logo

|

Home >

Scripture >

scripture >

Malayalam

ശിവകവചസ്തൊത്രം - Shivakavacha Stotram

Shivakavacha Stotram


ശ്രീ ശിവായ നമഃ ॥

അസ്യ ശ്രീ ശിവകവചസ്തൊത്രമന്ത്രസ്യ

ബ്രഹ്മാ ഋഷിഃ,
അനുഷ്ടുപ് ഛന്ദഃ,
ശ്രീസദാശിവരുദ്രൊ ദെവതാ,
ഹ്രീം ശക്തിഃ,
രം കീലകം,
ശ്രീം ഹ്രീം ക്ലീം ബീജം,
ശ്രീസദാശിവപ്രീത്യർഥെ ശിവകവചസ്തൊത്രജപെ വിനിയൊഗഃ ।

അഥ ന്യാസഃ ।

ഒം നമൊ ഭഗവതെ ജ്വലജ്ജ്വാലാമാലിനെ ഒം ഹ്രാം സർവശക്തിധാമ്നെ ഈശാനാത്മനെ അംഗുഷ്ഠാഭ്യാം നമഃ ।
ഒം നമൊ ഭഗവതെ ജ്വലജ്ജ്വാലാമാലിനെ ഒം നം രിം നിത്യതൃപ്തിധാമ്നെ തത്പുരുഷാത്മനെ തർജനീഭ്യാം നമഃ ।
ഒം നമൊ ഭഗവതെ ജ്വലജ്ജ്വാലാമാലിനെ ഒം മം രും അനാദിശക്തിധാമ്നെ അഘൊരാത്മനെ മധ്യമാഭ്യാം നമഃ ।
ഒം നമൊ ഭഗവതെ ജ്വലജ്ജ്വാലാമാലിനെ ഒം ശിം രൈം സ്വതന്ത്രശക്തിധാമ്നെ വാമദെവാത്മനെ അനാമികാഭ്യാം നമഃ ।
ഒം നമൊ ഭഗവതെ ജ്വലജ്ജ്വാലാമാലിനെ ഒം വാം രൗം അലുപ്തശക്തിധാമ്നെ സദ്യൊജാതാത്മനെ കനിഷ്ഠികാഭ്യാം നമഃ ।
ഒം നമൊ ഭഗവതെ ജ്വലജ്ജ്വാലാമാലിനെ ഒം യം രഃ അനാദി ശക്തിധാമ്നെ സർവാത്മനെ കരതലകരപൃഷ്ഠാഭ്യാം നമഃ ।

ഹൃദയാദി ന്യാസഃ ।

ഒം നമൊ ഭഗവതെ ജ്വലജ്ജ്വാലാമാലിനെ ഒം ഹ്രാം സർവശക്തിധാമ്നെ ഈശാനാത്മനെ ഹൃദയായ നമഃ  ।
ഒം നമൊ ഭഗവതെ ജ്വലജ്ജ്വാലാമാലിനെ ഒം നം രിം നിത്യതൃപ്തിധാമ്നെ തത്പുരുഷാത്മനെ ശിരസേ സ്വാഹാ ।
ഒം നമൊ ഭഗവതെ ജ്വലജ്ജ്വാലാമാലിനെ ഒം മം രും അനാദിശക്തിധാമ്നെ അഘൊരാത്മനെ ശികായൈ വഷട് ।
ഒം നമൊ ഭഗവതെ ജ്വലജ്ജ്വാലാമാലിനെ ഒം ശിം രൈം സ്വതന്ത്രശക്തിധാമ്നെ വാമദെവാത്മനെ കവചായ ഹും ।
ഒം നമൊ ഭഗവതെ ജ്വലജ്ജ്വാലാമാലിനെ ഒം വാം രൗം അലുപ്തശക്തിധാമ്നെ സദ്യൊജാതാത്മനെ നേത്രത്രയായ വൗഷട് ।
ഒം നമൊ ഭഗവതെ ജ്വലജ്ജ്വാലാമാലിനെ ഒം യം രഃ അനാദി ശക്തിധാമ്നെ സർവാത്മനെ അസ്ത്രായ ഫട് ॥

