Important Events

திருக்கழுக்குன்றில் செல்வா போற்றி! பொருப்பமர் பூவணத்து அரனே போற்றி!!

தலைப்பு : மாபெரும் 108 நாட்கள் திருவாசக தொடர் முற்றோதல்.

சிவ தாமோதரன் ஐயா அவர்கள் முன்னிலையில் 108 நாள் தொடர் திருவாசக முற்றோதல்.

நாள் : 14-09-2018 முதல் 30-12-2018 வரை.

நடைபெறும் இடம் : சிவ சிவ இல்லம், திருக்கழுக்குன்றம்.

முக்கிய குறிப்பு : (1) இந்த 108 நாட்கள் திருவாசக முற்றோதலில் தங்கள் திருக்கூட்டம் கலந்துக்கொண்டு திருவாசக முற்றோதல் நிகழ்வு நடத்த விருப்பப்படும் அடியார்கள்.

(2) தங்கள் திருக்கூட்டத்தின் பெயரும், தலைவர், செயலாளர் பெயரும் மற்றும் தொலைப்பேசி எண்ணும் தங்கள் திருக்கூட்டத்தில் உள்ள அடியார்கள் எண்ணிக்கையும் தெரியப்படுத்தவும்.

(3) 108 நாள் தொடர் திருவாசக முற்றோதலில் எவ்வளவு அடியார்கள் வேண்டுமானாலும் கலந்துக்கொள்ளலாம். 

(4) 108 நாட்களுக்கான முற்றோதல் குழு தேர்ந்து எடுக்கப்பட்டு பிறகு உங்கள் குழுவிற்கான தேதி அளிக்கப்பட்டு முற்றோதல் நிகழ்த்த தெரிவிக்கப்படும். 

(5) மேலும் விபரங்களுக்கு தொடர்புக்கொள்ள வேண்டிய எண்கள் : 09791581933, 09790404187, 07550118118, 07550119119.

சிவாயநம

திருச்சிற்றம்பலம்

தேவாரம் - திருவாசகம் விண்ணப்பம்

திருமந்திரம் சிந்தனை

சுந்தரர் திருப்பாட்டு வழங்குபவர் : திரு. R. இராஜேஸ்வரன் அவர்கள். நேரம் : மாலை 7.00 மணி

கூட்டு வழிபாடு வழங்குபவர் : ஆன்மிக வழிபாட்டு சபை நேரம் : மாலை 7.00 - 8.30 மணி

திருமுறை தேவார இசை கூட்டு வழிபாடு நேரம் : மாலை 6.30 மணி

திருவாவடுதுறை ஆதின நேர்முக சித்தாந்த வகுப்பு நேரம் : காலை 9.30 மணி அமைப்பாளர் இயக்குனர் பேராசிரியர், திரு . கந்தசாமி, திரு.அ. கணேசன் , செல் : 6444285692

திருநீற்றான் மதில் (பௌர்ணமி) வலம் வருதல் விழா

கூட்டு வழிபாடு சோமவார வழிபாட்டுக் குழு நேரம் : மாலை 4.00 மணி

அகத்தியர் தேவாரத் திரட்டு முற்றோதல், கூட்டு வழிபாடு நேரம் : காலை 9.00 மணி

திருவிளையாடற்புராணம் வழங்குபவர்: திரு. பனசை அருணா அவர்கள். (பன்னிரு திருமுறை மன்றம் ) நேரம் : மாலை 6.00 மணி

பெரியபுராணம் விளக்கவுரை வழங்குபவர்: திரு. S. தாண்டவமூர்த்தி அவர்கள். நேரம் : காலை 8.00 மணி

பன்னிரு திருமுறை தொடர் முற்றோதல் நேரம் : மாலை 6.30 மணி

சோமவார வழிபாடு வழங்குபவர்: திரு. சிவ. சுந்தரமூர்த்தி அவர்கள். நேரம் : மாலை 6.30 மணி ஏற்பாடு : பெரியபுராணம் தொடர் சொற்பொழிவு

திருமுறை அர்ச்சனை போற்றி நேரம் : மாலை 6.30 மணி

ஆன்மிக சொற்பொழிவு

வழங்குபவர் : திரு. வே. சிவசுப்பிரமணியன் அவர்கள்.

நேரம் : மாலை 7.00 மணி

திருமூலர் பாடல்கள் வழங்குபவர்: திரு. அரங்க இராமலிங்கம் அவர்கள். நேரம் : மாலை 6.30 மணி

திருவிளையாடற்புராணம் வழங்குபவர்: திரு. V. வேதகிரி அவர்கள். நேரம் : மாலை 7.00 மணி

கூட்டு வழிபாடு நேரம் : மாலை 6.30 மணி

கூட்டு வழிபாடு

நேரம் : இரவு 7.00 மணி

பிரமோத்தர காண்டம்

வழங்குபவர் : திரு. வே. சுப்பிரமணியன் அவர்கள்.

