினை யுள்ளன ஆசற

வரிகொள் மாமணி போற்கண்டம்

கரிய வன்திக ழுங்கர வீரத்தெம்

பெரிய வன்கழல் பேணவே.  1

தங்கு மோவினை தாழ்சடை மேலவன்

திங்க ளோடுடன் சூடிய

கங்கை யான்திக ழுங்கர வீரத்தெம்

சங்க ரன்கழல் சாரவே.  2

பறையும் நம்வினை யுள்ளன பாழ்பட

மறையும் மாமணி போற்கண்டம்

கறைய வன்திக ழுங்கர வீரத்தெம்

இறைய வன்கழல் ஏத்தவே.  4

பண்ணி னார்மறை பாடலன் ஆடலன்

விண்ணி னார்மதி லெய்தமுக்

கண்ணி னான்உறை யுங்கர வீரத்தைத்

நண்ணு வார்வினை நாசமே.  5

வெள்ளத் தாமரை யானொடு மாலுமாய்த்

தெள்ளத் தீத்திர ளாகிய

கள்ளத் தான்உறை யுங்கர வீரத்தை

உள்ளத் தான்வினை ஓயுமே.  1.58.9

திருத்தூங்கானைமாடம்

மண்ணார் முழவதிரும் மாடவீதி

  வயற்காழி ஞானசம் பந்தன்நல்ல

பெண்ணா கடத்துப் பெருங்கோயில்சேர்

  பிறையுரிஞ்சுந் தூங்கானை மாடமேயான்

கண்ணார் கழல்பரவு பாடல் பத்துங்

  கருத்துணரக் கற்றாருங் கேட்டாரும்போய்

விண்ணோ ருலகத்து மேவிவாழும்

விதியது வேயாகும் வினைமாயுமே.  1.59.11 

திருத்தோணிபுரம்

எறிசுறவங் கழிக்கானல் 

  இளங்குருகே என்பயலை

அறிவுறா தொழிவதுவும் 

   பயனன்றே  அருவினையேன் 

செறிசிறார் பதம்ஓதுந் 

  திருத்தோணி புரத்துறையும்

வெறிநிறார் மலர்க்கண்ணி 

  வேதியர்க்கு விளம்பாயே. 2

பண்பழனக் கோட்டகத்து 

  வாட்டமிலாச் செஞ்சூட்டுக்

கண்பகத்தின் வாரணமே 

  கடுவினையேன் உறுபயலை

செண்பகஞ்சேர் பொழில்புடைசூழ் 

  திருத்தோணி புரத்துறையும்

பண்பனுக்கென் பரிசுரைத்தால் 

  பழியாமோ மொழியாயே.  1.60.3

தக்கேசி

திருப்பிரமபுரம்                                   

சங்கோடிலங்கத் தோடுபெய்து 

  காதிலொர் தாழ்குழையன்

அங்கோல்வளையார் ஐயம்வவ்வா 

  யானலம்வவ்வுதியே

செங்கோல்நடாவிப் பல்லுயிர்க்குஞ் 

  செய்வினைமெய்தெரிய

வெங்கோத்தருமன் மேவியாண்ட 

  வெங்குருமேயவனே.  4

கட்டார் துழாயன் தாமரையா 

  னென்றிவர் காண்பரிய

சிட்டார்பலிதேர்ந் தையம்வவ்வாய் 

  செய்கலைவவ்வுதியே

நட்டார்நடுவே நந்தனாள 

  நல்வினையாலுயர்ந்த 

கொட்டாறுடுத்த தண்வயல்சூழ் 

  கொச்சையமர்ந்தவனே.  11

கடையார்கொடிநன் மாடவீதிக் 

  கழுமலவூர்க்கவுணி

நடையார்பனுவல் மாலையாக 

  ஞானசம்பந் தன்நல்ல

படையார்மழுவன் மேல்மொழிந்த 

  பல்பெயர்ப்பத்தும்வல்லார்க்

கடையாவினைகள் உலகில்நாளும் 

  அமருலகாள்பவரே.  1.63.12

திருப்பூவணம்

பைவாயரவம் அரையிற்சாத்திப் 

  பாரிடம் போற்றிசைப்ப

மெய்வாய்மேனி நீறுபூசி 

  ஏறுகந் தானிடமாம்

கைவாழ்வளையார் மைந்தரோடுங் 

  கலவியி னால்நெருங்கிச்

செய்வார்தொழிலின் பாடலோவாத் 

  தென்திருப் பூவணமே.  1.64.7

காவிரிப்பூம்பட்டினத்துப் பல்லவனீச்சரம்

பத்த ரேத்தும் பட்டினத்துப் 

  பல்லவ னீச்சரத்தெம்   

அத்தன் தன்னை அணிகொள்காழி 

  ஞானசம் பந்தன்சொல்   

சித்தஞ் சேரச் செப்பும்மாந்தர் 

  தீவினை நோயிலராய்

ஒத்த மைந்த உம்பர்வானில் 

  உயர்வினொ டோங்குவரே.  1.65.11

திருவண்ணாமலை

வந்தித்திருக்கும் அடியார்தங்கள் 

  வருமேல் வினையோடு

பந்தித்திருந்த பாவந்தீர்க்கும் 

  பரமனுறை கோயில்

முந்தியெழுந்த முழவின் ஓசை 

  முதுகல்வரைகள் மேல்

அந்திப்பிறைவந் தணையுஞ்சாரல் 

  அண்ணாமலையாரே.  1.69.7

ஈங்கோய்மலை

வினையாயினதீர்த் தருளேபுரியும் 

  விகிர்தன் விரிகொன்றை

நனையார்முடிமேல் மதியஞ்சூடும் 

  நம்பா னலமல்கு

தனையார்கமல மலர்மேலுறைவான் 

  தலையோ டனலேந்தும்

எனையாளுடையான் உமையாளோடும் 

  ஈங்கோய் மலையாரே.  1.70.7

திருக்குடந்தை காரோணம்

மூப்பூர் நலிய நெதியார் 

  விதியாய் முன்னே அனல்வாளி

கோப்பார் பார்த்தன் நிலைகண் 

  டருளுங் குழகர் குடமூக்கில்

தீர்ப்பா ருடலில் அடுநோய 

  அவலம் வினைகள் நலியாமைக்

காப்பார் காலன் அடையா 

  வண்ணங் காரோணத்தாரே.  1.72.6

குறிஞ்சி

அச்சிறுபாக்கம்

மைச்செறி குவளை தவளைவாய் நிறைய

மதுமலர்ப் பொய்கையிற் புதுமலர் கிழியப்

பச்சிற வெறிவயல் வெறிகமழ் காழிப்

பதியவர் அதிபதி கவுணியர் பெருமான்

கைச்சிறு மறியவன் கழலலாற் பேணாக்

கருத்துடை ஞானசம் பந்தன தமிழ்கொண்

டச்சிறு பாக்கத் தடிகளை யேத்தும்

அன்புடை யடியவர் அருவினை யிலரே.  1.77.11

திருக்கழுமலம்

அயிலுறு படையினர் விடையினர் முடிமேல்

அரவமும் மதியமும் விரவிய அழகர்