അഥ ധ്യാനം ॥

വജ്രദംഷ്ട്രം ത്രിനയനം കാലകണ്ഠമരിന്ദമം ।
സഹസ്രകരമത്യുഗ്രം വന്ദെ ശംഭുമുമാപതിം ॥1॥

അഥാപരം സർവപുരാണഗുഹ്യം നിഃശെഷപാപൗഘഹരം പവിത്രം ।
ജയപ്രദം സർവവിപത്പ്രമൊചനം വക്ഷ്യാമി ശൈവം കവചം ഹിതായ തെ ॥2॥

ഋഷഭ ഉവാച ॥

നമസ്കൃത്വാ മഹാദെവം വിശ്വവ്യാപിനമീശ്വരം ।
വക്ഷ്യെ ശിവമയം വർമ സർവരക്ഷാകരം നൃണാം ॥3॥

ശുചൗ ദെശെ സമാസീനൊ യഥാവത്കല്പിതാസനഃ ।
ജിതെന്ദ്രിയൊ ജിതപ്രാണഃ ചിന്തയെച്ഛിവമവ്യയം ॥4॥

ഹൃത്പുണ്ഡരീകാന്തരസന്നിവിഷ്ടം സ്വതെജസാ വ്യാപ്തനഭോഽവകാശം ।
അതീന്ദ്രിയം സൂക്ഷ്മമനന്തമാദ്യം ധ്യായെത്പരാനന്ദമയം മഹെശം ॥5॥

ധ്യാനാവധൂതാഖിലകർമബന്ധശ്ചിരം ചിദാനന്ദനിമഗ്നചെതാഃ ।
ഷഡക്ഷരന്യാസസമാഹിതാത്മാ ശൈവെന കുര്യാത്കവചെന രക്ഷാം ॥6॥

മാം പാതു ദെവൊഽഖിലദെവതാത്മാ സംസാരകൂപെ പതിതം ഗഭീരെ ।
തന്നാമ ദിവ്യം വരമന്ത്രമൂലം ധുനൊതു മെ സർവമഘം ഹൃദിസ്ഥം ॥ 7॥

സർവത്ര മാം രക്ഷതു വിശ്വമൂർതിർജ്യൊതിർമയാനന്ദ ഘനശ്ചിദാത്മാ ।
അണൊരണീയാനുരുശക്തിരെകഃ സ ഈശ്വരഃ പാതു ഭയാദശെഷാത് ॥8॥

യൊ ഭൂസ്വരൂപെണ ബിഭർതി വിശ്വം പായാത്സ ഭൂമെർഗിരിശൊഽഷ്ടമൂർതിഃ ।
യൊഽപാംസ്വരൂപെണ നൃണാം കരൊതി സഞ്ജീവനം സൊഽവതു മാം ജലെഭ്യഃ ॥9॥

കല്പാവസാനെ ഭുവനാനി ദഗ്ധ്വാ സർവാണി യൊ നൃത്യതി ഭൂരിലീലഃ ।
സ കാലരുദ്രൊഽവതു മാം ദവാഗ്നെർവാത്യാദിഭീതെരഖിലാച്ച താപാത് ॥10॥

പ്രദീപ്തവിദ്യുത്കനകാവഭാസൊ വിദ്യാവരാഭീതികുഠാര പാണിഃ ।
ചതുർമുഖസ്തത്പുരുഷസ്ത്രിനെത്രഃ പ്രാച്യാം സ്ഥിതൊ രക്ഷതു മാമജസ്രം ॥11॥

കുഠാരഖെടാങ്കുശപാശശൂലകപാലഢക്കാക്ഷ ഗുണാന്ദധാനഃ ।
ചതുർമുഖൊ നീലരുചിസ്ത്രിനെത്രഃ പായാദഘൊരൊ ദിശി ദക്ഷിണസ്യാം ॥12॥

കുന്ദെന്ദു ശംഖസ്ഫടികാവഭാസൊ വെദാക്ഷമാലാവരദാഭയാംഗഃ ।
ത്ര്യക്ഷശ്ചതുർവക്ത്ര ഉരു പ്രഭാവഃ സദ്യൊഽധിജാതൊഽവതു മാം പ്രതീച്യാം ॥13॥

