logo

|

Home >

hindu-hub >

temples

ஆரூர் அரநெறி (திருவாரூர்)

இறைவர் திருப்பெயர்: அகிலேஸ்வரர்.

இறைவியார் திருப்பெயர்: வண்டார் குழலி, புவனேஸ்வரி.

தல மரம்:

தீர்த்தம் : கமலாலயம்

வழிபட்டோர்:அப்பர்,நமிநந்தியடிகள், திருமூலர், சேக்கிழார்

Sthala Puranam

 

thiruvarur temple

  • இக்கோயில் திருவாரூர்க் கோயிலுக்குள்ளேய தெற்குச் சுற்றில் உள்ளது; இக்கோயில் அசலேச்சரம் என்று வழங்கப்படுகிறது.

 

திருமுறைப் பாடல்கள்	: 

பதிகங்கள்  :   அப்பர்   -	 1. எத்தீ புகினும் (4.17),
                                 2. பொருங்கைமதக் (6.33);
                          
பாடல்கள்   :   அப்பர்   -       தீர்த்தப் புனற்கெடில (6.7.2); 

திருமூலர்                 -       முடிவும் பிறப்பையும் (10.1.20) பாயிரம்,
                                  அரநெறி யப்பனை (10.18.14)  ஐந்தாம் தந்திரம்; 

சேக்கிழார்                -       நான் மறைநூல் (12.21.227)  திருநாவுக்கரசு சுவாமிகள் புராணம், 
                                   செம் பொற்புற்றின் (12.27.7,14 & 17) நமிநந்தி அடிகள் நாயனார் புராணம், 
                                   அங்கு அணைந்து (12.28.513) திருஞானசம்பந்தர் நாயனார் புராணம்.

 

 

Specialities

  • இப்பெருமானின் - அசலேசுவரரின் நிழல் கிழக்குத் திசையிலன்றி மற்றத் திசையில் விழுவதில்லை என்ற செய்தி தனி மகிமை வாய்ந்தது.

     

  • ஆடகேசுவரம் - அப்புத் தலம்; இங்கொரு நாகபிலமுள்ளது.

     

  • ஆனந்தேஸ்வரம் என்பது மங்கண முனிவரால் ஸ்தாபிக்கப்பட்ட பெருமான் உள்ள இடம்.

     

  • இதையடுத்துள்ள கோயில் விசுவகர்மேசம் - கருங்கற் கோயில்; அழகான கொடுங்கைகள், சிற்பக் கலைகள் நிறைந்தது.

     

  • வன்மீகநாதர் சந்நிதியில் வலமாக வரும்போது 'ஐங்கலக்காசு விநாயகர் ' (ஐந்து கலம் பொற்காசு கொண்டு ஆக்கப்பட்டவர் என்பது செவி வழிச் செய்தி) உள்ளார்.

     

  • தியாகேசர் சந்நிதியில் வலப்பால் ஒரு பீடத்தில் உள்ள பெட்டகத்தில் வீதிவிடங்கராகிய மரகத சிவலிங்கமூர்த்தி உள்ளார். முகம் மட்டுமே தெரியும்; மார்கழி ஆதிரையில் தியாகராசாவின் இடப்பாதத்தையும், பங்குனி உத்தரத்தில் வலப்பாதத்தையும் கண்டு தரிசிக்க வேண்டும். மற்றைய அங்கங்கள் மூடி வைக்கப்பட்டிருக்கும் - அவை மிகவும் இரகசியமானவை.

     

  • இங்கு நவக்கிரகங்கள் நேர் வரிசையில் உள்ளன.

     

  • வடக்குப் பிரகாரத்தில் உள்ள ரணவிமோசனேசுவரர் சந்நிதியில் சென்று தொழுதால் ஆறாத புண்கள் ஆறும்; கடன்கள் நீங்கும் என்று சொல்லப்படுகிறது.

     

  • இக்கோயிலில் இரண்டு சண்டேசுவரர் சந்நிதிகள் உள்ளன. 1. எமசண்டர் - எமனே சண்டராக அமர்ந்திருக்கிறான்; 2. ஆதி சண்டர் - (சண்டேஸ்வரர்).

