ശിവ അഷ്ടോത്തര നാമ ശതക സ്തോത്രം

Shiva Ashtottara Naama Shataka Stotram


ശിവായ നമഃ || 

ശിവാഷ്ടോത്തരനാമശതകസ്തോത്രം |

ദേവാ ഊചുഃ || 

ജയ ശംഭോ വിഭോ രുദ്ര സ്വയംഭോ ജയ ശങ്കര | 
ജയേശ്വര ജയേശാന ജയ സര്വജ്ഞ കാമദ ||൧|| 

നീലകണ്ഠ ജയ ശ്രീദ ശ്രീകണ്ഠ ജയ ധൂര്ജടേ | 
അഷ്ടമൂര്തേഽനന്തമൂര്തേ മഹാമൂര്തേ ജയാനഘ ||൨|| 

ജയ പാപഹരാനംഗനിഃസംഗാഭംഗനാശന | 
ജയ ത്വം ത്രിദശാധാര ത്രിലോകേശ ത്രിലോചന ||൩|| 

ജയ ത്വം ത്രിപഥാധാര ത്രിമാര്ഗ ത്രിഭിരൂര്ജിത | 
ത്രിപുരാരേ ത്രിധാമൂര്തേ ജയൈകത്രിജടാത്മക ||൪||

ശശിശേഖര ശൂലേശ പശുപാല ശിവാപ്രിയ | 
ശിവാത്മക ശിവ ശ്രീദ സുഹൃച്ഛ്രീശതനോ ജയ ||൫|| 

സര്വ സര്വേശ ഭൂതേശ ഗിരിശ ത്വം ഗിരീശ്വര | 
ജയോഗ്രരൂപ ഭീമേശ ഭവ ഭര്ഗ ജയ പ്രഭോ ||൬|| 

ജയ ദക്ഷാധ്വരധ്വംസിന്നന്ധകധ്വംസകാരക | 
രുണ്ഡമാലിന്കപാലിംസ്ത്വം ഭുജംഗാജിനഭൂഷണ||൭|| 

ദിഗംബര ദിശാംനാഥ വ്യോമകേശ ചിതാംപതേ | 
ജയാധാര നിരാധാര ഭസ്മാധാര ധരാധര ||൮|| 

ദേവദേവ മഹാദേവ ദേവതേശാദി ദൈവത | 
വഹ്നിവീര്യ ജയ സ്ഥാണോ ജയായോനിജസംഭവ ||൯|| 

ഭവ ശര്വ മഹാകാല ഭസ്മാംഗ സര്പഭൂഷണ | 
ത്ര്യംബക സ്ഥപതേ വാചാംപതേ ഭോ ജഗതാംപതേ ||൧൦|| 

ശിപിവിഷ്ട വിരൂപാക്ഷ ജയ ലിംഗ വൃഷധ്വജ | 
നീലലോഹിത പിംഗാക്ഷ ജയ ഖട്വാംഗമണ്ഡന ||൧൧|| 

കൃത്തിവാസ അഹിര്ബുധ്ന്യ മൠഡാനീശ ജടാംബുഭൃത് | 
ജഗദ്ഭ്രാതര്ജഗന്മാതര്ജഗത്താത ജഗദ്ഗുരോ ||൧൨|| 

പഞ്ചവക്ത്ര മഹാവക്ത്ര കാലവക്ത്ര ഗജാസ്യഭൃത് |
ദശബാഹോ മഹാബാഹോ മഹാവീര്യ മഹാബല ||൧൩|| 

അഘോരഘോരവക്ത്ര ത്വം സദ്യോജാത ഉമാപതേ | 
സദാനന്ദ മഹാനന്ദ നന്ദമൂര്തേ ജയേശ്വര ||൧൪| 

ഏവമഷ്ടോത്തരശതം നാമ്നാം ദേവകൃതം തു യേ | 
ശംഭോര്ഭക്ത്യാ സ്മരന്തീഹ ശൃണ്വന്തി ച പഠന്തി ച ||൧൫|| 

ന താപാസ്ത്രിവിധാസ്തേഷാം ന ശോകോ ന രുജാദയഃ | 
ഗ്രഹഗോചരപീഡാ ച തേഷാം ക്വാപി ന വിദ്യതേ |൧൬|| 

ശ്രീഃ പ്രജ്ഞാഽഽരോഗ്യമായുഷ്യം സൗഭാഗ്യം ഭാഗ്യമുന്നതിം | 
വിദ്യാ ധര്മേ മതിഃ ശംഭോര്ഭക്തിസ്തേഷാം ന സംശയഃ ||൧൭|| 

ഇതി ശ്രീസ്കന്ദപുരാണേ സഹ്യാദ്രിഖണ്ഡേ ശിവാഷ്ടോത്തരനാമശതകസ്തോത്രം സംപൂര്ണം ||

Back to Sanskrit Page
Back to Hindu Scriptures and Stotras Main Page
Back to Shaivam Home Page