O~Mkaarajaparataanaamo~gkaaraarthaM mudaa vivRuNvaanam |
ojaHpradaM natebhyastamahaM praNamaami chandramaulIsham ||1||
namrasuraasuranikaraM naLinaaha~gkaarahaaripadayugaLam |
namadiShTadaanadhIraM satataM praNamaami chandramaulIsham ||2||
mananaadyatpadayoH Kalu mahatIM siddhiM javaatprapadyante |
mandetaralakShmIpradamanishaM praNamaami chandramaulIsham || 3||
shitikaNThamindudinakarashuchilochanamambujaakShavidhisevyam |
natamatidaanadhurINaM satataM praNamaami chandramaulIsham || 4||
vaacho vinivartante yasmaadapraapya saha hRudaiveti |
gIyante shrutitatibhistamahaM praNamaami chandramaulIsham || 5||
yacCanti yatpadaaMbujabhaktaaH kutukaatsvabhaktebhyaH |
sarvaanapi puruShaarthaaMstamahaM praNamaami chandramaulIsham || 6||
pa~jchaakSharamanuvarNairaadau klRuptaaM stutiM paThannenaam |
praapya dRuDhaaM shivabhaktiM bhuktvaa bhogaa~Mllabheta muktimapi ||7||
iti chandramaulIshastotraM saMpoorNam ||