হিমালযকৃতং শিৱস্তোত্রম

Himalaya Krutam Shiva Stotram


হিমালয কৃতং শিৱ স্তোত্রম

হিমালয উৱাচ || 

ত্ৱং ব্রহ্মা সঋষ্টিকর্তা চ ত্ৱং ৱিষ্ণুঃ পরিপালকঃ | 
ত্ৱং শিৱঃ শিৱদোঽনন্তঃ সর্ৱসংহারকারকঃ ||১|| 

ত্ৱমীশ্ৱরো গুণাতীতো জ্যোতীরূপঃ সনাতনঃ 
প্রকৃতঃ প্রকৃতীশশ্চ প্রাকৃতঃ প্রকৃতেঃ পরঃ ||২|| 

নানারূপৱিধাতা ত্ৱং ভক্তানাং ধ্যানহেতৱে | 
যেষু রূপেপু যত্প্রীতিস্তত্তদ্রূপং বিভর্ষি চ ||৩|| 

সূর্যস্ত্ৱং সৃষ্টিজনক আধারঃ সর্ৱতেজসাম | 
সোমস্ত্ৱং সস্যপাতা চ সততং শীতরশ্মিনা ||৪|| 

ৱাযুস্ত্ৱং ৱরুণস্ত্ৱং চ ৱিদ্ৱাংশ্চ ৱিদুষাং গুরুঃ | 
মৃত্যুঞ্জযো মৃত্যুমৃত্যুঃ কালকালো যমান্তকঃ ||৫|| 

ৱেদস্ত্ৱং ৱেদকর্তা চ ৱেদৱেদাঙ্গপারগঃ | 
ৱিদুষাং জনকস্ত্ৱং চ ৱিদ্ৱাংশ্চ ৱিদুষাং গুরুঃ ||৬|| 

মন্ত্রস্ত্ৱং হি জপস্ত্ৱং হি তপস্ত্ৱং তত্ফলপ্রদঃ |
ৱাক ত্ৱং রাগাধিদেৱী ত্ৱং তত্কর্তা তদ্গুরুঃ স্ৱযম ||৭|| 

অহো সরস্ৱতীবীজ  কস্ত্ৱাং স্তোতুমিহেশ্ৱরঃ | 
ইত্যেৱমুক্ত্ৱা শৈলেন্দ্রস্তস্থৌ ধৃত্ৱা পদাংবুজম ||৮|| 

তত্রোৱাস তমাবোধ্য চাৱরুহ্য ৱৃষাচ্ছিৱঃ | 
স্তোত্রমেতন্মহাপুণ্যং ত্রিসন্ধ্যং যঃ পঠেন্নরঃ ||৯|| 

মুচ্যতে সর্ৱপাপেভ্যো ভযেভ্যশ্চ ভৱার্ণৱে | 
অপুত্রো লভতে পুত্রং মাসমেকং পঠেদ্যদি ||১০||

ভার্যাহীনো লভেদ্ভার্যাং সুশীলাং সুমনোহরাম | 
চিরকালগতং ৱস্তু লভতে সহসা ধ্রুৱম ||১১||

রাজ্যভ্রষ্টো লভেদ্রাজ্যং শঙ্করস্য প্রসাদতঃ | 
কারাগারে শ্মশানে চ শত্রুগ্রস্তেঽতিসঙ্কটে ||১২|| 

গভীরেঽতিজলাকীর্ণে ভগ্নপোতে ৱিষাদনে | 
রণমধ্যে মহাভীতে হিংস্রজন্তুসমন্ৱিতে ||১৩|| 

যঃ পঠেচ্ছ্রদ্ধযা সম্যক স্তোত্রমেতজ্জগদ্গুরোঃ | 
সর্ৱতো মুচ্যতে স্তুত্ৱা শঙ্করস্য প্রসাদতঃ ||১৪|| 

ইতি শ্রীব্রহ্মৱৈৱর্তে মহাপুরাণে শ্রীকৃষ্ণজন্মখণ্ডে 
হিমালযকৃতং শিৱস্তোত্রং সংপূর্ণম ||

Back to Bengali Scriptures and Stotras Page
Back to stotras in many languages
Back to Shaivam Home Page