மயிலுறு சாயல வனமுலை யொருபால்

மகிழ்பவர் வானிடை முகில்புல்கு மிடறர்

பயில்வுறு சரிதையர் எருதுகந் தேறிப்

பாடியும் ஆடியும் பலிகொள்வர் வலிசேர்

கயிலையும் பொதியிலும் இடமென வுடையார்   

கழுமலம் நினையநம் வினைகரி சறுமே.  1

கொண்டலும் நீலமும் புரைதிரு மிடறர்

கொடுமுடி யுறைபவர் படுதலைக் கையர்

பண்டலர் அயன்சிரம் அரிந்தவர் பொருந்தும் 

படர்சடை யடிகளார் பதியத னயலே

வண்டலும் வங்கமுஞ் சங்கமுஞ் சுறவும் 

மறிகடல் திரைகொணர்ந் தெற்றிய கரைமேற்

கண்டலுங் கைதையும் நெய்தலுங் குலவுங் 

கழுமலம் நினையநம் வினைகரி சறுமே.  2

எண்ணிடை யொன்றினர் இரண்டினர் உருவம்

எரியிடை மூன்றினர் நான்மறை யாளர்

மண்ணிடை ஐந்தினர் ஆறினர் அங்கம்

வகுத்தனர் ஏழிசை யெட்டிருங் கலைசேர்

பண்ணிடை யொன்பதும் உணர்ந்தவர் பத்தர்

பாடிநின் றடிதொழ மதனனை வெகுண்ட

கண்ணிடைக் கனலினர் கருதிய கோயில்

கழுமலம் நினையநம் வினைகரி சறுமே. 3 

எரியொரு கரத்தினர் இமையவர்க் கிறைவர்

ஏறுகந் தேறுவர் நீறும்மெய் பூசித்

திரிதரு மியல்பினர் அயலவர் புரங்கள்

தீயெழ விழித்தனர் வேய்புரை தோளி

வரிதரு கண்ணிணை மடவர லஞ்ச

மஞ்சுற நிமிர்ந்ததோர் வடிவொடும் வந்த

கரியுரி மருவிய அடிகளுக் கிடமாங்

கழுமலம் நினையநம் வினைகரி சறுமே.  4

ஊரெதிர்ந் திடுபலி தலைகல னாக

உண்பவர் விண்பொலிந் திலங்கிய வுருவர்

பாரெதிர்ந் தடிதொழ விரைதரு மார்பிற்

படஅர வாமைஅக் கணிந்தவர்க் கிடமாம்

நீரெதிர்ந் திழிமணி நித்திலம் முத்தம்

நிரைசுரி சங்கமொ டொண்மணி வரன்றிக்

காரெதிர்ந் தோதம்வன் றிரைகரைக் கெற்றுங்

கழுமலம் நினையநம் வினைகரி சறுமே.  5

முன்னுயிர்த் தோற்றமும் இறுதியு மாகி

முடியுடை யமரர்கள் அடிபணிந் தேத்தப்

பின்னிய சடைமிசைப் பிறைநிறை வித்த 

பேரரு ளாளனார் பேணிய கோயில்

பொன்னியல் நறுமலர் புனலொடு தூபஞ் 

சாந்தமும் ஏந்திய கையின ராகிக்

கன்னியர் நாடொறும் வேடமே பரவுங்

கழுமலம் நினையநம் வினைகரி சறுமே.  6

கொலைக்கணித் தாவரு கூற்றுதை செய்தார்

குரைகழல் பணிந்தவர்க் கருளிய பொருளின்

நிலைக்கணித் தாவர நினையவல் லார்தம்

நெடுந்துயர் தவிர்த்தவெம் நிமலருக் கிடமாம்

மலைக்கணித் தாவர வன்றிரை முரல

மதுவிரி புன்னைகள் முத்தென அரும்பக்

கலைக்கணம் கானலின் நீழலில் வாழுங்

கழுமலம் நினையநம் வினைகரி சறுமே.  7

புயம்பல வுடையதென் இலங்கையர் வேந்தன்

பொருவரை யெடுத்தவன் பொன்முடி திண்தோள்

பயம்பல படஅடர்த் தருளிய பெருமான்

பரிவொடு மினிதுறை கோயில தாகும்

வியன்பல விண்ணினும் மண்ணினு மெங்கும் 

வேறுவே றுகங்களிற் பெயருள தென்னக்

கயம்பல படக்கடல் திரைகரைக் கெற்றுங்

கழுமலம் நினையநம் வினைகரி சறுமே.  8

விலங்கலொன் றேந்திவன் மழைதடுத் தோனும்

வெறிகமழ் தாமரை யோனுமென் றிவர்தம்

பலங்களால் நேடியும் அறிவரி தாய

பரிசினன் மருவிநின் றினிதுறை கோயில்

மலங்கிவன் றிரைவரை யெனப்பரந் தெங்கும்

மறிகட லோங்கிவெள் இப்பியுஞ் சுமந்து

கலங்கடஞ் சரக்கொடு நிரக்கவந் தேறுங்

கழுமலம் நினையநம் வினைகரி சறுமே.  9

ஆம்பல தவமுயன் றறவுரை சொல்லும்

அறிவிலாச் சமணருந் தேரருங் கணிசேர்

நோம்பல தவமறி யாதவர் நொடிந்த

மூதுரை கொள்கிலா முதல்வர்தம் மேனிச்

சாம்பலும் பூசிவெண் டலைகல னாகத்

தையலா ரிடுபலி வையகத் தேற்றுக்

காம்பன தோளியொ டினிதுறை கோயில் 

கழுமலம் நினையநம் வினைகரி சறுமே.  10

கலிகெழு பாரிடை யூரென வுளதாங்

கழுமலம் விரும்பிய கோயில்கொண் டவர்மேல்

வலிகெழு மனம்மிக வைத்தவன் மறைசேர் 

வருங்கலை ஞானசம் பந்தன தமிழின்

ஒலிகெழு மாலையென் றுரைசெய்த பத்தும் 

உண்மையி னால்நினைந் தேத்தவல் லார்மேல்

மெலிகெழு துயரடை யாவினை சிந்தும்

விண்ணவ ராற்றலின் மிகப்பெறு வாரே.  1.79.11

திருஅம்பர் மாகாளம்

அடையார் புரம்மூன்றும் அனல்வாய்விழ வெய்து

மடையார் புனலம்பர் மாகா ளம்மேய

விடையார் கொடியெந்தை வெள்ளைப் பிறைசூடும்

சடையான் கழலேத்தச் சாரா வினைதானே.  1

கொலையார் மழுவோடு கோலச் சிலையேந்தி

மலையார் புனலம்பர் மாகா ளம்மேய

இலையார் திரிசூலப் படையான் கழல்நாளும்

நிலையா நினைவார்மேல் நில்லா வினைதானே.  1.83.8

திருக்கடல் நாகைக் காரோணம்

புனையும் விரிகொன்றைக் கடவுள் புனல்பாய

நனையுஞ் சடைமேலோர் நகுவெண் டலைசூடி

வினையில் லடியார்கள் விதியால் வழிபட்டுக்

