• இன்று மக்களால் 'திருப்பயத்தங்குடி' என்று வழங்கப்படுகிறது.

   

• சுங்கம் கொடுக்க அஞ்சிய வணிகன் ஒருவன், சுங்கமில்லாத பயறு மூட்டைகளாகத் தன் மிளகுப் பொதிகளை மாற்றித் தருமாறு வேண்ட, அவனுக்கு இறைவன் பயறு மூட்டைகளாக மாற்றித் தந்து அருளியதால் பயற்றுநாதர் என்று பெயர் பெற்றார் என்பது செவி வழிச் செய்தி.

 

தேவாரப் பாடல்கள்	: 

பதிகங்கள்     :    அப்பர்    -    1. உரித்திட்டார் ஆனை (4.32);

பாடல்கள்      :    அப்பர்    -       செழுநீர்ப் புனற்கெடில (6.07.5).

• மூலவர் - ஆவுடையார் நாற்கோண வடிவம்; பழமையான திருமேனி.

   

• இங்குள்ள கருணா தீர்த்தத்தில் மூழ்கி அம்பிகையை வழிபட்டால் கண்நோய் நீங்கும் என்றொரு செய்தி சாசனத்தின் மூலம் தெரிய வருகிறது.

   

• (தலமரமாகிய சிலந்தி மரம் - இம்மரத்தின் மலர்கள் மஞ்சள் நிறத்தில் சிலந்தி பூச்சி வடிவில் இருக்கும். சித்திரை வைகாசியில் பூக்கும் - மணமுண்டு; இலை, புன்னையிலைபோல இருக்கும்.)

 

 

அமைவிடம் மாநிலம் : தமிழ் நாடு திருவாரூரிலிருந்து மயிலாடுதுறை செல்லும் பேருந்துச் சாலையில் கங்களாஞ்சேரியை அடைந்து, அதையடுத்து வலப்பக்கமாகப் பிரிந்து செல்லும் நாகூர் சாலையில் சென்று, மேலப்பூதனூர் அடைந்து அங்கிருந்து பிரியும் திருமருகல் சாலையில் சென்றால் இத்தலத்தை அடையலாம். தொடர்புக்கு :- 9865844677 , 04366 - 272 423.