நேரம் : இரவு 7 - 8.00 மணி

திருமுறை இசை பயிற்சி

வழங்குபவர் : திரு. எத்திராஜ் ஓதுவார் அவர்கள்.

நேரம் : மாலை 7 - 8.00 மணி

திருமுறை இசை பயிற்சி வழங்குபவர்: திரு. C.R.எத்திராஜன் ஓதுவார் அவர்கள். நேரம் : மாலை 6.30 மணி

திருவிளையாடற்புராணம் வழங்குபவர்: திரு. பிச்சை அவர்கள். நேரம் : மாலை 6.30 மணி

தொண்டர்புராணம் வழங்குபவர்: திரு. J. மகாதேவன் அவர்கள். நேரம் : இரவு 7.00 மணி

கூட்டு வழிபாடு வழங்குபவர்: வள்ளலார் தொண்டு நிறுவனம் நேரம் : மாலை 6.00 மணி

பெரியபுராணம் நேரம் : மாலை 10 - 12.00 மணி

கூட்டு வழிபாடு நேரம் : மாலை 6.30 மணி

திருப்பாட்டு வழங்குபவர்: திரு. R. இராஜேஸ்வரன் அவர்கள். நேரம் : மாலை 7.00 மணி

பெரியபுராணம் தொடர் சொற்பொழிவு வழங்குபவர்: திரு. V. வேதகிரி அவர்கள். நேரம் : இரவு 7.00 மணி

திருவாசக முற்றோதல் வழங்குபவர்: சைவ மங்கையர் அணி நேரம் : காலை 7.30 மணி

திருமுறை இன்னிசை கூட்டு வழிபாடு நேரம் : இரவு 6.30 மணி

பன்னிரு திருமுறை தொடர் முற்றோதல் நேரம் : மாலை 7.30 மணி

திருவிளையாடற்புராணம் வழங்குபவர்: திரு. சத்தி சந்திரசேகரன் அவர்கள். நேரம் : மாலை 7.00 மணி

பெரியபுராண தொடர் வழங்குபவர்: திரு. A.P. சாமிநாதன் அவர்கள். நேரம் : மாலை 6.00 மணி

கூட்டு பிரார்த்தனை நேரம் : மாலை 6.30 மணி

கூட்டு வழிபாடு நேரம் : மாலை 6.30 மணி

தாயுமானவர் வழங்குபவர்: திரு. தே. ஞானசுந்தரம் அவர்கள். நேரம் : மாலை 6.30 மணி

திருவாசக முற்றோதல் வழங்குபவர்: திரு. கு. இராமகிருஷ்ணன் அவர்கள். நேரம் : காலை 8.30 மணி

திருமுறை இசை வகுப்பு வழங்குபவர்: திருமதி. பா. வள்ளிஉமாபதி அவர்கள். நேரம் : மாலை 6.00 மணி

திருவிளையாடற்புராணம் வழங்குபவர்: திரு.ம.கோ. சீனிவாசன் அவர்கள். நேரம் : இரவு 7.00 மணி

பெரியபுராணம் வழங்குபவர்: திரு. V. வேதகிரி அவர்கள். நேரம் : மாலை 7.00 மணி

திருமுறை இசை பயிற்சி வழங்குபவர்: திரு. எத்திராஜ் ஓதுவார் அவர்கள். நேரம் : மாலை 7 - 8.00 மணி

பெரியபுராண தொடர் வழங்குபவர்: திரு. கோ.லெட்சுமிநாராயணன் அவர்கள். நேரம் : மாலை 6.30 மணி ஏற்பாடு - அயன்புரம் ஆன்மிக சேவா சங்கம், சென்னை செல் - 9444352545

திருமுறை இசை பயிற்சி வழங்குபவர்: திரு. C.R. எத்திராஜன் ஓதுவார் அவர்கள். நேரம் : மாலை 6.30 மணி

திருமந்திரம் வழங்குபவர்: மயிலம் திரு. சிவ. சுப்பிரமணியன் அவர்கள். நேரம் : மாலை 6.30 மணி செல் : 9677263122

பெரியபுராணதொடர் வழங்குபவர்: திரு.S. தாண்டவமூர்த்தி அவர்கள். நேரம் : காலை 9 - 6.00 மணி

கூட்டு வழிபாடு நேரம் : மாலை 6.30 மணி

சிவமயம்

திருச்சிற்றம்பலம்

சிவநேய செல்வர்களே! வரும் 02-10-18 செவ்வாய்க்கிழமையன்று திருவாசக பெருவிழா -  ஓதலும் உரைத்தலும் நிகழ திருவருள் கூட்டியுள்ளது. அனைவரும் வருக; அருள்நலம் பெறுக.

