कष्टारिवर्गदलनं शिष्टालिसमर्चिताङ्घ्रिपाथोजम् ।
नष्टाविद्यैर्गम्यं पुष्टात्माराधकालिमाकलये ॥१॥
प्राणायामैर्ध्यानैर्नष्टञ्चित्तं विधाय मुनिवर्याः ।
यत्पश्यन्ति हृदब्जे शान्ताभाग्यं नमामि तत्कञ्चित् ॥२॥
वेदोत्तमाङ्गगेयं नादोपास्त्यादिसाधनात्माख्यम् ।
खेदोन्मूलनदक्षं भेदोपाध्यादिवर्जितं नौमि ॥३॥
शान्तामानसहंसं कान्तारासक्तमुनिवरैः सेव्यम् ।
शान्ताहङ्कृतिवेद्यं कान्तार्धं नौमि शृङ्गशिवम् ॥४॥
इति श्रीमदृष्यशृङ्गेश्वरस्तुतिः संपूर्णा ॥