വരാക്ഷമാലാഽഭയടങ്കഹസ്തഃ സരൊജകിഞ്ജൽകസമാനവർണഃ ।
ത്രിലൊചനശ്ചാരുചതുർമുഖൊ മാം പായാദുദീച്യാം ദിശി വാമദെവഃ ॥14॥

വെദാഭയെഷ്ടാങ്കുശപാശഢങ്ക കപാലഢക്കാക്ഷ്രരശൂലപാണിഃ ।
സിതദ്യുതിഃ പഞ്ചമുഖൊഽവതാന്മാമീശാന ഊർധ്വം പരമപ്രകാശഃ ॥15॥

മൂർധാനമവ്യാന്മമ ചന്ദ്രമൗലിർഭാലം മമാവ്യാദഥ ഭാലനെത്രഃ ।
നെത്രെ മമാവ്യാജ്ജഗനെത്രഹാരീ നാസാം സദാ രക്ഷതു വിശ്വനാഥഃ ॥16॥

പായാച്ഛ്രുതീ മെ ശ്രുതിഗീതകീർതിഃ കപൊലമവ്യാത്സതതം കപാലീ ।
വക്ത്രം സദാ രക്ഷതു പഞ്ചവക്ത്രൊ ജിഹ്വാം സദാ രക്ഷതു വെദജിഹ്വഃ ॥17॥

കണ്ഠം ഗിരീശൊഽവതു നീലകണ്ഠഃ പാണിദ്വയം പാതു പിനാകപാണിഃ ।
ദൊർമൂലമവ്യാന്മമ ധർമബാഹുർവക്ഷഃസ്ഥലം ദക്ഷമഖാന്തകൊഽവ്യാത് ॥18॥

മമൊദരം പാതു ഗിരീന്ദ്രധന്വാ മധ്യം മമാവ്യാന്മദനാന്തകാരീ ।
ഹെരംഭതാതൊ മമ പാതു നാഭിം പായാത്കടിം ധൂർജടിരീശ്വരൊ മെ ॥ 19॥

ഊരുദ്വയം പാതു കുബെരമിത്രൊ ജാനുദ്വയം മെ ജഗദീശ്വരൊഽവ്യാത് ।
ജംഘായുഗം പുംഗവകെതുരവ്യാത് പാദൗ മമാവ്യാത് സുരവന്ദ്യപാദഃ ॥20॥

മഹെശ്വരഃ പാതു ദിനാദിയാമെ മാം മധ്യയാമെഽവതു വാമദെവഃ ।
ത്രിലൊചനഃ പാതു തൃതീയയാമെ വൃഷധ്വജഃ പാതു ദിനാന്ത്യയാമെ ॥21॥

പായാന്നിശാദൗ ശശിശെഖരൊ മാം ഗംഗാധരൊ രക്ഷതു മാം നിശീഥെ ।
ഗൗരീപതിഃ പാതു നിശാവസാനെ മൃത്യുഞ്ജയൊ രക്ഷതു സർവകാലം ॥ 22॥

അന്തഃസ്ഥിതം രക്ഷതു ശങ്കരൊ മാം സ്ഥാണുഃ സദാ പാതു ബഹിഃ സ്ഥിതം മാം ।
തദന്തരെ പാതു പതിഃ പശൂനാം സദാശിവൊ രക്ഷതു മാം സമന്താത് ॥23॥

തിഷ്ഠന്തമവ്യാദ്ഭുവനൈകനാഥഃ പായാത്വ്രജന്തം പ്രമഥാധിനാഥഃ ।
വെദാന്ത വെദ്യൊഽവതു മാം നിഷണ്ണം മാമവ്യയഃ പാതു ശിവഃ ശയാനം ॥24॥

മാർഗെഷു മാം രക്ഷതു നീലകണ്ഠഃ ശൈലാദിദുർഗെഷു പുരത്രയാരിഃ ।
അരണ്യവാസാദിമഹാപ്രവാസെ പായാന്മൃഗവ്യാധ ഉദാരശക്തിഃ ॥25॥

കല്പാന്തകാലൊഗ്ര പടുപ്രകൊപസ്ഫുടാട്ടഹാസൊച്ചലിതാണ്ഡകൊശഃ ।
ഘൊരാരിസെനാർണവദുർനിവാര മഹാഭയാദ്രക്ഷതു വീരഭദ്രഃ ॥26॥

