অপরাধভঞ্জনস্তোত্রম

Aparadhabanjana Stotram


অপরাধ ভঞ্জন স্তোত্রম

শান্তং পদ্মাসনস্থং শশিধরমুকুটং পঞ্চৱক্ত্রং ত্রিনেত্রং 
শূলং ৱজ্রং চ খড্গং পরশুমপি ৱরং দক্ষিণাঙ্গে ৱহন্তম | 
নাগং পাশং চ ঘণ্টাং ডমরুকসহিতং চাঙ্কুশং ৱামভাগে 
নানালঙ্কারদীপ্তং স্ফটিকমণিনিভং পার্ৱতীশং ভজামি ||১|| 

ৱন্দে দেৱমুমাপতিং সুরগুরুং ৱন্দে জগত্কারণং 
ৱন্দে পন্নগভূষণং মৃগধরং ৱন্দে পশূনাং পতিম |
ৱন্দে সূর্যশশাঙ্কৱহ্নিনযনং ৱন্দে মুকুন্দপ্রিযং 
ৱন্দে ভক্তজনাশ্রযং চ ৱরদং ৱন্দে শিৱং শঙ্করম ||২|| 

আদৌ কর্মপ্রসঙ্গাত্কলযতি কলুষং মাতৃকুক্ষৌ স্থিতঃ সন 
ৱিণ্মূত্রামেধ্যমধ্যে ৱ্যথযতি নিতরাং জাঠরো জাতৱেদাঃ | 
যদ্যদ্ৱা সাংব দুঃখং ৱিষযতি ৱিষমং শক্যতে কেন ৱক্তুং 
ক্ষন্তৱ্যো মেঽপরাধঃ শিৱ শিৱ শিৱ ভোঃ শ্রীমহাদেৱ শংভো ||৩|| 

বাল্যে দুঃখাতিরেকো মললুলিতৱপুঃ স্তন্যপানে পিপাসা 
নো শক্যং চেন্দ্রিযেভ্যো ভৱগুণজনিতা জন্তৱো মাং তুদন্তি | 
নানারোগোত্থদুঃখাদুদরপরিৱশঃ শঙ্করং ন স্মরামি 
ক্ষন্তৱ্যো মেঽপরাধঃ শিৱ শিৱ শিৱ ভোঃ শ্রীমহাদেৱ শংভো ||৪|| 

প্রৌঢোঽহং যৌৱনস্থো ৱিষযৱিষধরৈঃ পঞ্চভির্মর্মসন্ধৌ 
দষটো নষ্টো ৱিৱেকঃ সুতধন যুৱতিস্ৱাদুসৌখ্যে নিষণ্ণাঃ 
শৈৱে চিন্তাৱিহীনং মম হৃদযমহো মানগর্ৱাধিরূঢং 
ক্ষন্তৱ্যো মেঽপরাধঃ শিৱ শিৱ শিৱ ভোঃ শ্রীমহাদেৱ শংভো ||৫|| 

ৱার্ধক্যে চেন্দ্রিযাণাং ৱিগতগতনতৈরাধিদৈৱাদিতাপৈঃ 
পাপৈর্রোগৈর্ৱিযোগৈরসদৃশৱপুষং প্রৌঢহীনং চ দীনম | 
মিথ্যামোহাভিলাষৈর্ভ্রমতি মম মনো ধূর্জটের্ধ্যানশূন্যং 
ক্ষন্তৱ্যো মেঽপরাধঃ শিৱ শিৱ শিৱ ভোঃ শ্রীমহাদেৱ শংভো ||৬||

নো শক্যং স্মার্তকর্ম প্রতিপদগহনমত্যৱাযাকুলাখ্যং 
শ্রৌতং ৱার্তা কথং মে দ্ৱিজকুলৱিহিতে ব্রহ্মমার্গে চ সারে | 
নষ্টো ধর্ম্যো ৱিচারঃ শ্রৱণমননযোঃ কো নিদিধ্যাসিতৱ্যঃ 
ক্ষন্তৱ্যো মেঽপরাধঃ শিৱ শিৱ শিৱ ভোঃ শ্রীমহাদেৱ শংভো ||৭||

স্ত্নাত্ৱা প্রত্যূষকালে স্নপনৱিধিৱিধামাহৃতং গাঙ্গতোযং 
পূজার্থং ৱা কদাচিদ্বহুতরুগহনাত খণ্ডবিল্ৱৈকপত্রম |
নানীতা পদ্মমালা সরসি ৱিকসিতা গন্ধপুষ্পে ত্ৱদর্থং 
ক্ষন্তৱ্যো মেঽপরাধঃ শিৱ শিৱ শিৱ ভোঃ শ্রীমহাদেৱ শংভো ||৮|| 