தொடர்பு - 9003213244.

திருச்சிற்றம்பலம்.

தாமிரபரணி புஷ்கரம் திருநெல்வேலி மாவட்டம் - 11-10-2018 முதல் 22-10-2018 முடிய.

தாமிரபரணியில் மகாபுஷ்கரத் திருவிழா

திருக்கணித பஞ்சாங்கப்படி விருச்சிக ராசியில் 11-10-2018 (வியாழன்) அன்று இரவு 7.20 மணிக்கு குருபகவான் பிரவேசிக்கிறார். மறுநாள் 12-10-2018 (வெள்ளி) அன்று தாமிரபரணி (ஆத்ய) புஷ்கரம் ஆரம்பமாகிறது.

‘புஷ்கரம்’ என்பது 12 ஆண்டுகளுக்கு ஒருமுறை புனித நதிகளில் நடைபெறும் கும்பமேளா. ‘மகாபுஷ்கரம்’ என்பது 144 (12வூ12) ஆண்டுகளுக்கு ஒருமுறை நடைபெறும் கும்பமேளா. பிரம்மாவின் கையில் உள்ள தீர்த்தம் புஷ்கரம் எனப்படும். குருபகவான் கடும் தவமிருந்து பிரம்மாவிடமிருந்து இதைப் பெற்றார். 

நம் நாட்டில் உள்ள முக்கியமான 12 நதிகள் 12 ராசிகளுக்குரியவைகளாகச் சொல்லப்பட்டுள்ளன. அதன் விவரம் வருமாறு:-

ராசி    நதி

மேஷம்    - கங்கை

ரிஷபம்    - நர்மதை

மிதுனம்    - சரஸ்வதி

கடகம்    - யமுனை

சிம்மம்    - கோதாவரி

கன்னி    - கிருஷ்ணா

துலாம்    - காவிரி

விருச்சிகம்    - தாமிரபரணி

தனுசு    - சிந்து

மகரம்    - துங்கபத்ரா

கும்பம்    - பிரம்மநதி

மீனம்    - பிரணீதா

குருபகவான் எந்த ராசியில் சஞ்சரிக்கிறாரோ, அந்த ராசிக்குரிய நதியில் பிரம்ம புஷ்கரம் தங்கியிருக்கும்.அப்போது, பிரம்மா, விஷ்ணு, சிவன் தமது தேவியருடன் அந்த நதியில் தங்கியிருப்பர். இந்திரன் முதலான முப்பத்து முக்கோடி தேவர்கள் மற்றும் நதி தேவதைகளும் அந்த நதியில் தங்கியிருப்பர். 

நதிகளெல்லாம் தெய்வீகம் வாய்க்கப் பெற்றவைகள் என்று கருதுவது நம் நாட்டு ஐதீகம் ஆகும். இயற்கையாக அமைந்த நீர் நிலைகளில் தெய்வத் தன்மை உண்டு. அதில் மகிமை காண்பவர் அதனுள்ளே கடவுள் உறைந்திருப்பதை உணர்கின்றனர். தென் தமிழக நதிகளில் தெய்வ சொரூபமாக விளங்குவது தாமிரபரணி. 

ஈசனால் உருவாக்கப்பட்ட தாமிரபரணி

சிவபெருமான் அகத்தியரை ‘‘தென் நாடு செல்க’’ எனக் கட்டளையிட்ட போது அகத்தியர், ‘‘அது தமிழ்நாடு. தமிழ் பாஷை தனக்குத் தெரியாது. ஆதலின், அதை தமக்கு உணர்த்துக’’ என சிவபெருமானிடம் கேட்டார். உடனே, தம் அருகே அவரை அமரவைத்து, தமிழைக் கற்றுக் கொடுத்தார் ஈசன். (தமிழ் மொழி அகத்தியர் காலத்துக்கு முன்னரே இருந்தது என்பது இதனால் தெள்ளத் தெளிவாய் தெரிய வருகிறது). 