கனையுங் கடல்நாகைக் காரோ ணத்தானே.1.84.1

திருநல்லம்

வாசம் மலர்மல்கு மலையான் மகளோடும்

பூசுஞ் சுடுநீறு புனைந்தான் விரிகொன்றை

ஈசன் னெனவுள்கி யெழுவார் வினைகட்கு

நாசன் நமையாள்வான் நல்லம் நகரானே.  6

குறியில் சமணோடு குண்டர் வண்தேரர்

அறிவில் லுரைகேட்டங் கவமே கழியாதே

பொறிகொள் ளரவார்த்தான் பொல்லா வினைதீர்க்கும்

நறைகொள் பொழில்சூழ்ந்த நல்லம் நகரானே. 1.85.10

திருஆப்பனூர்

முற்றுஞ் சடைமுடிமேன் முதிரா இளம்பிறையன்

ஒற்றைப் படஅரவம் அதுகொண் டரைக்கணிந்தான்

செற்றமில் சீரானைத் திருஆப்ப னூரானைப்

பற்று மனமுடையார் வினைபற் றறுப்பாரே.  1

குரவங் கமழ்குழலாள் குடிகொண்டு நின்றுவிண்ணோர்

விரவுந் திருமேனி விளங்கும் வளையெயிற்றின்

அரவம் அணிந்தானை அணியாப்ப னூரானைப்

பரவு மனமுடையார் வினைபற் றறுப்பாரே.  2

முருகு விரிகுழலார் மனங்கொள் அநங்கனைமுன்

பெரிது முனிந்துகந்தான் பெருமான் பெருங்காட்டின்

அரவம் அணிந்தானை அணியாப்ப னூரானைப்

பரவு மனமுடையார் வினைபற் றறுப்பாரே.  3

பிணியும் பிறப்பறுப்பான் பெருமான் பெருங்காட்டில்

துணியின் உடைதாழச் சுடரேந்தி யாடுவான்

அணியும் புனலானை அணியாப்ப னூரானைப்

பணியும் மனமுடையார் வினைபற் றறுப்பாரே.  4

தகர மணியருவித் தடமால் வரைசிலையா

நகரம் ஒருமூன்றும் நலங்குன்ற வென்றுகந்தான்

அகர முதலானை அணியாப்ப னூரானைப்

பகரு மனமுடையார் வினைபற் றறுப்பாரே.  5

ஓடுந் திரிபுரங்கள் உடனே யுலந்தவியக்

காட திடமாகக் கனல்கொண்டு நின்றிரவில்

ஆடுந் தொழிலானை அணியாப்ப னூரானைப்

பாடு மனமுடையார் வினைபற் றறுப்பாரே.  6

இயலும் விடையேறி எரிகொள் மழுவீசிக்

கயலி னிணைக்கண்ணாள் ஒருபால் கலந்தாட

இயலும் இசையானை எழிலாப்ப னூரானைப்

பயிலு மனமுடையார் வினைபற் றறுப்பாரே.  7

கருக்கு மணிமிடறன் கதநாகக் கச்சையினான்

உருக்கும் அடியவரை ஒளிவெண் பிறைசூடி

அரக்கன் திறலழித்தான் அணியாப்ப னூரானைப்

பருக்கு மனமுடையார் வினைபற் றறுப்பாரே.  8

கண்ணன் கடிக்கமல மலர்மே லினிதுறையும்

அண்ணற் களப்பரிதாய் நின்றங் கடியார்மேல்

எண்ணில் வினைகளைவான் எழிலாப்ப னூரானைப்

பண்ணின் னிசைபகர்வார் வினைபற் றறுப்பாரே.  9

செய்ய கலிங்கத்தார் சிறுதட் டுடையார்கள்

பொய்யர் புறங்கூறப் புரிந்த அடியாரை

ஐயம் அகற்றுவான் அணியாப்ப னூரானைப்

பைய நினைந்தெழுவார் வினைபற் றறுப்பாரே.  1.88.10

திருஎருக்கத்தம்புலியூர்

படையார் தருபூதப் பகடார் உரிபோர்வை

உடையான் உமையோடும் உடனா யிடுகங்கைச்

சடையான் எருக்கத்தம் புலியூர்த் தகுகோயில்

விடையான் அடியேத்த மேவா வினைதானே.  1

இலையார் தருசூலப் படையெம் பெருமானாய்

நிலையார் மதில்மூன்று நீறாய் விழவெய்த

சிலையான் எருக்கத்தம் புலியூர்த் திகழ்கோயில்

கலையான் அடியேத்தக் கருதா வினைதானே.  2

விண்ணோர் பெருமானே விகிர்தா விடையூர்தீ

பெண்ணாண் அலியாகும் பித்தா பிறைசூடீ

எண்ணார் எருக்கத்தம் புலியூ ருறைகின்ற

அண்ணா எனவல்லார்க் கடையா வினைதானே.  3

வீறார் முலையாளைப் பாகம் மிகவைத்துச்

சீறா வருகாலன் சினத்தை யழிவித்தான்

ஏறான் எருக்கத்தம் புலியூ ரிறையானை

வேறா நினைவாரை விரும்பா வினைதானே.  5

நகுவெண் டலையேந்தி நானா விதம்பாடிப்

புகுவா னயம்பெய்யப் புலித்தோல் பியற்கிட்டுத்

தகுவான் எருக்கத்தம் புலியூர்த் தகைந்தங்கே

தொகுவான் கழலேத்தத் தொடரா வினைதானே.  6

மறையான் நெடுமால்காண் பரியான் மழுவேந்தி

நிறையா மதிசூடி நிகழ்முத் தின்தொத்தே

இறையான் எருக்கத்தம் புலியூ ரிடங்கொண்ட

கறையார்மிடற்றானைக் கருதக் கெடும்வினையே.  1.89. 9

திருவாரூர்

உய்ய லுறுவீர்காள், ஐயன் ஆரூரைக்

கையி னால்தொழ, நையும் வினைதானே.  4

பிண்டம் அறுப்பீர்காள், அண்டன் ஆரூரைக்

கண்டு மலர் தூவ, விண்டு வினைபோமே.  5

ஐயன் அணியாரூர்வெய்ய வினைதீர

செய்ய மலர்தூவ, வையம் உமதாமே.  7

துள்ளும் இருவர்க்கும், வள்ளல் ஆரூரை

உள்ளு மவர்தம்மேல், விள்ளும் வினைதானே.  1.91.9

முதுகுன்றம்

ஈசன் முதுகுன்றை, நேச மாகிநீர்   

வாச மலர்தூவப், பாச வினைபோமே.  1.93.4

திருவிடைமருதூர்

கருதார் புரமெய்வர், எருதே இனிதூர்வர்

மருதே யிடமாகும், விருதாம் வினைதீர்ப்பே.  2

கருது சம்பந்தன், மருத ரடிபாடிப்

பெரிதுந் தமிழ்சொல்லப், பொருத வினைபோமே. 