দুগ্ধৈর্মধ্ৱাজ্যযুক্তৈর্ঘটশতসহিতৈঃ স্নাপিতং নৈৱ লিঙ্গং 
নো লিপ্তং চন্দনাদ্যৈঃ কনকৱিরচিতৈঃ পূজিতং ন প্রসূনৈঃ | 
ধূপৈঃ কর্পূরদীপৈর্ৱিৱিধরসযুতৈর্নৈৱ ভক্ষ্যোপহারৈঃ 
ক্ষন্তৱ্যো মেঽপরাধঃ শিৱ শিৱ শিৱ ভোঃ শ্রীমহাদেৱ শংভো || ৯|| 

নগ্নো নিঃসঙ্গশুদ্ধস্ত্রিগুণৱিরহিতো ধ্ৱস্তমোহান্ধকারো 
নাসাগ্রে ন্যস্তদৃষ্টির্ৱিহরভৱগুণৈর্নৈৱ দৃষ্টং কদাচিত | 
উন্মত্তাৱস্থযা ত্ৱাং ৱিগতকলিমলং শঙ্করং ন স্মরামি 
ক্ষন্তৱ্যো মেঽপরাধঃ শিৱ শিৱ শিৱ ভোঃ শ্রীমহাদেৱ শংভো ||১০|| 

ধ্যানং চিত্তে শিৱাখ্যং প্রচুরতরধনং নৈৱ দত্তং দ্ৱিজেভ্যো 
হৱ্যং তে লক্ষসংখ্যং হুতৱহৱদনে নার্পিতং বীজমন্ত্রৈঃ | 
নো জপ্তং গাঙ্গতীরে ৱ্রতপরিচরণৈ রুদ্রজপ্যৈর্ন ৱেদৈঃ 
ক্ষন্তৱ্যো মেঽপরাধঃ শিৱ শিৱ শিৱ ভোঃ শ্রীমহাদেৱ শংভো ||১১|| 

স্থিত্ৱা স্থানে সরোজে প্রণৱমযমরুত্কুংভকে সূক্ষ্মমার্গে 
শান্তে স্ৱান্তে প্রলীনে প্রকটিতগহনে জ্যোতিরূপে পরাখ্যে | 
লিঙ্গং তত্ব্রহ্মৱাচ্যং সকলমভিমতং নৈৱ দৃষ্টং কদাচিত
ক্ষন্তৱ্যো মেঽপরাধঃ শিৱ শিৱ শিৱ ভোঃ শ্রীমহাদেৱ শংভো ||১২|| 

আযুর্নশ্যতি পশ্যতো প্রতিদিনং যাতি ক্ষযং যৌৱনং 
প্রত্যাযান্তি গতাঃ পুনর্ন দিৱসাঃ কালো জগদ্ভক্ষকঃ | 
লক্ষীস্তোযতরঙ্গভঙ্গচপলা ৱিদ্যুচ্চলং জীৱনং 
তস্মান্মাং শরণাগতং শরণদ ত্ৱং রক্ষ রক্ষাধুনা ||১৩|| 

চন্দ্রোদ্ভাসিতশেখরে স্মরহরে গঙ্গাধরে শঙ্করে
সপৈর্ভূষিতকণ্ঠকর্ণৱিৱরে নেত্রোত্থৱৈশ্ৱানরে 
দন্তিত্ৱক্কতিসুন্দরাংবরধরে ত্রৈলোক্যসারে হরে 
মোক্ষার্থং কুরু চিত্তৱৃত্তিমমলামন্যৈস্তু কিং কর্মভিঃ ||১৪|| 

কিং দানেন ধনেন ৱাজিকরিভিঃ প্রাপ্তেন রাজ্যেন কিং
কিং ৱা পুত্রকলত্রমিত্রপশুভির্দেহেন গেহেন কিম | 
জ্ঞাত্ৱৈতত্ক্ষণভঙ্গুরং সপদি রে ত্যাজ্যং মনো দূরতঃ 
স্ৱাত্মার্থং গুরুৱাক্যতো ভজ ভজ শ্রীপার্ৱতীৱল্লভম ||১৫|| 

করচরণকৃতং ৱাক্কাযজং কর্মজং ৱা 
শ্রৱণনযনজং ৱা মানসং ৱাঽপরাধম | 
ৱিহিতমৱিহিতং ৱা সর্ৱমেতত্ক্ষমস্ৱ 
জয জয করুণাব্ধে শ্রীমহাদেৱ শংভো ||১৬|| 

গাত্রং ভস্মসিতং স্মিতং চ হসিতং হস্তে কপালং সিতং
খট্ৱাঙ্গং চ সিতং সিতশ্চ ৱৃষভঃ কর্ণে সিতে কুণ্ডলে|
গঙ্গাফেনসিতং জটাৱলযকং চন্দ্রঃ সিতো মূর্ধনি 
সোঽযং সর্ৱসিতো দদাতু ৱিভৱং পাপক্ষযং শঙ্করঃ ||১৭|| 

ইত্যপরাধভঞ্জনস্তোত্রং সমাপ্তম ||

Back to Bengali Scriptures and Stotras Page
Back to stotras in many languages
Back to Shaivam Home Page