പത്യശ്വമാതംഗഘടാവരൂഥസഹസ്ര ലക്ഷായുത കൊടിഭീഷണം ।
അക്ഷൗഹിണീനാം ശതമാതതായിനാം ഛിന്ദ്യാന്മൃഡൊ ഘൊരകുഠാരധാരയാ ॥27॥

നിഹന്തു ദസ്യൂൻപ്രലയാനലാർചിർജ്വലത്ത്രിശൂലം ത്രിപുരാന്തകസ്യ ।
ശാർദൂലസിംഹർക്ഷവൃകാദിഹിംസ്രാൻ സന്ത്രാസയത്വീശധനുഃ പിനാകഃ ॥28॥

ദുഃസ്വപ്ന ദുഃശകുന ദുർഗതി ദൗർമനസ്യ ദുർഭിക്ഷ ദുർവ്യസന ദുഃസഹ ദുര്യശാംസി।
ഉത്പാത താപ വിഷഭീതിമസദ്ഗ്രഹാർതിമ്വ്യാധീംശ്ച നാശയതു മെ ജഗതാമധീശഃ ॥29॥

ഒം നമൊ ഭഗവതെ സദാശിവായ സകലതത്ത്വാത്മകായ സർവമന്ത്രസ്വരൂപായ
സർവയന്ത്രാധിഷ്ഠിതായ സർവതന്ത്രസ്വരൂപായ സർവതത്ത്വവിദൂരായ ബ്രഹ്മരുദ്രാവതാരിണെ
നീലകണ്ഠായ പാർവതീമനൊഹരപ്രിയായ സൊമസൂര്യാഗ്നിലൊചനായ ഭസ്മൊദ്ധൂലിതവിഗ്രഹായ
മഹാമണിമുകുടധാരണായ മാണിക്യഭൂഷണായ സ്രുഷ്ടിസ്ഥിതിപ്രളയകാലരൗദ്രാവതാരായ
ദക്ഷാധ്വരധ്വംസകായ മഹാകാലമെദനായ മൂലാധാരൈകനിലയായ തത്ത്വാതീതായ
ഗംഗാധരായ സർവദെവാധിദെവായ ഷഡാശ്രയായ വെദാന്തസാരായ
ത്രിവർഗസാധനായാനന്തകൊടിബ്രഹ്മാണ്ഡനായകായാനന്ത വാസുകി തക്ഷക കാർകൊടക
ശംഖ കുലിക പദ്മ മഹാപദ്മെത്യഷ്ട മഹാനാഗകുലഭൂഷണായ പ്രണവസ്വരൂപായ
ചിദാകാശായാകാശാദിസ്വരൂപായ ഗ്രഹനക്ഷത്രമാലിനെ സകലായ കളങ്കരഹിതായ
സകലലൊകൈകകർത്രെ സകലലൊകൈകഭർത്രെ സകലലൊകൈക സംഹർത്രെ സകലലൊകൈകഗുരവെ
സകലലൊകൈകസാക്ഷിണെ സകലനിഗമഗുഹ്യായ സകലവെദാന്തപാരഗായ സകലലൊകൈകവരപ്രദായ
സകലലൊകൈകശങ്കരായ ശശാങ്കശെഖരായ ശാശ്വതനിജാവാസായ നിരാഭാസായ
നിരാമയായ നിർമലായ നിർലൊഭായ നിർമദായ നിശ്ചിന്തായ നിരഹങ്കാരായ നിരങ്കുശായ
നിഷ്കളങ്കായ നിർഗുണായ നിഷ്കാമായ നിരുപപ്ലവായ നിരവദ്യായ നിരന്തരായ നിഷ്കാരണായ
നിരാതങ്കായ നിഷ്പ്രപഞ്ചായ നിഃസംഗായ നിർദ്വന്ദ്വായ നിരാധാരായ നീരാഗായ നിഷ്ക്രൊധായ
നിർമലായ നിഷ്പാപായ നിർഭയായ നിർവികല്പായ നിർഭെദായ നിഷ്ക്രിയായ നിസ്തുലായ നിഃസംശയായ
