Shivatandava Stutih

---

ദേവാ ദിക്പതയഃ പ്രയാത പരതഃ ഖം മുഞ്ചതാംഭോമുചഃ 
പാതാളം വ്രജ മേദിനി പ്രവിശത ക്ഷോംണീതലം ഭൂധരാഃ | 
ബ്രഹ്മന്നുന്നയ ദൂരമാത്മഭുവനം നാഥസ്യ നോ നൠത്യതഃ 
ശംഭോഃ സങ്കടമേതദിത്യവതു വഃ പ്രോത്സാരണാ നന്ദിനഃ ||൧|| 

 

ദോര്ദണ്ഡദ്വയലീലയാഽചലഗിരിഭ്രാമ്യത്തദുച്ചൈരവ-
ധ്വാനോദ്ഭീതജഗദ്ഭ്രമത്പദഭരാലോലത്ഫണാഗ്ര്യോരഗം | 
ഭൃംഗാപിംഗജടാടവീപരിസരോദ്ഗംഗോര്മിമാലാചല-
ച്ചന്ദ്രം ചാരു മഹേശ്വരസ്യ ഭവതാം നിഃശ്രേയസേ മംഗളം ||൨||

 

സന്ധ്യാതാണ്ഡവഡംബര വ്യസനിനോ ഭര്ഗസ്യ ചണ്ഡഭ്രമി-
വ്യാനൃത്യദ്ഭുജദണ്ഡമണ്ഡല ഭുവോ ഝംഝാനിലാഃ പാന്തു വഃ | 
യേഷാമുച്ഛലതാം ജവേന ഝഗിതി വ്യൂഹേഷു ഭൂമീഭൃതാ-
മുഡ്ഡീനേഷു ബിഡൗജസാ പുനരസൗ ദംഭോലിരാലോകിതഃ ||൩||

 

ശര്വാണീപാണിതാലൈശ്ചലവലയഝണത്കാരിഭിഃ ശ്ലാഘ്യമാനം 
സ്ഥാനേ സംഭാവ്യമാനം പുളകിതവപുഷാ ശംഭുനാ പ്രേക്ഷകേണ | 
ഖേലത്പിച്ഛാളികേകാകലകലകലിതം ക്രൗഞ്ചമിദ്വര്ഹിയൂനാ 
ഹേരംബാകാണ്ഡവബൃംഹാതരളിതമനസസ്താണ്ഡവം ത്വാ ധിനോതു ||൪||

 

ദേവ-സ്തൈ ഗുണ്യമേദാത്സൃജതി വിതനുതേ സംഹരത്യേഷ ലോകാ-
നസ്യൈവ വ്യാപിനീഭിസ്തനുഭിരപി ജഗദ്വ്യാപ്തമഷ്ടഭിരേവ || 
വന്ദ്യോ നാസ്യേതി പശ്യന്നിവ ചരണഗതഃ പാതു പുഷ്പാഞ്ജലിര്വഃ 
ശംഭോര്നൃത്യാവതാരേ വലയമണിഫണാഫൂത്കൃതൈര്വിപ്രകീര്ണഃ ||൫|| 

 

ഇതി ശിവതാണ്ഡവസ്തുതിഃ സമാപ്താ ||