logo

|

Home >

Scripture >

scripture >

Telugu

శ్రీకాలాన్తకాష్టకమ్ - Shrikalantaka Ashtakam

Shrikalantaka Ashtakam


శివాయ నమః || 

శ్రీకాలాన్తక అష్టకమ్

కమలాపతిముఖసురవరపూజిత కాకోలభాసితగ్రీవ | 
కాకోదరపతిభూషణ కాలాన్తక పాహి పార్వతీనాథ ||౧|| 

కమలాభిమానవారణదక్షాఙ్ఘ్రే విమలశేముషీదాయిన్ | 
నతకామితఫలదాయక కాలాన్తక పాహి పార్వతీనాథ ||౨|| 

కరుణాసాగర శంభో శరణాగతలోకరక్షణధురీణ | 
కారణ సమస్తజగతాం కాలాన్తక పాహి పార్వతీనాథ ||౩|| 

ప్రణతార్తిహరణదక్ష ప్రణవప్రతిపాద్య పర్వతావాస | 
ప్రణమామి తవ పదాబ్జే కాలాన్తక పాహి పార్వతీనాథ  ||౪|| 

మన్దారనతజనానాం వృన్దారకవృన్దగేయసుచరిత్ర | 
మునిపుత్రమృత్యుహారిన్ కాలాన్తక పాహి పార్వతీనాథ ||౫|| 

మారారణ్యదవానల మాయావారీన్ద్రకుంభసఞ్జాత | 
మాతఙ్గచర్మవాసః కాలాన్తక పాహి పార్వతీనాథ ||౬|| 

మోహాన్ధకారభానో మోదితగిరిజామనఃసరోజాత | 
మోక్షప్రద ప్రణమతాం కాలాన్తక పాహి పార్వతీనాథ ||౭|| 

విద్యానాయక మహ్యం విద్యాం దత్త్వా నివార్య చావిద్యామ్ |
విద్యాధరాదిసేవిత కాలాన్తక పాహి పార్వతీనాథ ||౮||

కాలాన్తకాష్టకమిదం పఠతి జనో యః కృతాదరో లోకే
కాలాన్తకప్రసాదాత్కాలకృతా భీర్న సంభవేత్తస్య ||౯|| 

ఇతి కాలాన్తకాష్టకం సంపూర్ణమ్ ||

Related Content

आर्तिहर स्तोत्रम - Artihara stotram

दक्षिणामूर्ति वर्णमालास्तोत्रम - DhakshiNamurthi varnamala

शिव प्रातः स्मरण स्तोत्रम - shiva praataH smaraNa stotram

श्री शिवापराधक्षमापण स्तोत्रम - Shivaaparaadhakshamaapana

ਪ੍ਰਦੋਸ਼ ਸ੍ਤੋਤ੍ਰਮ - Pradoshastotram