Mrityunjaya Kavacha

This Page is courtesy of Sanskrit Documents List.
Please send your corrections
mahāmṛtyuṁjaya kavaca

śrī gaṇeśāya namaḥ |
bhairava uvāca |

śrṛṇuṣva parameśāni kavacaṁ manmukhoditam |
mahāmṛtyuñjayasyāsya na deyaṁ paramādbhutam || 1||

yaṁ dhṛtvā yaṁ paṭhitvā ca śrutvā ca kavacottamam |
trailokyādhipatirbhūtvā sukhito'smi maheśvari || 2||

tadevavarṇayiṣyāmi tava prītyā varānane |
tathāpi paramaṁ tatvaṁ na dātavyaṁ durātmane || 3||

                 viniyogaḥ
asya śrīmahāmṛtyuñjayakavacasya śrībhairava ṛṣiḥ,
gāyatrīchandaḥ, śrīmahāmṛtyuñjayo mahārudro devatā,
om bījaṁ, jūṁ śaktiḥ, saḥ kīlakaṁ, hraumiti tatvaṁ, 
caturvargasādhane mṛtyuñjayakavacapāṭhe viniyogaḥ |

candramaṇḍalamadhyasthaṁ rudraṁ bhāle vicintya tam |
tatrasthaṁ cintayet sādhyaṁ mṛtyuṁ prāpto'pi jīvati || 1||

om jūṁ saḥ hrauṁ śiraḥ pātu devo mṛtyuñjayo mama |
om śrīṁ śivo lalāṭaṁ me om hrauṁ bhruvau sadāśivaḥ || 2||

nīlakaṇṭho'vatānnetre kapardī me'vatācchrutī |
trilocano'vatād gaṇḍau nāsāṁ me tripurāntakaḥ || 3||

mukhaṁ pīyūṣaghaṭabhṛdoṣṭhau me kṛttikāmbaraḥ |
hanuṁ me hāṭakeśano mukhaṁ baṭukabhairavaḥ || 4||

kandharāṁ kālamathano galaṁ gaṇapriyo'vatu |
skandhau skandapitā pātu hastau me giriśo'vatu || 5||

nakhān me girijānāthaḥ pāyādaṅgulisaṁyutān |
stanau tārāpatiḥ pātu vakṣaḥ paśupatirmama || 6||

kukṣiṁ kuberavaradaḥ pārśvau me māraśāsanaḥ |
śarvaḥ pātu tathā nābhiṁ śūlī pṛṣṭhaṁ mamāvatu || 7||

śiśrnaṁ me śaṅkaraḥ pātu guhyaṁ guhyakavallabhaḥ |
kaṭiṁ kālāntakaḥ pāyādūrū me'ndhakaghātakaḥ || 8||

jāgarūko'vatājjānū jaṅghe me kālabhairavaḥ |
gulpho pāyājjaṭādhārī pādau mṛtyuñjayo'vatu || 9||

pādādimūrdhaparyantamaghoraḥ pātu me sadā |
śirasaḥ pādaparyantaṁ sadyojāto mamāvatu || 10||

rakṣāhīnaṁ nāmahīnaṁ vapuḥ pātvamṛteśvaraḥ |
pūrve balavikaraṇo dakṣiṇe kālaśāsanaḥ || 11||

paścime pārvatīnātho hyuttare māṁ manonmanaḥ |
aiśānyāmīśvaraḥ pāyādāgneyyāmagnilocanaḥ || 12||

naiṛtyāṁ śambhuravyānmāṁ vāyavyāṁ vāyuvāhanaḥ |
urdhve balapramathanaḥ pātāle parameśvaraḥ || 13||

daśadikṣu sadā pātu mahāmṛtyuñjayaśca mām |
raṇe rājakule dyūte viṣame prāṇasaṁśaye || 14||

pāyād oṁ jūṁ mahārudro devadevo daśākṣaraḥ |
prabhāte pātu māṁ brahmā madhyāhne bhairavo'vatu || 15||

sāyaṁ sarveśvaraḥ pātu niśāyāṁ nityacetanaḥ |
ardharātre mahādevo niśānte māṁ mahomayaḥ || 16||

sarvadā sarvataḥ pātu om jūṁ saḥ hrauṁ mṛtyuñjayaḥ |
itīdaṁ kavacaṁ puṇyaṁ triṣu lokeṣu durlabham || 17||

                   phalaśruti
sarvamantramayaṁ guhyaṁ sarvatantreṣu gopitam |
puṇyaṁ puṇyapradaṁ divyaṁ devadevādhidaivatam || 18||

ya idaṁ ca paṭhenmantrī kavacaṁ vārcayet tataḥ |
tasya haste mahādevi tryambakasyāṣṭa siddhayaḥ || 19||

raṇe dhṛtvā caredyuddhaṁ hatvā śatrūñjayaṁ labhet |
jayaṁ kṛtvā gṛhaṁ devi samprāpsyati sukhī punaḥ || 20||

mahābhaye mahāroge mahāmārībhaye tathā |
durbhikṣe śatrusaṁhāre paṭhet kavacamādarāt || 21||

sarva tat praśamaṁ yāti mṛtyuñjayaprasādataḥ |
dhanaṁ putrān sukhaṁ lakṣmīmārogyaṁ sarvasampadaḥ || 22||

prāpnoti sādhakaḥ sadyo devi satyaṁ na saṁśayaḥ
itīdaṁ kavacaṁ puṇyaṁ mahāmṛtyuñjayasya tu |
gopyaṁ siddhipradaṁ guhyaṁ gopanīyaṁ svayonivat || 23||

| iti śrīrudrayāmale tantre śrīdevīrahasye 
mṛtyuñjayakavacaṁ sampūrṇam |
Back to Transliterated Stotras Page
Back to Sanskrit Scriptures and Stotras Page
Back to stotras in many languages
Back to Shaivam Home Page