Dakshinamurti navaratna malika stotram

This Page is courtesy of Sanskrit Documents List.
Please send your corrections

śrī dakśiṇāmūrti navaratnamālikā stotram

mūlevaṭasya munipuṅgavasevyamānaṁ 
   mudrāviśeṣamukulīkṛtapāṇipadmam | 
mandasmitaṁ madhuraveṣamudāramādyaṁ 
   tejastadastu hṛdi me taruṇenducūḍam || 1|| 

śāntaṁ śāradacandrakāntidhavaḻaṁ candrābhiramānanaṁ 
   candrārkopamakāntikuṇḍaladharaṁ candrāvadātāṁśukam | 
vīṇāpustakamakśasūtravalayaṁ vyākhyānamudrāṁkarai- 
   rbibhrāṇaṁ kalaye hṛdā mama sadā 
śāstāramiṣṭārthadam || 2|| 

karpūrapātramaravindadaḻāyatākśaṁ 
   karpūraśītalahṛdaṁ karuṇāvilāsam | 
candrārdhaśekharamanantaguṇābhirāma- 
   mindrādisevyapadapaṅkajamīśamīḍe || 3|| 

dyudrodhaḥ svarṇamayāsanasthaṁ 
   mudrollasadbāhumudārakāyam | 
sadrohiṇīnāthakaḻāvataṁsaṁ 
   bhadrodadhiṁ kañcana cintayāmaḥ || 4|| 

udyadbhāskarasannibhaṁ triṇayanaṁ śvetāṅgarāgaprabhaṁ 
   bālaṁ mauñjidharaṁ prasannavadanaṁ nyagrodhamūlesthitam | 
piṅgākśaṁ mṛgaśāvakasthitikaraṁ subrahmasūtrākṛtim  
   bhaktānāmabhayapradaṁ bhayaharaṁ śrīdakśiṇāmūrtikam || 5|| 

śrīkāntadruhiṇopamanyu tapana skandendranandyādayaḥ  
   prācīnāguravo'piyasya karuṇāleśādgatāgauravam | 
taṁ sarvādiguruṁ manojñavapuṣaṁ mandasmitālaṅkṛtaṁ 
   cinmudrākṛtimugdhapāṇinaḻinaṁ cittaṁ śivaṁ kurmahe || 6|| 

kapardinaṁ candrakaḻāvataṁsaṁ 
   triṇetramindupatimānanojvalam | 
caturbhujaṁ jñānadamakśasūtra- 
   pustāgnihastaṁ hṛdi bhāvayecchivam || 7|| 

vāmorūparisaṁsthitāṁ girisutāmanyonyamāliṁgitāṁ 
   śyāmāmutpaladhāriṇī śaśinibhāṁcālokayantaṁ śivam | 
āśliṣṭena kareṇa pustakamadho kuṁbhaṁ sudhāpūritaṁ 
   mudrāṁ jñānamayīṁ dadhānamaparairmuktākśamālāṁ bhaje || 8|| 

vaṭatarunikaṭanivāsaṁ paṭutaravijñānamudritakarābjam | 
kañcanadeśikamādyaṁ kaivalyānandakandaḻaṁ vande || 9|| 

iti śrī dakśiṇāmūrti navaratnamālā stotraṁ saṁpūrṇam ||

Back to Transliterated Stotras Page
Back to Sanskrit Scriptures and Stotras Page
Back to stotras in many languages
Back to Shaivam Home Page