logo

|

Home >

Scripture >

scripture >

Telugu

అసితకృతం శివస్తోత్రమ్ - Asitakrutam Shivastotram

Asitakrutam Shivastotram


శివాయ నమః || 

అసిత కృతం శివ స్తోత్రమ్

అసిత ఉవాచ || 

జగద్గురో నమ్స్తుభ్యం శివాయ శివదాయ చ | 
యోగీన్ద్రాణాం చ యోగీన్ద్ర గురూణాం గురవే నమః ||౧|| 

మృత్యోర్మృత్యుస్వరూపేణ మృత్యుసంసారఖణ్డన | 
మృత్యోరీశ మృత్యుబీజ మృత్యుఞ్జయ నమోఽస్తు  తే ||౨||

కాలరూపం కలయతాం కాలకాలేశ కారణ | 
కాలాదతీత కాలస్థ కాలకాల నమోఽస్తు తే ||౩|| 

గుణాతీత గుణాధార గుణబీజ గుణాత్మక | 
గుణీశ గుణినాం బీజ గుణినాం గురవే నమః ||౪|| 

బ్రహ్మస్వరూప బ్రహ్మజ్ఞ బ్రహ్మభావే చ తత్పర | 
బ్రహ్మబీజ స్వరూపేణ బ్రహ్మబీజ నమోఽస్తు తే ||౫||

ఇతి స్తుత్వా శివం నత్వా పురస్తస్థౌ మునీశ్వరః | 
దీనవత్సాశ్రునేత్రశ్చ పుళకాఞ్చితవిగ్రహః ||౬|| 

అసితేన కృతం స్తోత్రం భక్తియుక్తశ్చ యః పఠేత్ | 
వర్షమేకం హవిష్యాశీ శఙ్కరస్య మహాత్మనః ||౭|| 

స లభేద్వైష్ణవం పుత్రం జ్ఞానినం చిరజీవినమ్ | 
దరిద్రో భవేద్ధనాఢ్యో మూకో భవతి పణ్డితః ||౮|| 

అభార్యో లభతే భార్యాం సుశీలాం చ పతివ్రతామ్ | 
ఇహ లోకే సుఖం భుక్త్వా యాత్యన్తే శివసన్నిధిమ్ ||౯|| 

ఇదం స్తోత్రం పురా దత్తం బ్రహ్మణా చ ప్రచేతసే | 
ప్రచేతసా స్వపుత్రాయాసితాయ దత్తముత్తమమ్ ||౧౦|| 

ఇతి శ్రీబ్రహ్మవైవర్తే మహాపురాణే శ్రీకృష్ణజన్మఖణ్డే 
అసితకృతం శివస్తోత్రం సంపూర్ణమ్ || 

Related Content

आर्तिहर स्तोत्रम - Artihara stotram

दक्षिणामूर्ति वर्णमालास्तोत्रम - DhakshiNamurthi varnamala

शिव प्रातः स्मरण स्तोत्रम - shiva praataH smaraNa stotram

श्री शिवापराधक्षमापण स्तोत्रम - Shivaaparaadhakshamaapana

ਪ੍ਰਦੋਸ਼ ਸ੍ਤੋਤ੍ਰਮ - Pradoshastotram