திருவன்னியூர்

குண்டர் தேரருக், கண்டன் அன்னியூர்த்

தொண்டு ளார்வினை, விண்டு போகுமே. 1 .96.10

திருக்குற்றாலம்

செல்வம் மல்கு செண்பகம் வேங்கை சென்றேறிக்

கொல்லை முல்லை மெல்லரும்பீனுங் குற்றாலம்

வில்லின் ஒல்க மும்மதி லெய்து வினைபோக

நல்கு நம்பான் நன்னகர் போலுந் நமரங்காள். 1.99.3

திருப்பரங்குன்றம்

மைத்தகுமேனி வாளரக்கன்றன் மகுடங்கள்

பத்தினதிண்தோள் இருபதுஞ்செற்றான் பரங்குன்றைச்

சித்தமதொன்றிச் செய்கழலுன்னிச் சிவனென்று

நித்தலுமேத்தத் தொல்வினை நம்மேல் நில்லாவே.  8

குண்டாய்முற்றுந் திரிவார்கூறை மெய்போர்த்து

மிண்டாய்மிண்டர் பேசியபேச்சு மெய்யல்ல

பண்டால்நீழல் மேவியஈசன் பரங்குன்றைத்

தொண்டாலேத்தத் தொல்வினைநம்மேல் நில்லாவே.  1.100.10

திருக்கண்ணார்க்கோயில்

தண்ணார் திங்கட் பொங்கர வந்தாழ் புனல்சூடிப்

பெண்ணா ணாய பேரரு ளாளன் பிரியாத

கண்ணார் கோயில் கைதொழு வோர்கட் கிடர்பாவம்

நண்ணா வாகும் நல்வினை யாய நணுகும்மே.  1.101.1

சீர்காழி

எண்ணார் முத்தம் ஈன்று 

  மரகதம் போற்காய்த்துக்

கண்ணார் கமுகு பவளம் 

  பழுக்குங் கலிக்காழிப்

பெண்ணோர் பாகா பித்தா 

  பிரானே யென்பார்க்கு

நண்ணா வினைகள் நாடொறும் 

  இன்பந் நணுகும்மே.  4

குறியார் திரைகள் வரைகள் 

  நின்றுங் கோட்டாறு

கறியார் கழிசம் பிரசங் 

  கொடுக்குங் கலிக்காழி

வெறியார் கொன்றைச் சடையா 

  விடையா என்பாரை

அறியா வினைகள் அருநோய் 

  பாவம் அடையாவே.  6

ஆவிக் கமலத் தன்னம் 

  இயங்குங் கழிசூழக்

காவிக் கண்ணார் மங்கலம் 

  ஓவாக் கலிக்காழிப்

பூவில் தோன்றும் புத்தே 

  ளொடுமா லவன்தானும்

மேவிப் பரவும் அரசே 

  யென்ன வினைபோமே.  9

மலையார் மாடம் நீடுயர் 

  இஞ்சி மஞ்சாருங்

கலையார் மதியஞ் சேர்தரும் 

  அந்தண் கலிக்காழித்

தலைவா சமணர் சாக்கியர்க் 

  கென்றும் அறிவொண்ணா

நிலையா யென்னத் தொல்வினை 

  யாய நில்லாவே.  1.102.10

திருஊறல்

பொன்னியல் சீவரத்தார் புளித்தட்டையர் 

  மோட்டமணர் குண்டர்

என்னும் இவர்க்கருளா 

  ஈசன் இடம்வினவில்

தென்னென வண்டினங்கள் செறியார்பொழில் 

  சூழ்ந்தழகார் தன்னை

உன்னவினை கெடுப்பான் 

  திருவூறலை உள்குதுமே.  1.106.10

திருக்கொடிமாடசெங்குன்றூர்

ஓங்கிய மூவிலைநற் சூல 

  மொருகையன் சென்னி

தாங்கிய கங்கையொடு 

  மதியஞ் சடைக்கணிந்து

கோங்கண வும்பொழில்சூழ் கொடிமாடச் 

  செங்குன்றூர் வாய்ந்த

பாங்கன தாள்தொழுவார் 

  வினையாய பற்றறுமே.  6

நீடலர் கொன்றையொடு நிமிர்புன் 

  சடைதாழ வெள்ளை

வாடலுடை தலையிற் 

  பலிகொள்ளும் வாழ்க்கையனாய்க்

கோடல் வளம்புறவிற் கொடிமாடச் 

  செங்குன்றூர் நின்ற

சேடன தாள்தொழுவார் 

  வினையாய தேயுமே.  7

செம்பொனின் மேனியனாம் பிரமன்திரு 

  மாலுந்தேட நின்ற

அம்பவ ளத்திரள்போல் 

  ஒளியாய ஆதிபிரான்

கொம்பண வும்பொழில்சூழ் கொடிமாடச் 

  செங்குன்றூர் மேய

நம்பன தாள்தொழுவார் 

  வினையாய நாசமே.  9

போதியர் பிண்டியரென் றிவர்கள் 

  புறங்கூறும் பொய்ந்நூல்

ஓதிய கட்டுரைகேட் 

  டுழல்வீர் வரிக்குயில்கள்

கோதிய தண்பொழில்சூழ் கொடிமாடச் 

  செங்குன்றூர் நின்ற

வேதியனைத் தொழநும் 

  வினையான வீடுமே.  10

அலைமலி தண்புனல்சூழ்ந் தழகார் 

  புகலிந்நகர் பேணுந்

தலைமக னாகிநின்ற 

  தமிழ்ஞான சம்பந்தன்

கொலைமலி மூவிலையான் கொடிமாடச் 

  செங்குன்றூ ரேத்தும்

நலம்மலி பாடல்வல்லார் 

வினையான நாசமே. 1.107.11 

திருப்பாதாளீச்சரம்

தாமரை மேலயனும் அரியுந்தம 

  தாள்வினையாற் றேடிக்

காமனை வீடுவித்தான் 

  கழல்காண்பில ராயகன்றார்

பூமரு வுங்குழலாள் உமைநங்கை 

  பொருந்தியிட்ட நல்ல

பாமரு வுங்குணத்தான் 

  உறைகோயில் பாதாளே.  9

அவ்வினைக் கிவ்வினை யாமென்று 

  சொல்லு மஃதறிவீர்

உய்வினை நாடா திருப்பதும் 

  உந்தமக் கூனமன்றே

கைவினை செய்தெம் பிரான்கழற் 

  போற்றுதும் நாமடியோஞ்

செய்வினை வந்தெமைத் தீண்டப்பெ

  றாதிரு நீலகண்டம்.  1

