Shiva Arati

This Page is courtesy of Sanskrit Documents List. Please send your corrections

śiva āratī

 
sarveśaṁ parameśaṁ śrīpārvatīśaṁ vande'haṁ viśveśaṁ śrīpannageśam |
śrīsāmbaṁ śambhuṁ śivaṁ trailokyapūjyaṁ vande'haṁ trainetraṁ śrīkaṁṭhamīśam || 1||

bhasmāmbaradharamīśaṁ surapārijātaṁ bilvārcitapadayugalaṁ somaṁ someśam |
jagadālayapariśobhitadevaṁ paramātmaṁ vande'haṁ śivaśaṅkaramīśaṁ deveśam || 2||

kailāsapriyavāsaṁ karuṇākaramīśaṁ kātyāyanīvilasitapriyavāmabhāgam |
praṇavārcitamātmārcitaṁ saṁsevitarūpaṁ vande'haṁ śivaśaṅkaramīśaṁ deveśam || 3||

manmathanijamadadahanaṁ dākṣāyanīśaṁ nirguṇaguṇasaṁbharitaṁ kaivalyapuruṣam |
bhaktānugrahavigrahamānandajaikaṁ vande'haṁ śivaśaṅkaramīśaṁ deveśam || 4||

suragaṁgāsaṁplāvitapāvananijaśikharaṁ samabhūṣitaśaśibimbaṁ jaṭādharaṁ devam |
niratojjvaladāvānalanayanaphālabhāgaṁ vande'haṁ śivaśaṅkaramīśaṁ deveśam || 5||

śaśisūryanetradvayamārādhyapuruṣaṁ surakinnarapannagamayamīśaṁ saṁkāśam |
śaravaṇabhavasampūjitanijapādapadmaṁ vande'haṁ śivaśaṅkaramīśaṁ deveśam || 6||

śrīśailapuravāsaṁ īśaṁ mallīśaṁ śrīkālahastīśaṁ svarṇamukhīvāsam |
kāñcīpuramīśaṁ śrīkāmākṣītejaṁ vande'haṁ śivaśaṅkaramīśaṁ deveśam || 7||

tripurāntakamīśaṁ aruṇācaleśaṁ dakṣiṇāmūrtiṁ guruṁ lokapūjyam |
cidambarapuravāsaṁ pañcaliṁgamūrtiṁ vande'haṁ śivaśaṅkaramīśaṁ deveśam || 8||

jyotirmayaśubhaliṁgaṁ saṅkhyātrayanāṭyaṁ trayīvedyamādyaṁ pañcānanamīśam |
vedādbhutagātraṁ vedārṇavajanitaṁ vedāgraṁ viśvāgraṁ śrīviśvanātham || 9||

Back to Transliterated Stotras Page
Back to Sanskrit Scriptures and Stotras Page
Back to stotras in many languages
Back to Shaiva Sidhdhantha Home Page
Back to Shaivam Home Page