logo

|

Home >

Scripture >

scripture >

English-Script

Jabala Upanishhad

 

  • This Page is courtesy of Sanskrit Documents List. Please send your corrections

     

  • This stotra is also available in  devanAgari PDF

    Jabala Upanishad
    jaabaalopanishhat.h

    jaabaalopanishhatkhyaata.n sa.nnyaasaj~naanagocharam.h .
    vastutastraipadaM brahma svamaatramavashishhyate ..
    AUM puurNamadaH puurNamidaM puurNaat puurNamudachyate .
    puurNasya puurNamaadaaya puurNamevaavashishhyate ..
    AUM   shaantiH   shaantiH   shaantiH ..
    AUM bR^ihaspatiruvaacha yaaj~navalkya.n yadanu kurukshetra.n
    devaanaa.n devayajana.n sarveshhaaM bhuutaanaaM brahmasadanam.h .
    avimukta.n vai kurukshetra.n devaanaa.n devayajana.n sarveshhaaM
    bhuutaanaaM brahmasadanam.h .
    tasmaadyatra kvachana gachchhati tadeva manyeta tadavimuktameva .
    ida.n vai kurukshetra.n devaanaa.n devayajana.n sarveshhaaM
    bhuutaanaaM brahmasadanam.h ..
    atra hi jantoH praaNeshhuutkramamaaNeshhu rudrastaarakaM brahma
    vyaachashhTe yenaasaavamR^itii bhuutvaa mokshii bhavati
    tasmaadavimuktameva nishheveta avimukta.n na
    vimu~nchedevamevaitadyaaj~navalkyaH .. 1..
    
    atha hainamatriH paprachchha yaaj~navalkya.n ya eshho.ananto.avyakta
    aatmaa ta.n kathamaha.n vijaaniiyaamiti ..
    sa hovaacha yaaj~navalkyaH so.avimukta upaasyo ya
    eshho.ananto.avyakta aatmaa so.avimukte pratishhThita iti ..
    so.avimuktaH kasminpratishhThita iti . varaNaayaa.n naashyaa.n cha
    madhye pratishhThita iti ..
    kaa vai varaNaa kaa cha naashiiti .
    sarvaanindriyakR^itaandoshhaanvaarayatiiti tena varaNaa bhavati ..
    sarvaanindriyakR^itaanpaapaannaashayatiiti tena naashii bhavatiiti ..
    katama.n chaasya sthaanaM bhavatiiti . bhruvorghraaNasya cha yaH
    sandhiH sa eshha dyaurlokasya parasya cha sandhirbhavatiiti . etadvai
    sandhi.n sandhyaaM brahmavida upaasata iti . so.avimukta upaasya iti
    . so.avimukta.n j~naanamaachashhTe . yo vaitadeva.n vedeti .. 2..
    
    atha hainaM brahmachaariNa uuchuH ki.n japyenaamR^itatvaM bruuhiiti ..
    sa hovaacha yaaj~navalkyaH . shatarudriyeNetyetaanyeva ha vaa
    amR^itasya naamaani ..
    etairha vaa amR^ito bhavatiiti evamevaitadyaaj~navalkyaH .. 3..
    
    atha haina.n janako vaideho yaaj~navalkyamupasametyovaacha
    bhagavansa.nnyaasaM bruuhiiti . sa hovaacha yaaj~navalkyaH .
    brahmacharyaM parisamaapya gR^ihii bhavet.h . gR^ihii bhuutvaa vanii
    bhavet.h . vanii bhuutvaa pravrajet.h . yadi vetarathaa
    brahmacharyaadeva pravrajedgR^ihaadvaa vanaadvaa ..
    atha punaravratii vaa vratii vaa snaatako vaa.asnaatako
    votsannagniko vaa yadahareva virajettadahareva pravrajet.h .
    taddhaike praajaapatyaameveshhTi,n kurvanti . tadu tathaa na
    kuryaadaagneyiimeva kuryaat.h ..
    agnirha vai praaNaH praaNameva tathaa karoti ..
    traidhaataviiyaameva kuryaat.h . etayaiva trayo dhaatavo yaduta
    sattva.n rajastama iti ..
    aya.n te yonirR^itvijo yato jaataH praaNaadarochathaaH . taM
    praaNa.n jaanannagna aarohaathaa no vardhaya rayim.h . ityanena
    mantreNaagnimaajighret.h ..
    eshha ha vaa agneryoniryaH praaNaH praaNa.n gachchha
    svaahetyevamevaitadaaha ..
    graamaadagnimaahR^itya puurvadagnimaaghraapayet.h ..
    yadyagni.n na vindedapsu juhuyaat.h . aapo vai sarvaa devataaH
    sarvaabhyo devataabhyo juhomi svaaheti hutvodhR^itya
    praashniiyaatsaajya.n haviranaamayaM mokshamantraH trayyaiva.n
    vadet.h . etadbrahmaitadupaasitavyam.h . evamevaitadbhagavanniti vai
    yaaj~navalkyaH .. 4..
    
    atha hainamatriH paprachchha yaaj~navalkyaM pR^ichchhaami tvaa
    yaaj~navalkya ayaj~nopaviiti kathaM braahmaNa iti . sa hovaacha
    yaaj~navalkyaH . idamevaasya tadyaj~nopaviita.n ya aatmaapaH
    praashyaachamyaaya.n vidhiH parivraajakaanaam.h . viiraadhvaane vaa
    anaashake vaa apaaM praveshe vaa agnipraveshe vaa mahaaprasthaane vaa
    . atha parivraaDvivarNavaasaa muNDo.aparigrahaH shuchiradrohii
    bhaikshaNo brahmabhuuyaaya bhavatiiti . yadyaaturaH syaanmanasaa
    vaachaa sa.nnyaset.h . eshha panthaa brahmaNaa haanuvittastenaiti
    sa.nnyaasii brahmavidityevamevaishha bhagavanyaaj~navalkya .. 5..
    
    tatra
    paramaha.nsaanaamasa.nvartakaaruNishvetaketudurvaasaR^ibhunidaaghajaDa
    bharatadattaatreyaraivataka##-##
    prabhR^itayo.avyaktali~Ngaa avyaktaachaaraa anunmattaa
    unmattavadaacharantastridaNDa.n kamaNDalu.n shikyaM paatra.n
    jalapavitra.n shikhaa.n yaj~nopaviita.n cha ityetatsarvaM
    bhuuHsvaahetyapsu parityajyaatmaanamanvichchhet.h ..
    yathaa jaataruupadharo nirgrantho nishhparigrahastattadbrahmamaarge
    samyaksaMpannaH shuddhamaanasaH praaNasandhaaraNaartha.n
    yathoktakaale vimukto bhaikshamaacharannudarapaatreNa
    laabhaalaabhayoH samo bhuutvaa
    shuunyaagaaradevagR^ihatR^iNakuuTavalmiikavR^ikshamuulakulaalashaalaag
    nihotragR^ihanadiipulinagirikuharakandarakoTaranirjharasthaNDileshhu
    teshhvaniketavaasya prayatno nirmamaH
    shukladhyaanaparaayaNo.adhyaatmanishhTho.ashubhakarma##-##
    nirmuulanaparaH sa.nnyaasena dehatyaaga.n karoti sa paramaha.nso
    naama paramaha.nso naameti .. 6..
    
    AUM puurNamada iti shaantiH ..
    
    ityatharvavediiyaa jaabaalopanishhatsamaaptaa ..
    
  •  

Related Content

Bhasmajabala Upanishadam

Brihajjabala Upanishadham

Brihat Jabalopanishat

jabala darshana upanishad

Jabala Upanishat