• தற்போது மக்களால் திருக்கண்டீஸ்வரம் என்று வழங்கப்படுகிறது.

   

• உமை, பசுவின் வடிவில், தன்கொம்பால் பூமியைக் கிளறியவாறே இறைவனைத் தேடிவந்தபோது, கொம்புப்பட்டுக் குருதி பெருகி இறைவன் வெளிப்பட்டார். உமை (பசு) தன் பாலையே பெருமான்மீது (சிவலிங்க மூர்த்தம்) சொரிந்து புண்ணை ஆற்றினாள் என்பது வரலாறு. மூலத்திருமேனியின் மீது வெட்டுப்பட்டது போன்ற - பசுவின் கொம்பு பதிந்த ஆழமான வடு உள்ளது.

தேவாரப் பாடல்கள்	: 

பதிகங்கள்     :    அப்பர்	   -    1. வரைகிலேன் புலன்க ளைந்தும் (4.67),
                                        2. கண்ட பேச்சினிற் காளையர் (5.70); 

பாடல்கள்      :    அப்பர்        -       திண்டீச்சரஞ் சேய்ஞலூர் (6.70.9); 

                  சேக்கிழார்      -        நல்லூரில் நம்பர் அருள் (215,216,217 & 291) திருநாவுக்கரசு சுவாமிகள் புராணம். 

• வெளவால் நெத்தி மண்டபத்தில் ஆபத்சகாய மகரிஷி உருவமும்; ஒருபுறத்தில் மூன்று திருவடிகளுடன் கூடிய ஜ்வரஹரேசன் உருவமுமுள்ளது.

   

• சுரநோயால் வாடுபவர்கள் இம்மூர்த்திக்கு வெந்நீரால் அபிஷேகம் செய்து, புழுங்கலரிசி நிவேதனம் செய்தால் சுரம் நீங்குவது இன்றும் கண்கண்ட பிரார்த்தனையாக உள்ளது.

   

• கார்த்திகை வியாழன் எமகண்டத்தில் ஒவ்வொரு வருடமும் விழா எடுக்கப்பட்டு தீர்த்தவாரி நடைபெருகிறது.

அமைவிடம் மாநிலம் : தமிழ் நாடு நாகப்பட்டினம் - நன்னிலம்; மயிலாடுதுறை - திருத்துறைப்பூண்டி - வழி நன்னிலம்; நாகப்பட்டினம் - கும்பகோணம் - வழி நன்னிலம் முதலிய பாதைகளில் நன்னிலத்துக்குள் நுழைவதற்கு முன்னால் "தூத்துகுடி Stopping" என்னுமிடத்தில் பிரியும் பாதையில் உள்ளே சென்றால் வெகு அருகாமையில் கோயிலையடையலாம். தொடர்புக்கு :- 04366 - 228 033.