• இத்தலம் அப்பர் வாக்கில் இடம்பெற்றுள்ள - வைப்புத் தலமாகும்.
• வைப்புத்தலப் பாடல்கள் : அப்பர் - நல்லூரே நன்றாக (6-25-10).

மண்டபத்தின் இடதுபுறம் தட்சிணாமூர்த்தி பெரிய மூலத்திருமேனி உள்ளது; பக்கத்தில் சீடர்கள் உள்ளனர். கோஷ்டத்தில் இருக்க வேண்டிய இம்மூர்த்தம் மண்டபத்துள் இருப்பது புதுமை.

பைரவர் திருமேனி 5 1/2 அடி உயரத் திருமேனி. இவர் மிகவும் வரப்பிரசாதி. இக்கோயிலில் இப்பைரவரே சிறப்பு மூர்த்தமாக வழிபடப் பெறுகிறார்.

மூலவர் முன்புள்ள நந்தி, தட்சிணாமூர்த்தியைப் பார்த்தவாறு முகத்தைத் திருப்பிக் கொண்டிருப்பதும் விந்தையான அமைப்பு.

• மூலவரின் திருமேனியில் பாம்பு வடிவம் உள்ளது. (சேஷபுரீஸ்வரர்.)

பைரவருக்கு தேய்பிறை அஷ்டமியில் விசேஷ வழிபாடு நடைபெறுகிறது. வாழையிலையில் தயிர் சாதமும் வடையும் நிவேதிக்கப்படுகிறது.

கோயிலுக்கு எதிரில் உள்ள தீர்த்தம் மலட்டுத் தன்மையைப் போக்கும் தன்மையதாகச் சொல்லப்படுகிறது.

• கோயில் கற்றளி.