காவினை யிட்டுங் குளம்பல 

  தொட்டுங் கனிமனத்தால்

ஏவினை யாலெயில் மூன்றெரித் 

  தீரென் றிருபொழுதும்

பூவினைக் கொய்து மலரடி 

  போற்றுதும் நாமடியோம்

தீவினை வந்தெமைத் தீண்டப்பெ

  றாதிரு நீலகண்டம்.  2

முலைத்தடம் மூழ்கிய போகங்களும்மற் 

  றெவையு மெல்லாம்

விலைத்தலை யாவணங் கொண்டெமை 

  யாண்ட விரிசடையீர்

இலைத்தலைச் சூலமுந் தண்டும் 

  மழுவும் இவையுடையீர்

சிலைத்தெமைத் தீவினை தீண்டப்பெ

  றாதிரு நீலகண்டம்.  3

விண்ணுல காள்கின்ற விச்சா 

  தரர்களும் வேதியரும்

புண்ணிய ரென்றிரு போதுந் 

  தொழப்படும் புண்ணியரே

கண்ணிமை யாதன மூன்றுடை 

  யீருங் கழலடைந்தோம்

திண்ணிய தீவினை தீண்டப்பெ 

  றாதிரு நீலகண்டம்.  4

மற்றிணை யில்லா மலைதிரண் 

  டன்னதிண் டோ ளுடையீர்

கிற்றெமை யாட்கொண்டு கேளா 

  தொழிவதுந் தன்மைகொல்லோ

சொற்றுணை வாழ்க்கை துறந்துந் 

  திருவடி யேயடைந்தோம்

செற்றெமைத் தீவினை தீண்டப்பெ 

  றாதிரு நீலகண்டம்.  5

மறக்கு மனத்தினை மாற்றியெம் 

  மாவியை வற்புறுத்திப்

பிறப்பில் பெருமான் திருந்தடிக் 

  கீழ்ப்பிழை யாதவண்ணம்

பறித்த மலர்கொடு வந்துமை 

  யேத்தும் பணியடியோம்

சிறப்பிலித் தீவினை தீண்டப்பெ 

  றாதிரு நீலகண்டம்.  6

கருவைக் கழித்திட்டு வாழ்க்கை 

  கடிந்துங் கழலடிக்கே

உருகி மலர்கொடு வந்துமை 

  யேத்துதும் நாமடியோம்

செருவி லரக்கனைச் சீரி 

  லடர்த்தருள் செய்தவரே

திருவிலித் தீவினை தீண்டப்பெ 

  றாதிரு நீலகண்டம்.  8

நாற்ற மலர்மிசை நான்முகன் 

  நாரணன் வாதுசெய்து

தோற்ற முடைய அடியும் 

  முடியுந் தொடர்வரியீர்

தோற்றினுந் தோற்றுந் தொழுது 

  வணங்குதும் நாமடியோம்

சீற்றம தாம்வினை தீண்டப்பெ 

  றாதிரு நீலகண்டம்.  9

சாக்கியப் பட்டுஞ் சமணுரு 

  வாகி யுடையொழிந்தும்

பாக்கிய மின்றி இருதலைப் 

  போகமும் பற்றும்விட்டார்

பூக்கமழ் கொன்றைப் புரிசடை 

  யீரடி போற்றுகின்றோம்

தீக்குழித் தீவினை தீண்டப்பெ 

  றாதிரு நீலகண்டம்.  1.116.10

திருப்பருப்பதம்

துனியுறு துயர்தீரத் 

  தோன்றியோர் நல்வினையால்

இனியுறு பயனாதல் 

  இரண்டுற மனம்வையேல்

கனியுறு மரமேறிக் 

  கருமுசுக் கழையுகளும்

பனியுறு கதிர்மதியான் 

  பருப்பதம் பரவுதுமே.  3

மருவிய வல்வினைநோய் 

  அவலம்வந் தடையாமல்

திருவுரு அமர்ந்தானுந் 

  திசைமுகம் உடையானும்

இருவரும் அறியாமை 

  எழுந்ததோ ரெரிநடுவே

பருவரை யுறநிமிர்ந்தான் 

  பருப்பதம் பரவுதுமே.  1.118.9

திருவையாறு

பணிந்தவர் அருவினை பற்றறுத் தருள்செயத்

துணிந்தவன் தோலொடு நூல்துதை மார்பினில்

பிணிந்தவன் அரவொடு பேரெழி லாமைகொண்

டணிந்தவன் வளநகர் அந்தண் ஐயாறே.  1.120.1

திருவிடைமருதூர்

துவருறு விரிதுகில் உடையரும் அமணரும்

அவருறு சிறுசொலை நயவன்மின் இடுமணல்

கவருறு புனலிடை மருதுகை தொழுதெழும்

அவருறு வினைகெடல் அணுகுதல் குணமே.  10

தடமலி புகலியர் தமிழ்கெழு விரகினன்

இடமலி பொழிலிடை மருதினை யிசைசெய்த

படமலி தமிழிவை பரவவல் லவர்வினை

கெடமலி புகழொடு கிளரொளி யினரே.  1.121.11

திருவிடைமருதூர்

சலசல சொரிபுனல் சடையினர் மலைமகள்

நிலவிய உடலினர் நிறைமறை மொழியினர்

இலரென இடுபலி யவரிடை மருதினை

வலமிட வுடல்நலி விலதுள வினையே.  3

செருவடை யிலவல செயல்செயத் திறலொடும்

அருவரை யினிலொரு பதுமுடி நெரிதர

இருவகை விரனிறி யவரிடைமருதது

பரவுவர் அருவினை ஒருவுதல் பெரிதே.  8

பொருகடல் அடைதரு புகலியர் தமிழொடு

விரகினன் விரிதரு பொழிலிடைமருதினைப்

பரவிய ஒருபது பயிலவல் லவரிடர்

விரவிலர் வினையொடு வியனுல குறவே.  1.122.11.

திருச்சிவபுரம்

கலைமலி யகலல்குல் அரிவைதன் உருவினன்

முலைமலி தருதிரு வுருவம துடையவன்

சிலைமலி மதில்பொதி சிவபுர நகர்தொழ

இலைநலி வினையிரு மையுமிடர் கெடுமே.  1

வடிவுடை மலைமகள் சலமக ளுடனமர்

பொடிபடும் உழையதள் பொலிதிரு வுருவினன்

செடிபடு பலிதிரி சிவனுறை சிவபுரம்

7அடைதரும் அடியவர் அருவினை யிலரே. 

