Navavarna Maala

This Page is courtesy of Sanskrit Documents List.
Please send your corrections

navavarṇamālā

 
                  ||śrīḥ||
   || śrī sadāśivabrahmendraviracitā ||

oṁkāraikanirūpyaṁ paṅkajabhavanādibhāvitapadābjam |
kiṁkarakairavaśaśinaṁ śaṁkaramekaṁ kalaye|| 1 ||

aindraṁ padamapi manute naiva varaṁ yasya padarajaḥsparśāt |
sāndrasukhodadhimekaṁ candrakalottaṁsamīśamāseve|| 2 ||

nāgeśakṛttivasanaṁ vāgīśādyaikavanditāṅghriyugam |
bhogīśabhūṣitāṅgaṁ bhāgīkṛtasarvamaṅgalaṁ naumi|| 3 ||

nagarājaśikharavāsinaṁ agajāmukhakumudakaumudīnikaram |
gaganaśiroruhamekaṁ nigamaśirastantraviditamavalaṁbe|| 4 ||

mandasmitalasadānanaṁ indukalottaṁsamambikāsacivam |
kaṁdarpakoṭiśataguṇa-sundaradivyākṛtiṁ śivaṁ vande|| 5 ||

mastaka nama kamalāṁghriṁ saṁstuhi bho vāṇi varaguṇodāram |
hastayugārcaya śarvaṁ svastho nivasāmi nijamahimnyamunā|| 6 ||

klinnekṣaṇamatikṛpayā saṁnutamahimānamāgamaśirobhiḥ |
taṁ naumi pārvatīśaṁ pannagavarabhūṣaṇojjvalakarābjam|| 7 ||

vaṭaviṭapinikaṭanilayaṁ kuṭilajaṭāghaṭitahimakarodāram |
kaṭilasitakaraṭikṛttiṁ niṭilāmbakamekamālaṁbe||9 ||

vāmāṅkakalitakāntaṁ kāmāntakamādidaivataṁ dāntam |
bhūmānandaghanaṁ taddhāma kimapyantarāntaraṁ bhāti|| 10 ||

yadapāṅgitātprabodhātpadamalabhe'khaṇḍitātmamātramaham |
sadayaṁ sāṁbaśivaṁ taṁ madanāntakamādidaivataṁ naumi|| 11 ||

sausnātikamamṛtajalaiḥ susmitavadanendusamuditadigantam |
saṁstutamamaragaṇaistaṁ nistulamahimānamānato'smi śivam|| 12 ||

navavarṇamālāstutimetāmādideśikendrasya |
dhārayataḥ syādbhuktiḥ sakalakalāvāptiratha parā muktiḥ|| 13 ||

|| iti śrī sadāśivabrahmendraviracitā navavarṇamālā saṁpūrṇā||

Back to Transliterated Stotras Page
Back to Sanskrit Scriptures and Stotras Page
Back to stotras in many languages
Back to Shaivam Home Page