மாகாளம் (உஞ்சை மாகாளம் / உஜ்ஜயினி) Makalam (Unjai Makalam / Ujjayini)

தல வரலாறு

• மத்தியப் பிரதேசம் - உஜ்ஜயினி நகரத்தில் உள்ள தலம். ஊர் - உஜ்ஜயினி; கோயில் - மாகாளம்.

   

• 'சுதன்வா' என்னும் ஜைன மன்னன் இட்ட பெயரான "உஜ்ஜைனவனம்" என்பது பிற்காலத்தில் மருவி 'உஜ்ஜயினி' என்றாயிற்று.

• 

சிறப்புகள்

• இத்தலம் அப்பர் வாக்கில் இடம்பெற்றுள்ள - வைப்புத் தலமாகும்.

   

• கோயிலும் பெரியது - மூர்த்தியும் பெரிய மூர்த்தி.

   

• மாகாளர் பாதாளத்தில் கம்பீரமாக, கவசத்தில் காட்சித் தருகிறார். பூமிக்குள் பல படிகள் இறங்கிப் பாதாளத்தில் தான் மாகாளேசுவரரைத் தரிசிக்க வேண்டும்.

   

• கும்பமேளா இங்கு சிறப்பாக கொண்டாடப்படுகிறது.

   

• இத்தலம் பன்னிரண்டு ஜோதிர்லிங்கத் தலங்களுள் ஒன்று.

   

• முத்தி தரும் தலங்கள் ஏழனுள் இதுவும் ஒன்று - அவந்தி என்று போற்றப்படுவது. (1. அயோத்தி, 2. மதுரா, 3. மாயா (ஹரித்வார்), 4. துவாரகை, 5. காசி, 6. அவந்தி (உஜ்ஜயினி), 7. காஞ்சி என்பவை முத்தி தரும் ஏழு தலங்கள்.)

   

• உஞ்சை, உஞ்சேனை, அமராவதி, சிதபுரி, விசாலா என்பன இதன் வேறு பெயர்கள்.

   

• விக்ரமாதித்தன், பர்த்ருஹரி முதலியோர் அரசாண்ட பதி.

   

• சகாப்தத்தைத் தோற்றுவித்த சாலிவாகனன், மகாகவி காளிதாசர், தண்டி முதலிய மேதைகள் வாழ்ந்த தலம்.

   

• கோயிலுக்கு அருகில் 'க்ஷீப்ரா' நதி ஓடுகிறது.

   

• க்ஷீப்ரா நதியின் கரையில் வரிசையாகப் பல சிவலிங்கங்கள் உள்ளன.

   

• இந்நதிக் கரையில் விக்கிரமாதித்தனின் குல தெய்வமாகிய வரசித்தி மாதா கோயில் உள்ளது.

   

• கண்ணபிரானின் குருவாகிய சாந்தீப முனிவரின் ஆசிரமம் இத்தலத்தில் உள்ளது.

அமைவிடம் மாநிலம் : மத்தியப் பிரதேசம் சென்னை - புதுடில்லி பாதையில் இந்தூர் அல்லது போபால் ரயில் நிலையத்தை அடைந்து, அங்கிருந்து பேருந்தில் செல்லலாம்.