അസിതകൃതം ശിവസ്തോത്രം

Asitakrutam Shivastotram


ശിവായ നമഃ || 

അസിത കൃതം ശിവ സ്തോത്രം

അസിത ഉവാച || 

ജഗദ്ഗുരോ നമസ്തുഭ്യം ശിവായ ശിവദായ ച | 
യോഗീന്ദ്രാണാം ച യോഗീന്ദ്ര ഗുരൂണാം ഗുരവേ നമഃ ||൧|| 

മൃത്യോര്മൃത്യുസ്വരൂപേണ മൃത്യുസംസാരഖണ്ഡന | 
മൃത്യോരീശ മൃത്യുബീജ മൃത്യുഞ്ജയ നമോഽസ്തു  തേ ||൨||

കാലരൂപം കലയതാം കാലകാലേശ കാരണ | 
കാലാദതീത കാലസ്ഥ കാലകാല നമോഽസ്തു തേ ||൩|| 

ഗുണാതീത ഗുണാധാര ഗുണബീജ ഗുണാത്മക | 
ഗുണീശ ഗുണിനാം ബീജ ഗുണിനാം ഗുരവേ നമഃ ||൪|| 

ബ്രഹ്മസ്വരൂപ ബ്രഹ്മജ്ഞ ബ്രഹ്മഭാവേ ച തത്പര | 
ബ്രഹ്മബീജസ്വരൂപേണ ബ്രഹ്മബീജ നമോഽസ്തു തേ ||൫||

ഇതി സ്തുത്വാ ശിവം നത്വാ പുരസ്തസ്ഥൗ മുനീശ്വരഃ | 
ദീനവത്സാശ്രുനേത്രശ്ച പുളകാഞ്ചിതവിഗ്രഹഃ ||൬|| 

അസിതേന കൃതം സ്തോത്രം ഭക്തിയുക്തശ്ച യഃ പഠേത് | 
വര്ഷമേകം ഹവിഷ്യാശീ ശങ്കരസ്യ മഹാത്മനഃ ||൭|| 

സ ലഭേദ്വൈഷ്ണവം പുത്രം ജ്ഞാനിനം ചിരജീവിനം | 
ദരിദ്രോ ഭവേദ്ധനാഢ്യോ മൂകോ ഭവതി പണ്ഡിതഃ ||൮|| 

അഭാര്യോ ലഭതേ ഭാര്യാം സുശീലാം ച പതിവ്രതാം | 
ഇഹ ലോകേ സുഖം ഭുക്ത്വാ യാത്യന്തേ ശിവസന്നിധിം ||൯|| 

ഇദം സ്തോത്രം പുരാ ദത്തം ബ്രഹ്മണാ ച പ്രചേതസേ | 
പ്രചേതസാ സ്വപുത്രായാസിതായ ദത്തമുത്തമം ||൧൦|| 

ഇതി ശ്രീബ്രഹ്മവൈവര്ത്തേ മഹാപുരാണേ ശ്രീകൃഷ്ണജന്മഖണ്ഡേ 
അസിതകൃതം ശിവസ്തോത്രം സംപൂര്ണം || 

Back to Sanskrit Page
Back to Hindu Scriptures and Stotras Main Page
Back to Shaivam Home Page