divyaM vaari kathaM yataH suradhunI maulau kathaM paavakO
divyaM taddhi vilOchanaM kathamahirdivyaM sa caa~ggE tava |
tasmaaddayUtavidhau tvayaadya muShitO haaraH parityajyataa-
mitthaM shailabhuvaa vihasya lapitaH shambhuH shivaayaastu vaH ||1||
shrIkaNThasya sakRuttikaartabharaNI mUrtiHsadaa rOhiNI
jyEShThaa bhaadrapadaa punarvasuyutaa citraa vishaaKaanvitaa |
dishyaadakShatahastamUlaghaTitaaShaaDhaa maghaala~gkRutaa
shrEyO vaishravaNaanvitaa bhagavatO nakShatrapaalIva vaH ||2||
EShaa tE hara kaa sugaatri katamaa mUrdhni sthitaa kiM jaTaa
haMsaH kiM bhajatE jaTaaM nahi shashI candrO jalaM sEvatE |
mugdhE bhUtiriyaM kutO&tra salilaM bhUtistara~ggaayatE
EvaM yO vinigUhatE tripathagaaM paayaatsa vaH sha~gkaraH ||3||
iti gaurIshvarastutiH samaaptaa ||