logo

|

Home >

Scripture >

scripture >

Malayalam

അര്ധനാരീ നടേശ്വര സ്തോത്രം - Ardhanari Nateshvara Stotram

Ardhanari Nateshvara Stotram


ശിവായ നമഃ || 

അര്ധനാരീനടേശ്വരസ്തോത്രം |

ചാംപേയഗൗരാര്ധശരീരകായൈ കര്പൂരഗൗരാര്ധശരീരകായ | 
ധമ്മില്ലകായൈ ച ജടാധരായ നമഃ ശിവയൈ ച നമഃ ശിവായ ||൧||

കസ്തൂരികാകുങ്കുമചര്ചിതായൈ ചിതാരജഃപുഞ്ജവിചര്ചിതായ | 
കൠതസ്മരായൈ വികൠതസ്മരായ നമഃ ശിവായൈ ച നമഃ ശിവായ ||൨|| 

ചലത്ക്വണത്കങ്കണനൂപുരായൈ പാദാബ്ജരാജത്ഫണിനൂപുരായ | 
ഹേമാങ്ഗദായൈ ഭുജഗാങ്ഗാദായ നമഃ ശിവായൈ ച നമഃ ശിവായ ||൩|| 

വിശാലനീലോത്പലലോചനായൈ വികാസിപങ്കേരുഹലോചനായ | 
സമേക്ഷണായൈ വിഷമേക്ഷണായ  നമഃ ശിവായൈ ച നമഃ ശിവായ ||൪|| 

മന്ദാരമാലാകലിതാലകായൈ കപാലമാലാങ്കിതകന്ധരായ | 
ദിവ്യാംബരായൈ ച ദിഗംബരായ നമഃ ശിവായൈ ച നമഃ ശിവായ |൫||

അംഭോധരശ്യാമളകുന്തളായൈ തഡിത്പ്രഭാതാമ്രജടാധരായ | 
നിരീശ്വരായൈ നിഖിലേശ്വരായ നമഃ ശിവായൈ ച നമഃ ശിവായ ||൬|| 

പ്രപഞ്ചസൃഷ്ട്യുന്മുഖലാസ്യകായൈ സമസ്തസംഹാരകതാണ്ഡവായ | 
ജഗജ്ജനന്യൈ ജഗദേകപിത്രേ നമഃ ശിവായൈ ച നമഃ ശിവായ ||൭|| 

പ്രദീപ്തരത്നോജ്ജ്വലകുണ്ഡലായൈ സ്ഫുരന്മഹാപന്നഗഭൂഷണായ | 
ശിവാന്വിതായൈ ച ശിവാന്വിതായ നമഃ ശിവായൈ ച നമഃ ശിവായ ||൮|| 

ഏതത്പഠേദഷ്ടകമിഷ്ടദം യോ ഭക്ത്യാ സ മാന്യോ ഭുവി ദീര്ഘജീവീ | 
പ്രാപ്നോതി സൗഭാഗ്യമനന്തകാലം ഭൂയാത്സദാ തസ്യ സമസ്തസിദ്ധിഃ ||൯|| 

ഇതി ശ്രീമത്പരമഹംസപരിവ്രാജകാചാര്യശ്രീഗോവിന്ദഭഗവത്പൂജ്യപാദശിഷ്യ
ശ്രീമച്ഛങ്കരഭഗവത്പ്രണീതമര്ധനാരീനടേശ്വരസ്തോത്രം സംപൂര്ണം ||

Related Content

आर्तिहर स्तोत्रम - Artihara stotram

दक्षिणामूर्ति वर्णमालास्तोत्रम - DhakshiNamurthi varnamala

शिव प्रातः स्मरण स्तोत्रम - shiva praataH smaraNa stotram

श्री शिवापराधक्षमापण स्तोत्रम - Shivaaparaadhakshamaapana

ਪ੍ਰਦੋਸ਼ ਸ੍ਤੋਤ੍ਰਮ - Pradoshastotram