અનાદિ કલ્પેશ્વર સ્તોત્રમ

Anaadi Kalpeshvara Stotram


અનાદિકલ્પેશ્વરસ્તોત્રમ |

કર્પૂરગૌરો ભુજગેન્દ્રહારો ગઙ્ગાધરો લોકહિતાવરઃ સઃ | 
સર્વેશ્વરો દેવવરોઽપ્યઘોરો યોઽનાદિકલ્પેશ્વર એવ સોઽસૌ ||૧||

કૈલાસવાસી ગિરિજાવિલાસી શ્મશાનવાસી સુમનોનિવાસી | 
કાશીનિવાસી વિજયપ્રકાશી  યોઽનાદિકલ્પેશ્વર એવ સોઽસૌ ||૨|| 

ત્રિશૂલધારી ભવદુઃખહારી કન્દર્પવૈરી રજનીશધારી | 
કપર્દધારી ભજકાનુસારી યોઽનાદિકલ્પેશ્વર એવ સોઽસૌ||૩|| 

લોકાધિનાથઃ પ્રમથાધિનાથઃ કૈવલ્યનાથઃ શ્રુતિશાસ્ત્રનાથઃ | 
વિદ્યાર્થનાથઃ પુરુષાર્થનાથો યોઽનાદિકલ્પેશ્વર એવ સોઽસૌ ||૪|| 

લિઙ્ગં પરિચ્છેત્તુમધોગતસ્ય નારાણશ્ચોપરિ લોકનાથઃ | 
બભૂવતુસ્તાવપિ નો સમર્થો યોઽનાદિકલ્પેશ્વર એવ સોઽસૌ ||૫|| 

યં રાવણસ્તાણ્ડવકૌશલેન ગીતેન ચાતોષયદસ્વ સોઽત્ર | 
કૃપાકટાક્ષેણ સમૃદ્ધિમાપ યોઽનાદિકલ્પેશ્વર એવ સોઽસૌ ||૬|| 

સકૃચ્ચ ધાણોઽવનમય્ય શીર્ષં યસ્યાગ્રતઃ સોઽપ્યલભત્સમૃદ્ધિમ | 
દેવેન્દ્રસંપત્ત્યવિકાઙ્ગરિષ્ઠાં યોઽનાદિકલ્પેશ્વર એવ સોઽસૌ ||૭|| 

ગુણાન્વિમાતું ન સમર્થ એષ વેષશ્ચ જીવોઽપિ વિકુણ્ઠિતોઽસ્ય |
શ્રુતિશ્ચ નૂનં ચકિતં બભાષે યોઽનાદિકલ્પેશ્વર એવ સોઽસૌ ||૮|| 

અનાદિ કલ્પેશ ઉમેશ એતત સ્તવાષ્ટકં યઃ પઠતિ ત્રિકાલમ | 
સધૌતપાપોઽખિલલોકવન્દ્યં શૈવં પદં યાસ્યતિ ભક્તિમાંશ્ચેત ||૯|| 

ઇતિ શ્રીવાસુદેવાનન્દસરસ્વતીકૃતમનાદિકલ્પેશ્વરસ્તોત્રં સંપૂર્ણમ ||

Back to gujariti Scriptures and Stotras Page
Back to stotras in many languages
Back to Shaivam Home Page