ஈசனிடம் தமிழைக் கற்றுக் கொண்டு பொதிகை மலையில் வந்து அமர்ந்தார் அகத்தியர். அவர் முன் சூரிய பகவான் தோன்றி, தமிழ் இலக்கணங்களை அவருக்குக் கற்றுக் கொடுத்தார். பின்னர், முதல் தமிழ்ச் சங்கத்தின் முதல்வராயிருந்து தமிழை வளர்த்தார் அகத்தியர். அகத்தியர் ஸ்நானம் செய்யும் பொருட்டு, சிவபெருமான் பொதிகை மலையில் ஒரு நதியை உருவாக்கி, அதை அவருக்கே தானமாகக் கொடுத்தார். 

தாம்பிர வர்ணத்தில் இருந்ததால் அந்நதிக்கு ‘‘தாம்பிர வர்ணி’’ என்று முதலில் பெயர் சூட்டப்பட்டது. காலப் போக்கில் அது தாமிரபரணி என்றாயிற்று. 

143 படித்துறைகள்

அகத்தியருக்காக ஈசனால் உருவாக் கப்பட்டு, வற்றாத ஜீவ நதியாய் ஓடிக் கொண்டிருக்கும் இந்நதிக் கரையில் ஏராளமான திருக்கோவில்கள் உள்ளன.  பாபநாசம் முதல் புன்னைக்காயல் (முகத்துவாரம்) வரை இந்நதிக்கரையில் மொத்தம் 143 படித்துறைகள் அமைந்துள்ளன.  இப்புனித நதிக்கரையில் அமைந்துள்ள நெல்லை குறுக்குத்துறை படித்துறையில் 12-10-2018 அன்று மகாபுஷ்கரத்திருவிழா இந்து மடாதிபதிகளால் தொடங்கி வைக்கப்பட இருக்கிறது. 

விருச்சிக ராசியில் குருப்பெயர்ச்சி

திருக்கணித பஞ்சாங்கப்படி விருச்சிக ராசியில் 11-10-2018 (வியாழன்) அன்று இரவு 7.20 மணிக்கு குருபகவான் பிரவேசிக்கிறார். மறுநாள் 12-10-2018 (வெள்ளி) அன்று தாமிரபரணி (ஆத்ய) புஷ்கரம் ஆரம்பம். 

23-10-2018 (செவ்வாய்) அன்று புஷ்கரம் பூர்த்தியாகும். மொத்தம் 12 நாட்கள் இந்த விழா நடக்க இருக்கிறது. 

இந்த 12 நாட்களும் 12 ராசிகளைக் குறிப்பதாகும். அதன் விபரம் வருமாறு:- 

தேதி    (கிழமை)    ராசி

1. 12.10.2018 (வெள்ளி)    விருச்சிகம்

2. 13.10.2018 (சனி)    தனுசு

3. 14.10.2018 (ஞாயிறு)    மகரம்

4. 15.10.2018 (திங்கள்)    கும்பம்

5. 16.10.2018 (செவ்வாய்)    மீனம்

6. 17.10.2018 (புதன்)    மேஷம்

7. 18.10.2018 (வியாழன்)    ரிஷபம்

8. 19.10.2018 (வெள்ளி)    மிதுனம்

9. 20.10.2018 (சனி)    கடகம்

10. 21.10.2018 (ஞாயிறு)    சிம்மம்

11. 22.10.2018 (திங்கள்)    கன்னி

12. 23.10.2018 (செவ்வாய்)    துலாம்

ஒவ்வொருவரும் தமது ஜென்ம ராசிக்குரிய தேதி, கிழமையில் நீராடுவதால் முழுப்பலன் கிட்டும். குடும்பத்தலைவரோடு தொலை தூரத்திலிருந்து நீராட வருகின்றவர்கள் குடும்பத் தலைவரின் (தந்தையின்) ஜென்ம ராசி எதுவோ அந்த ராசிக்குரிய நாள், கிழமையில் நீராடினாலே போதும். அது குடும்பம் முழுவதும் பிரகாசத்தைக் கொண்டு வரும். 12 நாட்களிலும் தொடர்ந்து நீராடுவது இந்தியாவில் உள்ள அனைத்து புனித நதிகளிலும் நீராடுவதற்குச் சமம். 

தானம் கொடுத்தல்

இந்த 12 நாட்களிலும் தாமிரபரணிக் கரையில் தானம் செய்வது சிறப்பு. தானங்களுள் ‘கோ தானம்’ பரம தர்மம் எனப்படும். நல்ல பசுவைத் தானம் செய்வதால் மோட்ச சித்தி உண்டாகும் என்று புராணங்கள் கூறுகின்றன. 

