দ্ৱাদশ জ্যোতির্লিঙ্গ স্তোত্রম

Dvadasha Jyothirlinga Stotram


দ্ৱাদশ জ্যোতির্লিঙ্গ স্তোত্রম |  

সৌরাষ্ট্রদেশে ৱিশদেঽতিরম্যে জ্যোতির্মযং চন্দ্র কলাৱতংসম | 
ভক্তিপ্রদানায কৃপাৱতীর্ণং তং সোমনাথং শরণং প্রপদ্যে ||১||

শ্রীশৈলশৃঙ্গে ৱিবুধাতিসঙ্গে তুলাদ্রিতুঙ্গেঽপি মুদা ৱসন্তম | 
তমর্জুনং মল্লিকপূর্ৱমেকং নমামি সংসারসমুদ্রসেতুম ||২|| 

অৱন্তিকাযাং ৱিহিতাৱতারং মুক্তিপ্রদানায চ সজ্জনানাম | 
অকালমৃত্যোঃ পরিরক্ষণার্থং ৱন্দে মহাকালমহাসুরেশম ||৩||

কাৱেরিকানর্মদযোঃ পৱিত্রে সমাগমে সজ্জনতারণায | 
সদৈৱ মান্ধাতৃপুরে ৱসন্তমোঙ্কারমীশং শিৱমেকমীডে ||৪|| 

পূর্ৱোত্তরে প্রজ্ৱলিকানিধানে সদা ৱসন্তং গিরিজাসমেতম | 
সুরাসুরারাধিতপাদপদ্মং শ্রীৱৈদ্যনাথং তমহং নমামি ||৫|| 

যাম্যে সদঙ্গে নগরেঽতিরম্যে ৱিভূষিতাঙ্গং ৱিৱিধৈশ্চ ভোগৈঃ | 
সদ্ভক্তিমুক্তিপ্রদমীশমেকং শ্রীনাগনাথং শরণং প্রপদ্যে ||৬||  

মহাদ্রিপার্শ্ৱে চ তটে রমন্তং সম্পুজ্যমানং সততং মুনীন্দ্রৈঃ |
সুরাসুরৈর্যক্ষমহোরগাদ্যৈঃ কেদারমীশং শিৱমেকমীডে ||৭|| 

সহ্যাদ্রিশীর্ষে ৱিমলে ৱসন্তং গোদাৱরীতীরপৱিত্রদেশে | 
যদ্দর্শনাত্পাতকমাশু নাশং প্রযাতি তং ত্র্যম্বকমীশমীডে ||৮|| 

সুতাম্রপর্ণীজলরাশিযোগে নিবধ্য সেতুং ৱিশিখৈরসংখ্যৈঃ | 
শ্রীরামচন্দ্রেণ সমর্পিতং তং রামেশ্ৱরাখ্যং নিযতং নমামি ||৯|| 

যং ডাকিনীশাকিনিকাসমাজৈর্নিষেৱ্যমাণং পিশিতাশনৈশ্চ | 
সদৈৱ ভীমাদিপদপ্রসিদ্ধং তং শঙ্করং ভক্তহিতং নমামি ||১০|| 

সানন্দমানন্দৱনে ৱসন্তমানন্দকন্দং হতপাপ ৱৄন্দম | 
ৱারাণসীনাথমনাথনাথং শ্রীৱিশ্ৱনাথং শরণং প্রপদ্যে ||১১|| 

ইলাপুরে রম্যৱিশালকেঽস্মিন্সমুল্লসন্তং চ জগদ্ৱরেণ্যম | 
ৱন্দে মহোদারতরস্ৱভাৱং ঘৃষ্ণেশ্ৱরাখ্যং শরণং প্রপদ্যে ||১২|| 

জ্যোতির্মযদ্ৱাদশলিঙ্গকানাং শিৱাত্মনাং প্রোক্তমিদং ক্রমেণ | 
স্তোত্রং পঠিত্ৱা মনুজোঽতিভক্ত্যা ফলং তদালোক্য নিজং ভজেচ্চ ||১৩|| 

ইতি শ্রীদ্ৱাদশজ্যোতির্লিঙ্গস্তোত্রং সংপূর্ণম || 

Back to Bengali Scriptures and Stotras Page
Back to stotras in many languages
Back to Shaivam Home Page