புந்தியர் மறைநவில் புகலிமன் ஞானசம்

பந்தன தமிழ்கொடு சிவபுர நகருறை

எந்தையை யுரைசெய்த இசைமொழி பவர்வினை

சிந்திமு னுறவுயர் கதிபெறு வர்களே.  1.125.11

மேகராகக்குறிஞ்சி

திருக்கச்சியேகம்பம்                         

பிரமனுந் திருமாலுங் கைதொழப் 

  பேரழ லாயபெம்மான்

அரவஞ் சேர்சடை அந்தணன் 

  அணங்கினொ டமருமிடம்

கரவில்வண் கையினார்கள் வாழ்கலிக் 

  கச்சி மாநகருள்

மரவஞ்சூழ் பொழிலேகம் பந்தொழ 

    வல்வினை மாய்ந்தறுமே.  1.133.9 

திருப்பராய்த்துறை

நாற்றமாமல ரானொடுமாலுமாய்த்

தோற்றமும் அறியாதவர்

பாற்றினார்வினை யானபராய்த்துறை

ஆற்றல்மிக்க அடிகளே.  1.1359

இரண்டாம் திருமுறை

இந்தளம் 

திருப்பூந்தராய்

மகர வார்கடல் வந்தண வும்மணற் கானல்வாய்ப்

புகலி ஞானசம் பந்தன் எழில்மிகு பூந்தராய்ப்

பகவ னாரைப் பரவுசொல் மாலைபத் தும்வல்லார்

அகல்வர் தீவினை நல்வினை யோடுட னாவரே.  02.01.11

திருஅனேகதங்காவதம்

நீடல் மேவுநிமிர் புன்சடைமேலொர் நிலாமுளை

சூடல் மேவுமறை யின்முறை  யாலொர் சுலாவழல்

ஆடல் மேவுமவர் மேய  அனேகதங் காவதம்

பாடல் மேவுமனத் தார்வினை  பற்றறுப் பார்களே.  1

ஈர மேதுமில னாகி  யெழுந்த இராவணன்

வீர மேதுமில னாக  விளைத்த விலங்கலான்

ஆரம் பாம்ப தணிவான்றன்  அனேகதங் காவதம்

வார மாகிநினை வார்வினை  யாயின மாயுமே.  8

கண்ணன் வண்ணமல ரானொடுங்  கூடியோர்க் கையமாய்

எண்ணும் வண்ணமறி யாமையெ  ழுந்ததோ ராரழல்

அண்ணல் நண்ணுமணி சாரல்  அனேகதங் காவதம்

2.05.9நண்ணும் வண்ணமுடை யார்வினை  யாயின நாசமே. 

