dvAdasha jyotirliNga stotram

Please send your corrections

saurAShTradeshe vishade.atiramye jyotirmayaM chandrakalAvataMsam |
bhaktipradAnAya kR^ipAvatIrNaM taM somanAthaM sharaNaM prapadye ||

shrIshailashR^i~Nge vibudhAtisa~Nge tulAdritu~Nge.api mudA vasantam |
tamarjunaM mallikapUrvamekaM namAmi saMsArasamudrasetum ||

avantikAyAM vihitAvatAraM muktipradAnAya cha sajjanAnAm |
akAlamR^ityoH pariraxaNArthaM vande mahAkAlamahAsuresham ||

kAverikAnarmadayoH pavitre samAgame sajjanatAraNAya |
sadaiva mAndhAtR^ipure vasantamo~NkAramIshaM shivamekamIDe ||

pUrvottare prajvalikAnidhAne sadA vasantaM girijAsametam |
surAsurArAdhitapAdapadmaM shrIvaidyanAthaM tamahaM namAmi ||

yAmye sada~Nge nagare.atiramye vibhUShitA~NgaM vividhaishcha bhogaiH |
sadbhaktimuktipradamIshamekaM shrInAganAthaM sharaNaM prapadye ||

mahAdripArshve cha taTe ramantaM sampUjyamAnaM satataM munIndraiH |
surAsurairyaxa mahoragADhyaiH kedAramIshaM shivamekamIDe ||

sahyAdrishIrShe vimale vasantaM godAvaritIrapavitradeshe |
yaddharshanAtpAtakamAshu nAshaM prayAti taM tryambakamIshamIDe ||

sutAmraparNIjalarAshiyoge nibadhya setuM vishikhairasa.nkhyaiH |
shrIrAmachandreNa samarpitaM taM rAmeshvarAkhyaM niyataM namAmi ||

yaM DAkinishAkinikAsamAje niShevyamANaM pishitAshanaishcha |
sadaiva bhImAdipadaprasiddaM taM sha~NkaraM bhaktahitaM namAmi ||

sAnandamAnandavane vasanta mAnandakandaM hatapApavR^indam |
vArANasInAthamanAthanAthaM shrIvishvanAthaM sharaNaM prapadye ||

ilApure ramyavishAlake.asmin samullasantaM cha jagadvareNyam |
vande mahodAratarasvabhAvaM ghR^iShNeshvarAkhyaM sharaNam prapadye ||

jyotirmayadvAdashali~NgakAnAM shivAtmanAM proktamidaM krameNa |
stotraM paThitvA manujo.atibhaktyA phalaM tadAlokya nijaM bhajechcha ||

  || iti dvAdasa jyotirli~NgastotraM saMpUrNam ||
Back to Shaivam Home Page