നിരഞ്ജനായ നിരുപമവിഭവായ നിത്യശുദ്ധബുദ്ധപരിപൂർണസച്ചിദാനന്ദാദ്വയായ പരമശാന്തസ്വരൂപായ
തെജൊരൂപായ തെജൊമയായ ജയ ജയ രുദ്ര മഹാരൗദ്ര മഹാഭദ്രാവതാര മഹാഭൈരവ കാലഭൈരവ
കല്പാന്തഭൈരവ കപാലമാലാധര ഖട്വാംഗ ഖഡ്ഗ ചർമ പാശാങ്കുശ ഡമരുക ശൂല ചാപ
ബാണ ഗദാ ശക്തി ഭിണ്ഡിപാല തൊമര മുസല മുദ്ഗര പാശ പരിഘ ഭുശുണ്ഡി ശതഘ്നി ചക്രായുധ
ഭീഷണകര സഹസ്രമുഖ ദംഷ്ട്രാകരാളവദന വികടാട്ടഹാസ വിസ്ഫാരിത ബ്രഹ്മാണ്ഡമണ്ഡല
നാഗെന്ദ്രകുണ്ഡല നാഗെന്ദ്രഹാര നാഗെന്ദ്രവലയ നാഗെന്ദ്രചർമധര മൃത്യുഞ്ജയ ത്ര്യംബക ത്രിപുരാന്തക
വിശ്വരൂപ വിരൂപാക്ഷ വിശ്വെശ്വര വൃഷഭവാഹന വിഷവിഭൂഷണ വിശ്വതൊമുഖ സർവതൊമുഖ രക്ഷ
രക്ഷ മാം ജ്വല ജ്വല മഹാമൃത്യുമപമൃത്യുഭയം നാശയ നാശയ  ചൊരഭയമുത്സാദയൊത്സാദയ
വിഷസർപഭയം ശമയ ശമയ ചൊരാന്മാരയ മാരയ മമ ശത്രൂനുച്ചാടയൊച്ചാടയ ത്രിശൂലെന
വിദാരയ വിദാരയ കുഠാരെണ ഭിന്ധി ഭിന്ധി ഖഡ്ഗെന ഛിന്ധി ഛിന്ധി ഖട്വാംഗെന വിപൊഥയ വിപൊഥയ
സുസലെന നിഷ്പെഷയ നിഷ്പെഷയ ബാണൈഃ സന്താഡയ സന്താഡയ രക്ഷാംസി ഭീഷയ ഭീഷയ
ശെഷഭൂതാനി വിദ്രാവയ വിദ്രാവയ കൂഷ്മാണ്ഡ വെതാള മാരീച ബ്രഹ്മരാക്ഷസഗണാൻ സന്ത്രാസയ
സന്ത്രാസയ മമാഭയം കുരു കുരു വിത്രസ്തം മാമാശ്വാസയാശ്വാസയ നരകമഹാഭയാന്മാമുദ്ധാരയൊദ്ധാരയ
അമൃതകടാക്ഷ വീക്ഷണെന മാം സഞ്ജീവയ സഞ്ജീവയ ക്ഷുതൃഡ്ഭ്യാം മാമാപ്യായയാപ്യായയ ദുഃഖാതുരം
മാമാനന്ദയാനന്ദയ ശിവകവചെന മാമാച്ഛാദയാച്ഛാദയ മൃത്യുഞ്ജയ ത്ര്യംബക സദാശിവ നമസ്തെ നമസ്തെ ।

ഋഷഭ ഉവാച ॥

ഇത്യെതത്കവചം ശൈവം വരദം വ്യാഹൃതം മയാ ।
സർവബാധാ പ്രശമനം രഹസ്യം സർവദെഹിനാം ॥ 30॥

യഃ സദാ ധാരയെന്മർത്യഃ ശൈവം കവചമുത്തമം।
ന തസ്യ ജായതെ ക്വാപി ഭയം ശംഭൊരനുഗ്രഹാത് ॥31॥

ക്ഷീണായുഃ പ്രാപ്തമൄത്യുർവാ മഹാരൊഗഹതൊഽപി വാ ।
സദ്യഃ സുഖമവാപ്നൊതി ദീർഘമായുശ്ച വിന്ദതി ॥ 32॥

