അനാദി കല്പേശ്വര സ്തോത്രം

Anaadi Kalpeshvara Stotram


ശിവായ നമഃ || 

അനാദികല്പേശ്വരസ്തോത്രം |

കര്പൂരഗൗരോ ഭുജഗേന്ദ്രഹാരോ ഗങ്ഗാധരോ ലോകഹിതാവരഃ സഃ | 
സര്വേശ്വരോ ദേവവരോഽപ്യഘോരോ യോഽനാദികല്പേശ്വര ഏവ സോഽസൗ ||൧||

കൈലാസവാസീ ഗിരിജാവിലാസീ ശ്മശാനവാസീ സുമനോനിവാസീ | 
കാശീനിവാസീ വിജയപ്രകാശീ  യോഽനാദികല്പേശ്വര ഏവ സോഽസൗ ||൨|| 

ത്രിശൂലധാരീ ഭവദുഃഖഹാരീ കന്ദര്പവൈരീ രജനീശധാരീ | 
കപര്ദധാരീ ഭജകാനുസാരീ യോഽനാദികല്പേശ്വര ഏവ സോഽസൗ||൩|| 

ലോകാധിനാഥഃ പ്രമഥാധിനാഥഃ കൈവല്യനാഥഃ ശ്രുതിശാസ്ത്രനാഥഃ | 
വിദ്യാര്ഥനാഥഃ പുരുഷാര്ഥനാഥോ യോഽനാദികല്പേശ്വര ഏവ സോഽസൗ ||൪|| 

ലിങ്ഗം പരിച്ഛേത്തുമധോഗതസ്യ നാരാണശ്ചോപരി ലോകനാഥഃ | 
ബഭൂവതുസ്താവപി നോ സമര്ഥോ യോഽനാദികല്പേശ്വര ഏവ സോഽസൗ ||൫|| 

യം രാവണസ്താണ്ഡവകൗശലേന ഗീതേന ചാതോഷയദസ്വ സോഽത്ര | 
കൃപാകടാക്ഷേണ സമൃദ്ധിമാപ യോഽനാദികല്പേശ്വര ഏവ സോഽസൗ ||൬|| 

സകൃച്ച ധാണോഽവനമയ്യ ശീര്ഷം യസ്യാഗ്രതഃ സോഽപ്യലഭത്സമൃദ്ധിം | 
ദേവേന്ദ്രസംപത്ത്യവികാങ്ഗരിഷ്ഠാം യോഽനാദികല്പേശ്വര ഏവ സോഽസൗ ||൭|| 

ഗുണാന്വിമാതും ന സമര്ഥ ഏഷ വേഷശ്ച ജീവോഽപി വികുണ്ഠിതോഽസ്യ |
ശ്രുതിശ്ച നൂനം ചകിതം ബഭാഷേ യോഽനാദികല്പേശ്വര ഏവ സോഽസൗ ||൮|| 

അനാദി കല്പേശ ഉമേശ ഏതത് സ്തവാഷ്ടകം യഃ പഠതി ത്രികാലം | 
സധൗതപാപോഽഖിലലോകവന്ദ്യം ശൈവം പദം യാസ്യതി ഭക്തിമാംശ്ചേത് ||൯|| 

ഇതി ശ്രീവാസുദേവാനന്ദസരസ്വതീകൃതമനാദികല്പേശ്വരസ്തോത്രം സംപൂര്ണം ||

Back to Sanskrit Page
Back to Hindu Scriptures and Stotras Main Page
Back to Shaivam Home Page