jayati lalaaTakaTaakShaH shashimaulEH pakShmalaH priyapraNatau |
dhanuShi smarENa nihitaH sakaNTakaH kEtakEpuriva ||1||
saanandaa gaNagaayakE sapulakaa gaurImuKaambhOruhE
sakrOdhaa kusumaayudhE sakaruNaa paadaanatE vajriNi |
sasmEraa girijaasaKIShu sanayaa shailaadhinaathE vahan
bhUmIndra pradishantu sharma vipulaM shambhOH kaTaakShacCaTaaH ||2||
EkaM dhyaananimIlanaanmukulitaM chakShurdvitIyaM punaH
paarvatyaa vadanaambujastanataTE shrRu~ggaarabhaaraalasam |
anyaddUravikRuShTachaapamadanakrOdhaanalOddIpitaM
shaMbhOrbhinnarasaM samaadhisamayE nEtratrayaM paatu vaH ||3||
pakShmaalIpi~ggalimnaH kaNa iva taDitaaM yasya kRutsnaH
samUhO yasmin brahmaaNDamIShadvighaTitamukulE kaalayajvaa juhaava |
arcirniShTaptacUDaashashigaNitasudhaaghOraJaa~gkaarakONaM
taartIyaM yatpuraarEstadavatu madanaplOShaNaM lOchanaM vaH ||4||
iti shivalOchanastutiH saMpUrNaa ||