     

  • "பிறக்க முத்தி திருவாரூர் " என்று புகழப்படும் சிறப்பினது; மூலாதாரத் தலம்.

     

  • 'திருவாரூர்த் தேர் ' அழகு; இத்தேர் ஆழித் தேர் என்று பெயர்.

     

  • தியாகேசர் சந்நிதியில் தேர் வடிவில் ஒரு விளக்கு உள்ளது.

     

  • பஞ்சபூத தலங்களுள் பிருதிவித்தலம்.

     

  • பஞ்சமுக வாத்யம் சிறப்பானது - ஒன்று பாம்பு சுற்றியது போலவும், ஒன்று ஸ்வஸ்தி வடிவிலும், ஒன்று தாமரைப்பூப் போலவும், ஒன்று எவ்வித அடையாளமும் இல்லாமலும், நடுவில் உள்ளது பெரியதாகவும் இருக்கும்; மான் தோலால கட்டப்பட்டது. இஃது ஒவ்வொரு முகத்திலும் தனித் தனியாக அடிக்கப்படும்போது ஏழு முறையும்; ஐந்திலும் சேர்ந்து அடிக்கும்போது முகத்திற்கு ஒன்றாக ஐந்து முறையும் அடிக்கப்படும். இங்கு வாசிக்கப்படும் நாதஸ்வரம் - மிகப் பெரியது.

     

  • எல்லாச் சிவாலயங்களின் சந்நிதித்தியமும் சாயரக்ஷை எனப்படும் திருவந்திக்காப்பு நேரத்தில் இத்தலத்தில் விளங்குவதாக ஐதீகம்.

     

  • சுந்தரர், திருத்தொண்டத் தொகையைப் பாடுவதற்கு, அடியார்களின் பெருமைகளை விளக்கிய பெருமை இப்பதிக்கேயுரியது.

     

  • பரவையார் அவதரித்தப் பதி.

     

  • 'கமலை' என்னும் பராசக்தி தவம் செய்யுமிடம்.

     

  • க்ஷேத்ரவரபுரம், ஆடகேசுரபுரம், தேவயாகபுரம், முசுகுந்தபுரம், கலிசெலா நகரம், அந்தரகேசுபுரம், வன்மீகநாதபுரம், தேவாசிரியபுரம், சமற்காரபுரம், மூலாதாரபுரம், கமலாலயபுரம் என்பன இத்தலத்திற்குரிய வேறுபெயர்கள்.

     

  • தியாகராஜ லீலை - மீனாட்சிசுந்தரம் பிள்ளையவர்கள் பாடியது.

     

  • அஜபாரஹஸ்யம், தியாகராய லீலை, தியாகராஜபுர மான்மியம் முதலாக 16 நூல்கள் இத்தலத்தைப் பற்றி சமஸ்கிருதத்தில் உள்ளன.

     

  • செம்பியன்மாதேவி, ஆரூர் அரநெறிக் கோயிலைக் கட்டியதாகக் கல்வெட்டு தெரிவிக்கிறது, ஆண்டொன்றுக்கு ஐம்பத்தாறு திருவிழாக்கள் நடைபெற்றனவாம்.

 

thiruvarur temple thiruvarur temple

 

 

devasiriyan mandapam kamalalayam

 

Contact Address

அமைவிடம் மாநிலம் : தமிழ் நாடு மயிலாடுதுறை, சிதம்பரம், தஞ்சாவூர், திருச்சி, காரைக்கால் முதலிய ஊர்களிலிருந்து பேருந்துகள் நிரம்பவுள்ளன. தொடர்புக்கு :- 04366 242343.

Related Content

திருத்துருத்தி Sthala puranam of Thiruthuruthi Temple

திருவலம்புரம் (மேலப்பெரும்பள்ளம்) Sthala puranam of Thiruval

சிக்கல்

கீழ்வேளுர் தலபுராணம்

திருத்தேவூர் திருக்கோயில் தல வரலாறு Sthala puranam of Thiru