திருவாஞ்சியம்

அரவம் பூண்பரணி யுஞ்சிலம் பார்க்க அகந்தொறும்

இரவில் நல்லபலி பேணுவர்  நாணிலர் நாமமே

பரவு வார்வினை தீர்க்கநின் றார்திரு வாஞ்சியம்

மருவியேத் தமட மாதொடு நின்றஎம் மைந்தரே.  6

மாட நீடுகொடி மன்னிய தென்னிலங் கைக்குமன்

வாடி யூடவரை யாலடர்த் தன்றருள் செய்தவர்

வேட வேடர்திரு வாஞ்சியம் மேவிய வேந்தரைப்

பாடநீ டுமனத் தார்வினை பற்றறுப் பார்களே.  8

செடிகொள் நோயின்அடை யார்திறம் பார்செறு தீவினை

கடிய கூற்றமுங் கண்டக லும்புகல் தான்வரும்

நெடிய மாலோடயன் ஏத்தநின் றார்திரு வாஞ்சியத்

தடிகள் பாதமடைந் தாரடி   யாரடி யார்கட்கே.  2.07.9

திருச்சிக்கல்

வானுலா வும்மதி வந்துலா வும்மதில் மாளிகை

தேனுலா வும்மலர்ச் சோலைமல் குந்திகழ் சிக்கலுள்

வேனல்வே ளைவிழித் திட்டவெண் ணெய்ப்பெரு மானடி

ஞானமா கந்நினை வார்வினை யாயின நையுமே.  1

கந்தமுந் தக்கைதை பூத்துக் கமழ்ந்து சேரும்பொழிற்

செந்துவண் டின்னிசை பாடல்மல் குந்திகழ் சிக்கலுள்

வெந்தவெண் ணீற்றண்ணல் வெண்ணெய்ப்பி ரான்விரை யார்கழல்

சிந்தைசெய் வார்வினை யாயின தேய்வது திண்ணமே.  4

முன்னுமா டம்மதில் மூன்றுட னேயெரி யாய்விழத்

துன்னுவார் வெங்கணை யொன்று செலுத்திய சோதியான்

செந்நெலா ரும்வயற் சிக்கல்வெண் ணெய்ப்பெரு மானடி

உன்னிநீ டம்மன மேநினை யாய்வினை ஓயவே.  7

தெற்ற லாகிய தென்னிலங் கைக்கிறை வன்மலை

பற்றி னான்முடி பத்தொடு தோள்கள் நெரியவே

செற்ற தேவன்நஞ் சிக்கல்வெண் ணெய்ப்பெரு மானடி

உற்று நீநினை வாய்வினை யாயின ஓயவே.  2.08.8

திருமழபாடி

களையும் வல்வினை யஞ்சல்நெஞ்சேகரு தார்புரம்

உளையும் பூசல்செய் தானுயர் மால்வரை நல்விலா

வளைய வெஞ்சரம் வாங்கியெய் தான்மதுத் தும்பிவண்

டளையுங் கொன்றையந் தார்மழ பாடியுள் அண்ணலே.  1

பள்ள மார்சடை யிற்புடை யேயடை யப்புனல்

வெள்ளம் ஆதரித் தான்விடை யேறிய வேதியன்

வள்ளல் மாமழ பாடியுள் மேயம ருந்தினை

 உள்ளம் ஆதரி மின்வினை யாயின ஓயவே.  4

தெரிந்த வன்புரம் மூன்றுடன் மாட்டிய சேவகன்

பரிந்து கைதொழு வாரவர் தம்மனம் பாவினான்

வரிந்த வெஞ்சிலை யொன்றுடை யான்மழ பாடியைப்

புரிந்து கைதொழு மின்வினை யாயின போகுமே.  6

சந்த வார்குழ லாளுமை தன்னொரு கூறுடை

எந்தை யான்இமை யாதமுக் கண்ணினன் எம்பிரான்

மைந்தன் வார்பொழில் சூழ்மழ பாடிம ருந்தினைச்

சிந்தி யாவெழு வார்வினை யாயின தேயுமே.  2.09.7

திருமங்கலக்குடி

கருங்கை யானையின் ஈருரி போர்த்திடு கள்வனார்

மருங்கெ லாம்மண மார்பொழில் சூழ்மங்க லக்குடி

அரும்பு சேர்மலர்க் கொன்றையி னானடி யன்பொடு

 விரும்பி யேத்தவல் லார்வினை யாயின வீடுமே.  3

ஆனி லங்கிளர் ஐந்தும் அவிர்முடி யாடியோர்

மானி லங்கையி னான்மண மார்மங்க லக்குடி

ஊனில் வெண்டலைக் கையுடை யானுயர் பாதமே

ஞான மாகநின் றேத்தவல் லார்வினை நாசமே.  2.10.5

சீர்காழி

அருந்தானை யன்புசெய் தேத்தகில் லார்பால்

பொருந்தானைப் பொய்யடி மைத்தொழில் செய்வாருள்

