Various hymns on Lord shrI daxiNAmUrti

Please send your corrections


maunavyAkhyAprakaTitaparabrahmatattvaM yuvAnaM
	varShiShTAnte vasadR^iShigaNairAvR^itaM brahmaniShThaiH |
AchAryendraM karakalitachinmudramAnandarUpaM
	svAtmArAmaM muditavadanaM daxiNAmUrtimIDe ||

vaTaviTapisamIpe bhUmibhAge niShaNNaM
	sakalamunijanAnAM GYAnadAtAramArAt |
tribhuvanagurumIshaM daxiNAmUrtidevaM
	jananamaraNaduHkhachchhedadaxaM namAmi ||

chitraM vaTatarormUle vR^iddAH shiShyA gururyuvA |
gurostu maunaM vyAkhyAnaM shiShyAstu chhinnasaMshayAH ||

nidhaye sarvavidyAnAM bhiShaje bhavarogiNAm |
gurave sarvalokAnAM daxiNAmUrtaye namaH ||

OM namaH praNavArthAya shuddaGYAnaikamUrtaye |
nirmalAya prashAntAya daxiNAmUrtaye namaH  ||

dakshiNAmUrti gAyatri
OM tatpuruShAya vidmahe vidyA vAsAya dhImahi |
tanno dakshiNAmUrtiH pracodayAt ||

Back to Shaivam Home Page