logo

|

Home >

Scripture >

scripture >

Bengali

গৌরীগিরীশস্তোত্রম - Gaurigirisha Stotram

Gaurigirisha Stotram


গৌরীগিরীশ স্তোত্রম

চন্দ্রার্ধপ্রৱিভাসিমস্তকতটৌ তন্দ্রাৱিহীনৌ সদা
ভক্তৌঘপ্রতিপালনে নিজতনুচ্ছাযাজিতার্কাযুতৌ | 
শৃঙ্গাদ্রিস্থৱিৱাহমণ্ডপগতৌ কারুণ্যৱারান্নিধী 
কল্যাণং তনুতাং সমস্তজগতাং গৌরীগিরীশৌ মুদা ||১|| 

অন্যোন্যার্চনতত্পরৌ মধুরৱাক্সন্তোষিতান্যোন্যকৌ 
চন্দ্রার্ধাংচিতশেখরা প্রণমতামিষ্টর্থদৌ সত্ৱরম | 
শৃঙ্গাদ্রিস্থৱিৱাহমণ্ডপগতৌ শৃঙ্গারজন্মাৱনী 
কল্যাণং তনুতাং সমস্তজগতাং গৌরীগিরীশৌ মুদা ||২|| 

সৌন্দর্যেণ পরস্পরং প্রমুদিতাৱন্যোন্যচিত্তস্থিতৌ 
রাকাচন্দ্রসমানৱক্ত্রকমলৌ পাদাব্জকালঙ্কৃতৌ |
শৃঙ্গাদ্রিস্থৱিৱাহমণ্ডপগতৌ গঙ্গাতটাৱাসিনৌ 
কল্যাণং তনুতাং সমস্তজগতাং গৌরীগিরীশৌ মুদা ||৩||

সিংহোক্ষাগ্র্যগতী মহোন্নতপদং সংপ্রাপযন্তৌ নতা-
নংহোরাশিনিৱারণৈকনিপুণৌ ব্রহ্মোগ্রৱিষ্ণ্ৱর্চিতৌ |
শৃঙ্গাদ্রিস্থৱিৱাহমণ্ডপগতৌ গাঙ্গেযভূষোজ্জ্ৱলৌ 
কল্যাণং তনুতাং সমস্তজগতাং গৌরীগিরীশৌ মুদা ||৪|| 

কস্তূরীঘানসারচর্চিততনূ প্রস্তূযমানৌ সুরৈ-
রস্তূক্ত্যা প্রণতেষ্টপূরণকরৌ ৱস্তূপলব্ধিপ্রদৌ | 
শৃঙ্গাদ্রিস্থৱিৱাহমণ্ডপগতাৱঙ্গাৱধূতেন্দুভৌ 
কল্যাণং তনুতাং সমস্তজগতাং গৌরীগিরীশৌ মুদা ||৫|| 

ৱাণীনির্জিতহংসকোকিলরৱৌ পাণীকৃতাংভোরুহৌ 
ৱেণীকেশৱিনির্জিতাহিচপলৌ ক্ষোণীসমানক্ষমৌ | 
শৃঙ্গাদ্রিস্থৱিৱাহমণ্ডপগতৌ তুঙ্গেষ্টজালপ্রদো 
কল্যাণং তনুতাং সমস্তজগতাং গৌরীগিরিশৌ মুদা||৬||

কামাপত্তিৱিভূতিকারণদশৌ সোমার্ধভূষোজ্জ্ৱলৌ 
সামাম্নাযসুগীযমানচরিতৌ রামার্চিতাঙ্ঘ্রিদ্ৱযৌ |
শৃঙ্গাদ্রিস্থৱিৱাহমণ্ডপগতৌ মাণিক্যভূষান্ৱিতৌ 
কল্যাণং তনুতাং সমস্তজগতাং গৌরীগিরীশৌ মুদা ||৭||

দংভাহঙ্কৄতিদোষশূন্যপুরুষৈঃ সংভাৱনীযৌ সদা
জংভারাতিমুখামরেন্দ্রৱিনুতৌ কুংভাত্মজাদ্যর্চিতৌ |
শৃঙ্গাদ্রিস্থৱিৱাহমণ্ডপগতৌ ৱাগ্দানদীক্ষাধরৌ 
কল্যাণং তনুতাং সমস্তজগতাং গৌরীগিরীশৌ মুদা||৮||

শাপানুগ্রহশক্তিদাননিপুণৌ তাপাপনোদক্ষমৌ 
সোপানক্রমতোঽধিকারেভিরনুপ্রাপ্যৌ ক্ষমাসাগরৌ | 
শৃঙ্গাদ্রিস্থৱিৱাহমণ্ডপগতৌ লাৱণ্যপাথোনিধী 
কল্যাণং তনুতাং সমস্তজগতাং গৌরীগিরীশৌ মুদা ||৯|| 

শোণাংভোরুহতুল্যপাদযুগলৌ বাণার্চনাতোষিতৌ 
ৱীণাধৃঙ্মুনিগীযমানৱিভৱৌ বালারুণাভাংবরৌ | 
শৃঙ্গাদ্রিস্থৱিৱাহমণ্ডপগতৌ তুল্যাধিকৈর্ৱর্জিতৌ 
কল্যাণং তনুতাং সমস্তজগতাং গৌরীগিরীশৌ মুদা ||১০|| 

ইতি গৌরীগিরীশস্তোত্রং সংপূর্ণম ||

Related Content

आर्तिहर स्तोत्रम - Artihara stotram

दक्षिणामूर्ति वर्णमालास्तोत्रम - DhakshiNamurthi varnamala

शिव प्रातः स्मरण स्तोत्रम - shiva praataH smaraNa stotram

श्री शिवापराधक्षमापण स्तोत्रम - Shivaaparaadhakshamaapana

ਪ੍ਰਦੋਸ਼ ਸ੍ਤੋਤ੍ਰਮ - Pradoshastotram