• வடுகூர் என்ற பெயர் பிற்கால வழக்கில் ஆண்டார்கோயில் என்றாகி இன்று மக்கள் வழக்கில் "திருவாண்டார்கோயில்" என்று வழங்குகிறது.

   

• அஷ்டபைரவர்களுள் ஒருவராகிய வடுக பைரவர், முண்டகன் என்னும் அசுரனைக் கொன்ற பழிதீர வழிபட்ட தலமாதலின்; வடுகர் வழிபட்டது வடுகூர் என்று பெயர் பெற்றது.

   

• ஆண்டவனார் கோயில் என்பது கோயிலுக்குப் பெயர்; கோயிற் பெயரே பிற்காலத்தில் ஊருக்குப் பெயராயிற்று - ஆண்டார் கோயில். 'திரு' என்னும் அடைமொழி சேர்ந்து 'திருஆண்டார் கோயில்' என்பது இன்று வழக்கில் திருவாண்டார் கோயில் என்றாயிற்று.

 

தேவாரப் பாடல்கள்	: 

பதிகங்கள்     :    சம்பந்தர்    -    1. சுடுகூ ரெரிமாலை யணிவர் (1.87); 

                   சேக்கிழார்    -       கன்னி மாவனம் காப்பு (12.28.963) திருஞானசம்பந்தர் நாயனார் புராணம்.

 

• இக்கோயில் சோழர்காலக் கலைப் பாணியில் அமைந்துள்ளது.

   

• சுவாமி விமானம் தஞ்சைக் கோயிலமைப்பில் உள்ளது.

   

• கோயில் தொல் பொருள் ஆய்வுத் துறையினரால் புதுப்பிக்கப்பட்டுப் பராமரிக்கப்பட்டு வருகின்றது.

அமைவிடம் மாநிலம் : புதுச்சேரி விழுப்புரம் - பாண்டிச்சேரி (வழி - கோலியனூர், கண்டமங்கலம்) பேருந்துச் சாலையில் சென்று, கோலியனூர், வளவனூர் தாண்டி, புதுவை மாநில எல்லைக்குள் நுழைந்து சிறிது தூரம் சென்றால் சாலையோரத்திலுள்ள இக்கோயிலை அடையலாம். தொடர்புக்கு :- 9994190417.