സർവദാരിദ്രശമനം സൗമംഗല്യവിവർധനം ।
യൊ ധത്തെ കവചം ശൈവം സ ദെവൈരപി പൂജ്യതെ ॥ 33॥

മഹാപാതകസംഘാതൈർമുച്യതെ ചൊപപാതകൈഃ ।
ദെഹാന്തെ മുക്തിമാപ്നൊതി ശിവവർമാനുഭാവതഃ ॥34॥

ത്വമപി ശ്രദ്ധയാ വത്സ ശൈവം കവചസുത്തമം ।
ധാരയസ്വ മയാ ദത്തം സദ്യഃ ശ്രെയൊ ഹ്യവാപ്സ്യസി ॥ 35॥

സൂത ഉവാച ॥

ഇത്യുക്ത്വാ ഋഷഭൊ യൊഗീ തസ്മൈ പാർഥിവസൂനവെ ।
ദദൗ ശംഖം മഹാരാവം ഖഡ്ഗം ചാരിനിഷൂദനം ॥36॥

പുനശ്ച ഭസ്മ സംമന്ത്ര്യ തദംഗം പരിതൊഽസ്പൃശത് ।
ഗജാനാം ഷട്സഹസ്രസ്യ ത്രിഗുണസ്യ ബലം ദദൗ ॥37॥

ഭസ്മപ്രഭാവാത്സമ്പ്രാപ്ത ബലൈശ്വര്യ ധൃതി സ്മൃതിഃ ।
സ രാജപുത്രഃ ശുശുഭെ ശരദർക ഇവ ശ്രിയാ॥38॥

തമാഹ പ്രാഞ്ജലിം ഭൂയഃ സ യൊഗീ നൃപനന്ദനം ।
ഏഷ ഖഡ്ഗൊ മയാ ദത്തസ്തപൊമന്ത്രാനുഭാവിതഃ ॥39॥

ശിതധാരമിമം ഖഡ്ഗം യസ്മൈ ദർശയസെ സ്ഫുടം ।
സ സദ്യൊ മ്രിയതെ ശത്രുഃ സാക്ഷാന്മൃത്യുരപി സ്വയം ॥40॥

അസ്യ ശംഖസ്യ നിർഹ്രാദം യെ ശൃണ്വന്തി തവാഹിതാഃ ।
തെ മൂർച്ഛിതാഃ പതിഷ്യന്തി ന്യസ്തശസ്ത്രാ വിചെതനാഃ ॥41॥

ഖഡ്ഗശംഖാവിമൗ ദിവ്യൗ പരമന്യൗ വിനാശിനൗ ।
ആത്മസൈന്യ സ്വപക്ഷാണാം ശൗര്യതെജൊവിവർധനൗ ॥42॥

ഏതയൊശ്ച പ്രഭാവെണ ശൈവെന കവചെന ച ।
ദ്വിഷട്സഹസ്രനാഗാനാം ബലെന മഹതാപി ച ॥ 43॥

ഭസ്മ ധാരണസാമർഥ്യാച്ഛത്രുസൈന്യം വിജെഷ്യസി ।
പ്രാപ്ത സിംഹാസനം പിത്ര്യം ഗൊപ്താസി പൃഥിവീമിമാം ॥44॥

ഇതി ഭദ്രായുഷം സമ്യഗനുശാസ്യ സമാതൃകം ।
താഭ്യാം സമ്പൂജിതഃ സൊഽഥ യൊഗീ സ്വൈരഗതിര്യയൗ ॥45॥

ഇതി ശ്രീസ്കന്ദപുരാണെ ബ്രഹ്മൊത്തരഖണ്ഡെ ശിവകവചസ്തൊത്രം സമ്പൂർണം ॥

Related Content

ശ്രീമദപ്പയ്യ ദീക്ഷിത വിരചിതാ ആത്മാര്പ്പനസ്തുതിഃ - shrimada

കല്കി കൃതം ശിവസ്തോത്രമ് - kalki krutam shivastotra

ശ്രീ ശിവ നീരാംജനമ് - shri shiva niranjanam

ശ്രീമദപ്പയ്യ ദീക്ഷിത വിരചിതമ് നിഗ്രഹാഷ്ടകമ് - shrimadappayy

അഥ അമോഘ ശിവകവച - Amogha Shivakavacha