விருந்தானை வேதிய ரோதி மிடைகாழி

இருந்தானை யேத்துமின் நும்வினை யேகவே.  3

நெதியானை நெஞ்சிடங் கொள்ள நினைவார்தம்

விதியானை விண்ணவர் தாம்வியந் தேத்திய

கதியானைக் காருல வும்பொழிற் காழியாம்

பதியானைப் பாடுமின் நும்வினை பாறவே.  5

துன்பானைத் துன்பம்  அழித்தரு ளாக்கிய

இன்பானை யேழிசை  யின்னிலை பேணுவார்

அன்பானை அணிபொழிற்  காழி நகர்மேய

நம்பானை நண்ணவல்  லார்வினை நாசமே.  2.11.7

திருக்கச்சியேகம்பம்

நொச்சியே வன்னிகொன் றைமதி கூவிளம்

உச்சியே புனைதல்வே டம்விடை யூர்தியான்

கச்சியே கம்பம்மே யகறைக் கண்டனை

நச்சியே தொழுமின்நும் மேல்வினை நையுமே.  2

குன்றேய்க்கு நெடுவெண்மா டக்கொடி கூடிப்போய்

மின்றேய்க்கு முகில்கள் தோயும் வியன் கச்சியுள்

மன்றேய்க்கு மல்குசீ ரான்மலி யேகம்பம்

சென் றேய்க்குஞ் சிந்தையார் மேல்வினை சேராவே.  4

மழுவாளோ டெழில்கொள்சூ லப்படை வல்லார்தம்

கெழுவாளோ ரிமையாருச் சியுமை யாள்கங்கை

வழுவாமே மல்குசீ ரால்வள ரேகம்பம்

தொழுவாரே விழுமியார் மேல்வினை துன்னாவே.  6

போதியார் பிண்டியா ரென்றிவர் பொய்ந்நூலை

வாதியா வம்மினம் மாவெனுங் கச்சியுள்

ஆதியார் மேவியா டுந்திரு வேகம்பம்

நீதியால் தொழுமின்நும் மேல்வினை நில்லாவே.  2.12.10

திருக்கோழம்பம்

மையான கண்டனை  மான்மறி யேந்திய

கையானைக் கடிபொழிற்  கோழம்பம் மேவிய

செய்யானைத் தேன்நெய்பா  லுந்திகழ்ந் தாடிய

மெய்யானை மேவுவார்  மேல்வினை மேவாவே.  2

ஏதனை யேதமி  லாஇமை யோர்தொழும்

வேதனை வெண்குழை  தோடுவி ளங்கிய

காதனைக் கடிபொழிற்  கோழம்பம் மேவிய

நாதனை யேத்துமின்  நும்வினை நையவே.  2.13.3

திருவெண்ணியூர்   

சோதியைச் சுண்ணவெண் ணீறணிந் திட்டஎம்

ஆதியை ஆதியும் அந்தமு மில்லாத

வேதியை வேதியர் தாந்தொழும் வெண்ணியில்

நீதியை நினையவல் லார்வினை நில்லாவே.  2

நீரானை நிறைபுனல்  சூழ்தரு நீள்கொன்றைத்

தாரானைத் தையலொர்  பாகமு டையானைச்

சீரானைத் திகழ்தரு  வெண்ணிய மர்ந்துறை

ஊரானை உள்கவல்  லார்வினை ஓயுமே.  5

காய்ந்தானைக் காமனை  யுஞ்செறு காலனைப்

பாய்ந்தானைப் பரியகை  மாவுரித் தோல்மெய்யில்

மேய்ந்தானை விண்ணவர்  தாந்தொழும் வெண்ணியில்

நீந்தானை நினையவல்  லார்வினை நில்லாவே.  2.14.7

திருக்காறாயில்

தாயானே தந்தையு மாகிய தன்மைகள்

ஆயானே ஆயநல் லன்பர்க்க ணியானே

சேயானே சீர்திக ழுந்திருக் காறாயில்

மேயானே யென்பவர் மேல்வினை மேவாவே.  4

கலையானே கலைமலி செம்பொற் கயிலாய

மலையானே மலைபவர் மும்மதில் மாய்வித்த

சிலையானே சீர்திக ழுந்திருக் காறாயில்

நிலையானே யென்பவர் மேல்வினை நில்லாவே.  5

ஆற்றானே ஆறணி செஞ்சடை யாடர

வேற்றானே யேழுல கும்மிமை யோர்களும்

போற்றானே பொழில்திக ழுந்திருக் காறாயில்

நீற்றானே யென்பவர் மேல்வினை நில்லாவே.  6

சேர்த்தானே தீவினை தேய்ந்தறத் தேவர்கள்

ஏத்தானே யேத்துநன் மாமுனி வர்க்கிடர்

காத்தானே கார்வயல்  சூழ்திருக் காறாயில்

ஆர்த்தானே யென்பவர்  மேல்வினை யடராவே.  7