முருகனிடம் உபதேசம் கேட்ட இறைவனுடன் வந்த மகாவிஷ்ணு வழிபட்ட தலம் ஆதலின் 'கொண்டல் வண்ணன் குடி' என்று இஃது பெயர் பெற்றது.

'கொண்டல் வண்ணன் குடி' என்பது மருவி, கொண்டல் வள்ளுவக்குடி என்றாகி; ஊர் இரண்டாகப் பிரிந்தபோது கொண்டல் - வள்ளுவக்குடி என்றானது.

• வைப்புத்தலப் பாடல்கள் : அப்பர் - கொண்டலுள்ளார் கொண்டீச் (6-51-9)  சுந்தரர் - அண்டத் தண்டத்தின் (7-12-2). 

• இத்தலம் அப்பர், சுந்தரர் ஆகியோர்களின் வாக்கில் இடம்பெற்றுள்ள - வைப்புத் தலமாகும்.

• இத்தலம் "கீழப் பழனி என வழங்கும் கொண்டல் குமார சுப்பிரமணியர்" என்று வழக்கில் வழங்குகிறது.

• அருணகிரி நாதரின் திருப்புகழ் பெற்றத் தலமுமாகும்.

முன்மண்டபம் தாண்டிச் சென்றால் நேரே மூலவராக குமார சுப்பிரமணியர் தரிசனம்; பக்கத்தில் தாரகபரமேஸ்வரர் எழுந்தருளியுள்ளார்.

• கோயிலுக்குப் பின்புறம் நந்தவனம் இருக்கிறது.

• 1978ல் நடந்த மகாகும்பாபிஷேக விவரக் கல்வெட்டு, கோயிலில் பதிக்கப்பட்டுள்ளது.