প্রদোষ স্তোত্রাষ্টকম

Pradhosha Stotrashtakam


প্রদোষস্তোত্রাষ্টকম |

সত্যং ব্রৱীমি পরলোকহিতং ব্রৱীমি সারং ব্রৱীম্যুপনিষদ্ধৃদযং ব্রৱীমি | 
সংসারমুল্বণমসারমৱাপ্য জন্তোঃ সারোঽযমীশ্ৱরপদাংবুরুহস্য সেৱা ||১|| 

যে নার্চযন্তি গিরিশং সমযে প্রদোষে যে নার্চিতং শিৱমপি প্রণমন্তি চান্যে | 
এতত্কথাং শ্রুতিপুটৈর্ন পিবন্তি মূঢাস্তে জন্মজন্মসু ভৱন্তি নরা দরিদ্রাঃ ||২|| 

যে ৱৈ প্রদোষসমযে পরমেশ্ৱরস্য কুর্ৱন্ত্যনন্যমনসোংঽঘ্রিসরোজপূজাম | 
নিত্যং প্রৱৃদ্ধধনধান্যকলত্রপুত্রসৌভাগ্যসংপদধিকাস্ত ইহৈৱ লোকে ||৩|| 

কৈলাসশৈলভুৱনে ত্রিজগজ্জনিত্রীং গৌরীং নিৱেশ্য কনকাচিতরত্নপীঠে | 
নৃত্যং ৱিধাতুমমিৱাঞ্চতি শূলপাণৌ দেৱাঃ প্রদোষসমযে নু ভজন্তি সর্ৱে ||৪|| 

ৱাগ্দেৱী ধৃতৱল্লকী শতমুখো ৱেণুং দধত্পদ্মজস্তালোন্নিদ্রকরো রমা ভগৱতী গেযপ্রযোগান্ৱিতা | 
ৱিষ্ণুঃ সান্দ্রমৄদঙ্গৱাদনপটুর্দেৱাঃ সমন্তাত্স্থিতাঃ সেৱন্তে তমনু প্রদোষসমযে দেৱং মৃডানীপতিম ||৫|| 

গন্ধর্ৱযক্ষপতগোরগসিদ্ধসাধ্যৱিদ্যাধরামরৱরাপ্সরসাং গণাংশ্চ | 
যেঽন্যে ত্রিলোকনিলযাঃ সহভূতৱর্গাঃ প্রাপ্তে প্রদোষসমযে হরপার্শ্ৱসংস্থাঃ ||৬|| 

অতঃ প্রদোষে শিৱ এক এৱ পূজ্যোঽথ নান্যে হরিপদ্মজাদ্যাঃ | 
তস্মিন্মহেশে ৱিধিনেজ্যমানে সর্ৱে প্রসীদন্তি সুরাধিনাথাঃ ||৭|| 

এষ তে তনযঃ পূর্ৱজন্মনি ব্রাহ্মণোত্তমঃ | 
প্রতিগ্রহৈর্ৱযো নিন্যে ন দানাদ্যৈঃ সুকর্মভিঃ ||৮||

অতো দারিদ্র্যমাপন্নঃ পুত্রস্তে দ্ৱিজভামিনি | 
দদ্দোষপরিহারার্থং শরণং যাতু শঙ্করম ||৯|| 

ইতি শ্রীস্কান্দোক্তং প্রদোষস্তোত্রাষ্টকং সংপূর্ণম ||

Back to Bengali Scriptures and Stotras Page
Back to stotras in many languages
Back to Shaivam Home Page