சிரார்த்தம் (திதி) கொடுத்தல்

இந்த 12 நாட்களிலும் தாமிரபரணி நதிக்கரையில் நம்முன்னோர்களுக்கு சிரார்த்தம் (திதி) கொடுப்பதும் சிறந்ததாகும். இதனால் பித்ருதோஷம் விலகி, உங்கள் வாழ்வு பொலிவும் வலிவும் பெறும். பாபநாசம் முதல் புன்னைக் காயல் வரை உள்ள எந்த படித்துறையிலும் புனித நீராடலாம். தானம் செய்யலாம். சிரார்த்தம் கொடுக்கலாம். 

நீராடல் விதிகள்

1. நீராடப் போகிறவர்கள் செருப்பு போட்டுக் கொண்டும், குடை பிடித்துக் கொண்டும் செல்லக் கூடாது. 

2. நதிக்கரையில் உள்ள மண்ணை எடுத்துத் தன் உடம்பில் பூசிக் கொண்டு, நதியை வணங்கி அதனுள் இறங்க வேண்டும். 

3. சிகப்பு, கருப்பு, நீலநிற வஸ்திரம், தலைப்பு இல்லாத வஸ்திரம், ஓரத்தில் நீலக்கரை, கருப்பு கரை போட்ட வஸ்திரம் இவைகளை உடுத்திக் கொள்ளக் கூடாது. 

4. புனித குளங்களில் நீராடும் போது சூரியபகவானுக்கு எதிர் முகமாக நின்று நீராட வேண்டும் என்பது விதி. ஆனால், புனித நதிகளில் நீராடும் போது, நதியின் பிரவாகத்திற்கு (ஓட்டத்திற்கு) எதிர் முகமாக நின்றே நீராட வேண்டும். முதுகைக் காட்டக் கூடாது. 

5. நதியில் உள்ளம்குளிர குடைந்து மூன்று முறை மூழ்கி எழ வேண்டும். ஒவ்வொரு முறையும் ‘‘நமசிவாய’’ என்று சொல்ல வேண்டும். 

6. ஆண்கள் அரைஞாண்கயிறு இல்லாமல் நீராடுதல் கூடாது. அரைஞாண் கயிற்றில் வேஷ்டியை கட்டிக் கொண்டும் நீராடக் கூடாது. இது வேஷ்டி இல்லாததற்குச் சமம். 

7. பெண்கள் தலைமுடியை முன்புறம் போட்டுக் கொண்டு நீராட வேண்டும். பின்புறம் போடக் கூடாது. 

8. நீராடும் போது எச்சிலைக் காறி உமிழ் வதும், சிறுநீர் கழிப்பதும் பாபச் செயலாகும். 

9. நதியினுள் ஈரத்துணிகளைப் பிழியக் கூடாது. கரைக்கு வந்தே பிழிய வேண்டும். 

10. நீரிலிருந்து வெளியே வந்து தலைமயிர்களை உதறக் கூடாது. 

11. நீராடி முடித்தவுடன், காய்ந்த வஸ்திரத்தை மேலே சுற்றிக் கொண்டு, ஈர வஸ்திரத்தைக் கீழாக விட வேண்டும். மேலாக எடுத்துப் போடக் கூடாது. 

12. விபூதி தரித்துக் கொண்டு நதியை மீண்டும் ஒருமுறை வணங்கி முடிக்க வேண்டும். 

சூரிய உதயத்திற்கு முன்பு நான்கு நாழிகைகள் (96 நிமிடங்கள்) அருணோதய காலமாகும். இந்த 96 நிமிட காலத்தில் நீராடுவது மிக மிகப் புண்ணியமாம். 

திருமண மாகாத ஆண், பெண்கள் அதிகாலை வேளையில் நீராடினால் மட்டுமே நற்பலன் கிட்டும். திருமணமானவர்கள் அதிகாலை, மதியம் ஆகிய இரண்டு வேளைகளிலும் நீராடலாம். சந்நியாசிகள் அதிகாலை, மதியம், சூரிய அஸ்தமனம் ஆகிய மூன்று வேளைகளிலும் நீராடலாம். 

தாமிரபரணியில் புனித நீராடினால் புத்திரப்பேறு கிட்டுவது நிச்சயம். குருதிசை, குருபுத்தி நடப்பில் உள்ளவர்கள் மற்றும் குரு தோஷத்தால் பாதிக்கப்பட்டு, முன்னேற இயலாத நிலையில் இருப்பவர்கள், இங்கே வந்து நீராடினால் மல்லிகை, முல்லை போல மணக்கும் வாழ்வு. புஷ்கர நீராடலால் புது வாழ்வு புஷ்பிக்கும். அதற்கு இப்போதே ஆயத்தமாவீர்!

திருச்சிற்றம்பலம்.