অর্ধনারী নটেশ্ৱর স্তোত্রম

Ardhanari Nateshvara Stotram


অর্ধনারীনটেশ্ৱরস্তোত্রম |

চাংপেযগৌরার্ধশরীরকাযৈ কর্পূরগৌরার্ধশরীরকায |
ধম্মিল্লকাযৈ চ জটাধরায নমঃ শিৱযৈ চ নমঃ শিৱায ||১||

কস্তূরিকাকুঙ্কুমচর্চিতাযৈ চিতারজঃপুঞ্জৱিচর্চিতায | 
কৄতস্মরাযৈ ৱিকৄতস্মরায নমঃ শিৱাযৈ চ নমঃ শিৱায ||২|| 

চলত্ক্ৱণত্কঙ্কণনূপুরাযৈ পাদাব্জরাজত্ফণিনূপুরায | 
হেমাঙ্গদাযৈ ভুজগাঙ্গাদায নমঃ শিৱাযৈ চ নমঃ শিৱায ||৩|| 

ৱিশালনীলোত্পললোচনাযৈ ৱিকাসিপঙ্কেরুহলোচনায | 
সমেক্ষণাযৈ ৱিষমেক্ষণায  নমঃ শিৱাযৈ চ নমঃ শিৱায ||৪|| 

মন্দারমালাকলিতালকাযৈ কপালমালাঙ্কিতকন্ধরায | 
দিৱ্যাংবরাযৈ চ দিগংবরায নমঃ শিৱাযৈ চ নমঃ শিৱায |৫||

অংভোধরশ্যামলকুন্তলাযৈ তডিত্প্রভাতাম্রজটাধরায | 
নিরীশ্ৱরাযৈ নিখিলেশ্ৱরায নমঃ শিৱাযৈ চ নমঃ শিৱায ||৬|| 

প্রপঞ্চসৃষ্টযুন্মুখলাস্যকাযৈ সমস্তসংহারকতাণ্ডৱায | 
জগজ্জনন্যৈ জগদেকপিত্রে নমঃ শিৱাযৈ চ নমঃ শিৱায ||৭|| 

প্রদীপ্তরত্নোজ্জ্ৱলকুণ্ডলাযৈ স্ফুরন্মহাপন্নগভূষণায | 
শিৱান্ৱিতাযৈ চ শিৱান্ৱিতায নমঃ শিৱাযৈ চ নমঃ শিৱায ||৮|| 

এতত্পঠেদষ্টকমিষ্টদং যো ভক্ত্যা স মান্যো ভুৱি দীর্ঘজীৱী | 
প্রাপ্নোতি সৌভাগ্যমনন্তকালং ভূযাত্সদা তস্য সমস্তসিদ্ধিঃ ||৯|| 

ইতি শ্রীমত্পরমহংসপরিৱ্রাজকাচার্যশ্রীগোৱিন্দভগৱত্পূজ্যপাদশিষ্য
শ্রীমচ্ছঙ্করভগৱত্প্রণীতমর্ধনারীনটেশ্ৱরস্তোত্রং সংপূর্ণম ||

Back to Bengali Scriptures and Stotras Page
Back to stotras in many languages
Back to Shaivam Home Page