logo

|

Home >

Scripture >

scripture >

Malayalam

ശ്രീമദപ്പയ്യ ദീക്ഷിത വിരചിതമ് നിഗ്രഹാഷ്ടകമ് - shrimadappayya dikshita virachitam nigrahashtakam

ശ്രീമദപ്പയ്യ ദീക്ഷിത വിരചിതമ്
നിഗ്രഹാഷ്ടകമ്

This Page is courtesy of Sanskrit Documents List. Please send your corrections

ശ്രീമദപ്പയ്യ ദീക്ഷിത വിരചിതമ്

നിഗ്രഹാഷ്ടകമ്

മാര്ഗേ സഹായമ് ഭഗവന്തമേവ 
വിശ്വസ്യ വിശ്വാദിക നിര്ഗതോഽസ്മി |
ശാസ്ത്രമ് പ്രമാണമ് യദി സാ വിപസ്യാത് 
തസ്യൈവ മന്ദോ മയി യാം ചികീര്ഷേത് || ൧ ||

കാന്താരേ പ്രാന്താരേ വാ മദകുശലകൃതം സാന്തരം സാന്തരങ്ഗം
മഹ്യം ദ്രുഹ്യന്തമന്തം ഗമയതു ഭഗവാനന്തകസ്യാന്തകാരി |
ക്ഷിപ്രമ് വിപ്രാധമസ്യ ക്ഷിപതു ച തദുരസ്യേവ മായാവിവര്താ
നാര്താന് ബന്ധൂനബന്ധൂനിവ മമ ശിശിരാഭ്യന്തരാന് സന്തനോതു || ൨ ||

സഹസ്രം വര്തന്താം പഥി പഥി പരേ സാഹസകൃതഃ
പ്രവര്തന്താം ബാധാം മയി വിവിധമപ്യാരചയിതുമ് |
ന ലക്ഷ്യീകുര്വേഽഹം നലിനജലിപിപ്രാപ്തമപി ത-
ന്മമ സ്വാമീ ചാമികരശിഖരിചാപോഽസ്തി പുരതഃ || ൩ ||

സംകലയ സ്യാണുശാസ്ത്രപ്രചരണവിഹതിഃ സ്വേന കാര്യാ ഭുവീതി
ശ്മശ്രൂണി സ്വൈരമശ്രൂണ്യപി ദൃശി മഹതാം സ്പര്ധയാ വര്ധയന്തഃ |
ക്ഷുദ്രം വിദ്രാവയേയുര്ഝടിതി വൃഷപതിക്രോധനിശ്വാസലേശാഃ
ശാസ്ത്രം ശൈലാദിഭൃത്യാസ്തനുയുരഖിലഭൂമണ്ഡലവ്യാപ്തമേതത് || ൪ ||

ക്വചിദവയവേ കാംശ്ചിദ്ദഗ്ധും ബലാദനുചിന്തയന് 
നിരസനമിതോ ദേശാത് കര്തും മഹേശ്വരമാശ്രിതാന് |
പ്രമഥപരിഷദ്രോഷൈര്ദഗ്ധാഖിലാവയവഃ സ്വയമ്
നിരസനമിതോ ലോകാദേവ ക്ഷണേന സമശ്നുതാമ് || ൫ ||

കാലപ്രതീക്ഷ നഹി തസ്യ കാര്യാ 
പുലസ്ത്യപുത്രാദിവദന്തകാരേ |
ത്വദാശ്രിതദ്രോഹകൃതോദ്യമാനാം
സദ്യഃ പതേദേവ ഹി മൂര്ന്ധി ദണ്ഡഃ || ൬ ||

കണ്ഠേ രുദ്രാക്ഷമാലാം ഭസിതമതിസിതം ഫാലദേശേ ച പശ്യന് 
നശ്യന്യേവ ക്രുധാ യഃ തദപഹൃതിമതിം സത്സു കുര്വീത ഗുര്വീമ് |
തത്ഫാലാത്തൂര്ണമായുര്ലിഖിതമസുഗണം ചാപി തത്കണ്ഠദേശാത്
ക്രുദ്ധാസ്തേ ഹ്യുദ്ധരേയുര്നിജപദകമലാങ്ഗുഷ്ഠലീലാവിലാസാത് || ൭ ||

സകലഭുവനകര്താഃ സാമ്ബമൂര്തിഃ ശിശവശ്ചേത്
സകലമപി പുരാണം സാഗമം ചേത്പ്രമാണമ് |
യദിഭവനി മഹത്വം ഭസ്മരുദ്രാക്ഷഭാജാം
കിമിതി ന മൃതിരസ്മദ്ദ്രോഹിണസ്സ്യാദകാണ്ഡേ || ൮ ||

Related Content

ശ്രീമദപ്പയ്യ ദീക്ഷിത വിരചിതാ ആത്മാര്പ്പനസ്തുതിഃ - shrimada

ਪੰਚਰਤ੍ਨਸ੍ਤੁਤਿ: - Paramashiva pancharatnastuti

Appaya Dikshita By J. M. Nallasami Pillai, B.A., B.L.

Appaya Dikshita's Siddhanta-Lesa-Sangraha.

Atmarpana Stuti